شرح البوم تامر حسنى اللى جاى احلى


14 اغنيه ب 14 قصه و 14 احساس .... ميطلعوش غير من مللك الاحساس ولسه الي جاي احلي



الي جاي احلي ..
اول كلمة ممكن ابدء بيها التوبيك دا واقول الي جاي هيبقي احلي
بعد ماسمعت الالبوم دا اتاكد فعلا من الكلمة دي
لان دايما ناس كانت تقول ان البومات تامر الي فاتت احسن من الي جايه
والي بيرجع وبيقول احلي البوم لتامر هو اول البوم
بس تامر في الالبوم دا ومع الي جاي احلي خلانا نقول ان كل البومات تامر الي جاية هتبقي احلي
مش استغراب خالص ان كل ماينزل البوم اكتب واقول دا احلي البوم لتامر
واشكر فيه كتير اوي لا فعلا تامر كل البوم بينزله بيخليك في عالم تاني خالص
بياخدك لعالم تاني يخليك تعيش معاه هو وبس تنسي كل حاجه تنسي الالبومات الي فاته
ويخليك تقول دا احلي البوم عمله تامر لانه بيخليك تحس بكده
ودا الي مخلي تامر دايما من نجاح لنجاح لانه بيعرف ازاي يخلينا اسري للالبوم دا
يخلينا طول الصيف منفكرش نسمع البوم غيره لانه ملكنا فعلا وخلانا نحسه هو احلي الالبومات
البوم الي جاي احلي خلانا فعلا نحس بكلمه الي جاي احلي
من بوستر تامر الي كله امل في بكره باصص في للسما وعايز يكون الي جاي احلي
باصص فيه ومتخيل كل حاجه جايه قدامه احلي واحلي ناسي كل الهم وبيفكر في الي جاي
الالبوم اسمه الي جاي احلي عشان كان في كل برومو تامر يقول ولسه الي جاي احلي
بيخليك تسمع اغنيه اغنيه وتفتكر كلمه تامر ولسه الي جاي احلي تكمل في الي جاي كمان
تسمع لحد اخر اغنيه وتقول دا فعلا كان احلي طب ولسه الي جاي احلي كمان
ودا معناه ان كل البوم تامر هيعمله هيكون احسن من الي قبله انا من رائي الالبوم دا احسن بكتير
من كزا البوم عده كلهم جامدين بس دا حساه عامل كوليكشين وشامل حاجات كتير اوي
ياريت كان تامر يتحط في الاختبار الصعب دا دايما عشان يقدم لينا البوم بالقوه دي
البوم الي جاي احلي بيخلينا فعلا فاهمين وعارفين ان الي جاي احلي في كل حاجه
كل اغنيه ليها قصه وكل قصه ليها نهايه ولو فكره في الحقيقه هتلاقي ان ليها نهايه احلي كمان
الالبوم حاسه فعلا ان اغاني بعيده عن بعض واغاني بتكمل بعض سلسله غريبه مترابطه من الاغاني
البوم يخليك تتفاجيء بحاجات كتير وانت بتسمعه ويخليك عايز تسمع اغنيه ورا اغنيه وتتمني تسمعهم تاني
من كتير ما الاغاني بتاخدك لمنطقه تانيه ممكن تخلص الاغنيه وانت ناسي كل اغنيه تانيه
بيدخلك من مود الحزن للفرح للرومانسيه ويرجعك في لحظه للحزن تاني
عند تامر في الالبوم دا الحزن حزن والفرح فرح والرومانسيه يعني رومانسيه والهياس برده هياس
الي يسمع اغنيه اكلمها ميصدقش ان في نفس الالبوم اغنيه زي ارتاح وكمل لوحدك
والي يسمع ارتاح وكمل لوحدك ميحسش ان في نفس الالبوم في دايما معاك وولا تسوي
كل اغنيه بتاخدك لمود تاني خالص وبتاخد لمنطقه تانيه وعالم تاني خالص وتخليك انت عايز تتكلم عنها هي وبس

