دقت الساعات يا دنيا و اتقفل باب العتاب
انت صح اكيد يا دنيا انا الي الغلطان في الحساب
كتري الاحزان من شوي سطري و املي الكتاب
هو ده المكتوب علي اتولد باول العذاب


كل يوم احزان و جرح و دمع سايل من عنيي
كل يوم شجره حبايب عمري بتنقص شوي
لا ماليش احضان تهون قسوه الايام علي
لا ماليش غير ماضي فات و بكره ضايع من ايدي
دى صعبه الحياه قوي

اعرف منين طعم الفرح و الابتسامه
و انا كل ايامي تملت افراح عليها
انا بس اعرف اقول وداع و مع السلامه
و ادفن بايدي ذكريات عمري الجميله
دى صعبه الحياه قوي

قربت اخاف من كل لحظات السعاده
قربت اخاف لو ضمتيني بالهداوه
خايف ل قلبي يصدقك و افرح زياده
منا قلبي عاش و تربى منك على القساوه
دى صعبه الحياه قوي

كل يوم احزان و جرح و دمع سايل من عني
كل يوم شجره حبايب عمري بتنقص شوي
لا ماليش احضان تهون قسوه الايام علي
لا ماليش غير ماضي فات و بكره ضايع من ايدي
دى صعبه الحياه قوي