بدء الالبوم باغنيه الي جاي احلي : اغنيه الي جاي احلي هي هيد الالبوم تامر سمي الالبوم باسمها
ولاول مره يسمي الالبوم باسم اغنيه وتكون هي فعلا الهيد ويبدء الالبوم بيها
بس الاغنيه غير اي اغنيه تانيه تامر بدء الالبوم بكلمه الي جاي احلي .. ونهي الاغنيه بالي جاي احلي
دايما عايز يفكرك ان الي جاي هيكون احلي واحلي وعايزك تعرف انك وانت بتسمع هيكون في الاحلي
الاغنيه دي من اول ماسمعتها اول حاجه شدتني ليها هي الالحان بجد كريم طلع موهبه جامده اوي
والتوزيع كمان جامد جدا احلي ما في الاغنيه دي هو اسمها ولحنها وتوزيعها كلهم بيدوا جوا تفائل جدا جدا
الاغنيه دي لما سمعت اسمها بس حسيتها تنفع تكون لاكتر من حاجه قولت طب اسمع اول كوبليه
لقتها برده تقدر تكون لاكتر من حاجه كملت تاني كوبليه لقيت ان الاغنيه دي اغنيه بين تامر وحبيبته
بس تقدر تتخيلها لاي حاجه تانيه ودا الي شفته في كزا حد هنا من اسمها تخيل عليها حاجات اكتر واكتر
تقدر تتوقع انها تكون من تامر لينا احنا او بيقولها لنفسه كمان عن الي حصل وان هيكون الي جاي احلي
ممكن تتوقع انها تكون عن مصر وبيقول لكل المصرين لسه الي جاي احلي
ممكن تكون عن البلاد العربيه كلها وكل الي بيحصل وبرده بيقلهم ان الي جاي فعلا احلي بكتير
ممكن تكون رساله علي هيئه اغنيه نفسه يوصل بيها رساله للتفائول نفسه يقول لكل الناس الي جاي احلي
الي زعلان من اي حاجه حابب يقوله ان لسه الي جاي احلي واحلي واحلي
لو علي حبيبته او عليه او لمصر او للبلاد او لكل حاجه ممكن حد يتخيل انها تكون عليه لان السونج دي
كل واحد بيسمعها وهو متخيل انه بيسمعها للسبب دا وبيحبها علي المنطق والسبب دا وعشان كده هي اسم الالبوم
تامر عايز يوصل ان السنه دي عدت صعبه اوي كان فيها مشاكل كتير بس كل دا ميهمناش منبصش للماضي
السنه دي عدت صعبه او بس نبص للنتيجه المهم اننا لسه كلنا مع بعض المهم اننا رجعنا نحب بعض اكتر
المهم ان كل حاجه وحشه اتحولت لاحسن حاجه اننا مع بعض جدا ولسه نفكر ان الي جاي احلي بكتير كمان
نسي كل الخناق ونسي كل جرح اتجرحه بسببه او من غيره كمان نسي كل حاجه وفكر فيها هي وبس
ماهو لازم عشان يكون الي جاي احلي ننسي كل الي فات ونفكر في الي عايزينه هيفكر في هواها هي وبس
كفايا الي حصل وهما بعاد عن بعض وكفايا كل حاجه وحشه بس من اللحظه دي لازم ننسي الوحش
لازم نفكر في الي بنحبه ونبقي معاه ننسي الجراح ونفتكر كل لحظه حلوه كفايا الي راح واحنا زعلانين
ليه نزعل دايما لما الي جاي ممكن يكون احلي واحلي
اجمد كوبليه تامر قاله بصوته الي هو نصيحه منه لكل حد دلوقتي بيقول الدنيا هتبقي وحشه
ليه بنفكر ان كل الايام عذاب عشان اتعذبنا وليه بنفكر ان مفيش حاجه حلوه هتحصل ليه بنفكر كده ونتدايق
عمرك سمعت في مره عن ليل مطلعش بعده نهار ؟ لازم كل حاجه ضلمه تنتهي بنور لازم كل ممر وطريق
ندخله ويكون ضلمه ومش عارفين نهايته بتنتهي بنور وضوء ومخرج جديد لازم نبص عليه وناخد بالنا منه
اغنيه من الاخر بتدعي ننسي كل احزانا وننسي كل حاجه حصلت وحشه ونقول هنخلي الي جاي احلي وبس

تاني اغنيه في الالبوم كانت اغنيه عرفت تغير من نفسها : السونج دي كانت هي اغنيه دعاية الالبوم
الاغنيه دي هي الي اتسربت وهي الي نزلت كدعايا وهي الي كانت بتقولنا شايفين الالبوم عامل ازاي ؟
هي كانت المفتاح الي بنقدر نحكم بيه عن مستوي الالبوم الي احنا داخلين نشوفه دلوقتي
اغنيه بتحكي عن حاجه مهمه اوي وحقيقه اوي بتحصل في حياتنا بين الحبيب والحبيبه لما يسيبوا بعض
الاغنيه بتحكي عن حبيب مكنش راضي عن حبيبته في تصرفتها وشكلها وحياتها وهي مكنتش بتتغير
حاول كتير يغير فيها لحد مايئس عشان مسحتيل تتغير وبعد شويه شافها ولقاها واحده تانيه
عرفت تغير من نفسها بجد وبقت واحده تانيه غير الي هو يعرفها نهائي ومش اتغيرت وبس لاء
دي عملت كل حاجه هو قالها عليها ونصحها بيها وكان عايزها تتغير ليها نفذت كل كلامه بالحرف
وفي وقتها قال يارتني كنت مسبتهاش وهي دي الكلمه الي هي كانت عايزه توصله ليها
هو دا الي كانت عايزه توصله ليه ان هو يندم انه سابها ويتعذب من بعدها خصوصا لما يشوفها اتغيرت
عايزه توصله انه يقول انا ليه سبتها وهي بقت احسن منا عايز طب هي ليه متغيرتش غير لما سابها
نفسه يسئلها متغيرتش ليه هو ليه ؟تفتكره يمكن تكون اتغيرت عشان ترضيه وتخليه يرجعلها ويحبها
وعملت كده من حبها ليه ولا عملت كده عشان تخليه يندم وتبان هي الملاك وهو الظالم ؟
فعلا الواحد مش بيحس بقيمه جد غير لما يروح منه ويسيبه وكمان ممكن يشوفه عادي مش دا الي كان ميت عليه
طب ليه متغيرتش ليه هو واتغيرت لما سابها عشان تندمه ممكن حد يوصل للدرجه دي ؟
من وقتها وهو خلاص عايز يرجع ليها تاني اتغيرت وبانت قدامه الواحده الي بيحلم بيها وبيتمناها
يمكن يكون اتسرع ؟ الاغنيه دي تحفه تحفه تحفه بكل المقايس تامر اول اغنيه عربي يدخل فيها انجلش
ايوا دايما كان العكس اغنيه انجلش ويدخل فيها كلام عربي بس المره الي تامر قدم لينا العكس
ودخل انجلش مع راب مع عربي مع سريع مع سلو مع كل انواع الميوزك في اغنيه واحده ونزلت هي قنبله الالبوم

تالت اغنيه وهي الي فعلا هياس وكوميديا الالبوم اغنيه اكلمها : الاغنيه دي من ساعه ماسمعتها في البرومو
وانا اتجننت بصراحه مت من الضحك وكنت هموت واسمع الاغنيه دي اول اغنيه اول مانزل الالبوم
جريت وفتحت السونج دي عشان اسمها مكنتش عارفه اني ممك مقدرش اكتم الضحك من كلامها
اغنيه اولا كلامها مفيش ولا كلمه فيها كلها بتتعاد كلها جديده وتخليك تتشوق لنهايتها
الاغنيه طبعا كلنا عارفين انها هتتصور ودي عشان الاغنيه عباره عن قصه تامر بيحكيها بتفاصيلها
حبيب وحبيبته من الزمن دا شباب ومهيسين شويه وعايزين يغيروا علي بعض ويقلقوا بعض
بدئت القصه ان هو بيكلمها لاقاها مبتردش وعرف في وقتها انا مش بترد عشان يقلق عليها
حركات البنات بقي وبعد شويه كلمها وهو مبرق وناوي يديها كام كلمه يزعلوها
تاخد هي بالها انه اتعصب تعمل نفسها انها كانت نايمه ولسه بتفوق وهترد عليه كان عايز يزعق
قال يشتغلها هي كمان يسكت ويخبي انه عارفها ويقول بينه وبين نفسه انها بتستعبط لان الوقت دا
هي مش بتنام فيه خالص فيحب انه يقلب الدور عليها ويلخبطها ويقولها بتشتغليني طب شوفي بقي
يسكت ساكته هي عارفه ان وراها سر تتاوب قال يعني لسه صاحيه وعايزه تعرف السر تقوله انت فين
بيشغلها ويعمل نفسه مش عايز يجاوب عشان تقلق اكتر هنا يفقسها ويفوق صوتها من الي كانت بتمثله
كانت عامله صوتها نايم يقلب فاجئه وتصوت وتقوله سؤالي مسمعتوش يغظيها اكتر ويرد
انه عند واحد صحبه متعرفهوش ويقولها ادخلي بقي كملي نوم عشان يغظيها انه عند حد تاني ومش عايزها
تتعصب وطبعا مش عايزه تمل التمسليه تقوله صحيت بيموت من الضحك وهو في البيت وبيشتغلها ومش عند اي حد
طبعا بتتعصب وتقلق اوي بيرجع ويقول انا نفسي اطمنها بس الي عملته بيتردلها لازم يخليها تتجنن شويه
بيكلمها اكتر من مره مشغوله تستني تكلمه بيستني كتير يقفل موبيله عشان لما تتصل يقولها انه مقفول
فتكمل قلق هو فين وتتصل كتير كتير ورا بعض بسرعه يبان في موبيله وهو من الضحك علي الارض
تبعتله انه لازم يكلمها عشان متقفش وطبعا يطنشها عشان مش هي الي تهدده تغيظه قال يعني قفشت
وتقوله انا خارجه دلوقتي وهتاخر ولان الطبيعي الوقت اصلا متاخر عارف انها مش هتخرج
فيطنشها وميردش تبعتله تاني تقوله كلمني عشان عايزاك وطبعا خايفه تكون في واحده معاه
وعشان شايفها بتغيظه يكمل عليها ويقفل موبيله وينام وهو في البيت وهي كمان تنام ويبقي ماهو عليه
ان الاتنين عايزين يجننه بعض نفسه يطمنها بس بيجننها زي ماهي مجنناه وهنا تخلص القصه

والمفاجئه ان يجي بعديها اغنيه دايما معاك : الي خلتني اعمل ازاي الي غني اكلمها هو نفسه الي غني دي
بصراحه مش قادره افكر حتي انه من لحظه للحظه طلعنا من مود لمود تاني نهااااااائي مختلف 180 درجه
وبرده الاغنيه دي هي الي تامر ناوي يعملها كليب وتكون تاني كليب للالبوم
اغنيه رومانسيه جدا جدا جدا جدا من اللحن للكلام لمنظر الكليب بقالي كتير اوي اوي مسعمتش حاجه زيها
واحد كان بيحلم بحببته دايما بيحلم انها تبقي ملكه وبين ايديه ومكنش بينهم اي صله بس قلبه كان بيطمنه
وفاجئه واحده تبقي فعلا حبيبته وتبقي بين ايده وقصاده مش مصدق دا حلم ولا حقيقه
من كتير حبه ليها خلاص بقي عايزها تبقي هي كل حياته وممكن يضحكي بنفسه عشانها
عايزها بس توعده انهم ميتخانقوش مهو من كتر مابيحبها مش عايز ولا ثانيه يبعدوا عن بعض في خناق
طب ليه يوم ميشوفوش بعض بحجه الزعل مش عايزها تحصل ابدا ضاع كتير وهما بعاد خلاص مش عايز
يضيع اي لحظه تانيه وهما بعاد ابدا ممكن يضحكي بنفسه عشانها ويكون مبسوط
ازاي واحده توصل حد للدرجه دي بزمتكوا في حب ممكن يوصل للدرجه دي ؟

ندخل من بعديها علي خامس اغنيه وهي الي عدي عدي : الاغنيه دي ممكن من كلمتها تحسسك انها حزينه
بس يجي اللحن والتوزيع يقلبه موزون الاغنيه خالص
بدء الاغنيه بصراحه قالها انه مش هيعيش غير بيها هي وبس يعني متحاولش تشوف ايه يرضيها وهو هيعمله
ورجع يقولها ها ؟ ايه يرضيني مش انا عدتلك حااجات كتير ورجعت طب عديلي انتي بقي حاجه وارجعي
الي عدي عدي خلاص ينسوا كل حزن وكل حاجه ويبتدوا تاني من جديد ودي تاني اغنيه فعلا للتفائول
ماهو ايما نقصه حاجات وهي مش حاسه بس خلاص نسي وعدي كل حاجه تعدي هي كمان
ولو هي متعديش ومش هتنسي هو بقي عمره ماهينساها طول حياته هيفضل يحبها
بعدين سكت شويه وقالها شوفي بقي بقلك ايه عشان هيجيب الخلاص لو هي تروح هو هيعيش ليه ؟
يعني ببساطه بيقولها انتي حياتي مينفعش تروحي مني ابدا
ورجع يقولها مش انا غالي عندك بقي خلاص متسبنيش لوحصل ايه بقي
اغنيه عن انها فعلا سايباه بس هو مش حزين وفاقد الامل لا انه بيقولها هترجعي يعني هترجعي
وعارف كويس انها هترجع لانهم ببساطه ميتغنوش عن بعض ابدا ولتاني مره بقول شفته حب كده

سادس اغنيه في الالبوم هي ميهونش عليا : اغنيه فكرتني لما سمعتها باغاني تامر القديمه اوي
البوم حب والبوم عنيا بتحبك وتامر وشرين مصدقتوش لما بقول ان في كوليكشين جامد يعني ازاي تبقي
الموسيقي والكلام الي هنا والاحساس الي دا واغنيه تانيه مطرقعه وحاجه تحسسك انك في القرن الجاي
بيقول لحبيبته ان مهما يحصل مش هيسيبها لو قالتله يسيبها بس ليه لانها ببساطه متهونش عليه
ميهونش عليه ابدا انه يسيبها هيفضل معاها دايما طب ازاي ممكن يسيبها وممكن ينساها ؟
طب ينسي ايه ينسي حنانها عليه وينسي لمسة ايدها ينسي عينها الي مبيرتاحش غير لما يشوفها بتضحك
هي نصه التانيه الي بيرتاح معاه مش بيشكي لحد غيرها ومش بيحكي لحد غيرها اي سر
لما الدنيا بتكون ضيقه اوي عليه بيجري عندها هي ويحكيلها وتوسعها تاني بايديها
ببساطه حلف انه ميكونش لحد تاني ولا يحب حد تاني طول حياته غيرها هي وبس
لان مينفعش يبدل نصه بنص حد تاني هما بقوا واحد دلوقتي نفسه تفتح قلبه
وتشوفه غلاوتها عنده وقتها مش هتقول اي كلمه من انها فيوم ممكن تهون عليه
بصراحه سونج روعه روعه روعه روعه روعه رجعتني لاحلي اغاني لتامر واحلي احساس
الي بقيت بدخل وبخرج منه في اسرع وقت ممكن يكون الي هو الفرق بي كل اغنيه واغنيه
الاغنيه دي حسستني بمعني الحب الي بجد والي المفروض يكون حسستني انها كلمات من اقدم معاني الحب
يارب يكون في حب كده دلوقتي بجد ؟

سابع اغنيه كمل لوحدك : والاغنيه دي متاكده ان ناس كتير اوي هتقول عليها احلي اغنيه في الالبوم
كمل لوحدك نزل فيها 3 سمبيلات وكنا حاسين انهم 3 اغاني مختلفه وكنا بنقول دول احلي 3 اغاني في الالبوم
وفاجئه نلاقيهم التلاته هما اغنيه واحده يبقي ازاي متكونش احلي واقرب اغنيه لينا في الالبوم
بيبدء الاغنيه بجرح كبير اوي وبصوته من غير موسيقي عشان نسمع الاحساس الي جواه
بدء بجرح احنا مش عارفينه جرح حبيبه عمله فيه ودلوقتي جي يرجع ويقوله انه هيبقي كويس
بس بعد ايه بعد ماجرحه جرح ميتنساش وسابه واتخلي انه وعايزه يرجع ويتعلق معاه من تاني
مينفعش يصدقه من تاني ويرجع من تاني لان لو نفس الموقف دا حصل وسابه بعض تاني
مين يضمن ليه انه بقي ميتجرحش من تاني ويزعل من تاني طب ليه اصلا يرجع ليه ويحلم
وهو عارف ومتاكد ان الحلم دا خلاص راح هيعلق نفسه باحلام جديده ليه من تاني ماهو لو عايز يعمل حاجه
كان عملها من زمان من اول جرح مكنش يستني لما يترجح ويرجع ويقول هعمل مينفعش
قالهاله من الاخر خلاص كمل لوحدك وافتكرني بخير بقي متقوليش استني وهانت لانها اتقالت كتير
في حاجات من اول موقف خلاص بانت اخرتها وبانت هو عايز يعمل ايه
تعب خلاص وطاقته نفذت مش هتلاقيه تاني معاها لانه مينفعش يستناها وهي مش هتبقي ليه الا لو مجنون
مفيش حد يكون عارف اخر الكلام ايه ويكون عارف نهايه الموضوع ايه ويقول استني برده
بجد اغنيه بتعيش قصص واقعيه كتير جدا جدا جدا ان اتنين يكونوا عارفين انهم مش لبعض
ويكملو طب يكملو ليه ويبدئوا الجرح ليه من تاني بدل ماينسوا صحيح هيكون صعب بس بدام اتجرح
يقدر ينسي بدل مايجرع ويتجرح جرح تاني واكبر منه كمان بصراحه الاغنيه دخلت قلبي اوي لانها حساها جدا
ولان عارفه ومتاكده انها واقعيه وكتير من الناس عاشوها او عرفوا حد عايشها

نيجي بقي لثامن اغنيه والي هي كلنا كنا مستنينها متسالنيش : الاغنيه دي هي اغنيه اكتشافات تامر الجديده
تامر زي مامعودنا دايما بيساعد المواهب كلهم وبيخليهم يعملو معاه اجمل اغاني عشان يعرف يشقه طريقهم
الاغنيه تامر مقالش فيها غير كوبليه واحد بس عشان يديها فرصه تكون هي اكبر في المساحه وتوصل للناس
اغنيه مش عارفه اتكلم عنها كتير او اقول فيها ايه بس اغنيه رومانسيه لدرجه كبيره اوووي
اغنيه دويتوا من حبيب وحبيبه بيموتوا في بعض نفس حبهم لبعض متبادل بينهم
هي نفسها ميسئلهاش عن اي حاجه فاتت ويشوفها هي وبس زي ماهي مش شايفه حد غيره
يسرحوا مع بعض بعيد عن الماشي ويرسموا ويتخيلو الي جاي لما بتكون معاه بتحس باحساس جديد
ولما بيبعد عنها بنقصها كتير عايزاه دايما في حضنها عشان تحلو الدنيا معانا وتبقي من نصيبه
وهو في كل حاجه بيرد عليها ويقولها انه معاها وعمره ماهيبعد هو ليها هي وبس وبيطمنها
ان مفيش حد يبقي معاه ملاك وحواليهم جنه ويقدر في يوم يسيبها ويبعد عنها
بصراحه الاغنيه سلو وجامده جدا وتامر اكتشف فيها بسمه كويس وهي طلعت قد الاكتشاف فعلا
وحلو ان تامر بيعمل اغاني دويتوا زي الالبوم الي فات لانهم بينجحوا والناس بتحبهم بسرعه

تاسع اغنيه وهي الاغنيه الي كنا محتارين هيكون ايه هو حكايتها من البرومو الغريب بتاعها اجمل هديه :
الاغنيه من لما شفنا البرومو والي بيغني مع تامر بيتكلم احترت اوي
لاني سمعت البرومو الي هي فيه وكان باين عليها انها عربي جدا مش انجلش يبقي ازاي تطلع انجلش
بس الي اكتشفته ان تامر عمل فيها زي ماعمل في اغنيه عرفت تغير من نفسها
دخل معانا وفي نصها الكلام الانجلش قلب كل مره بدل مايغني انجلش ويدخل عربي قال ليه مش العكس
الاغنيه دي تقريبا نفس فكره اغنيه ديما معاك دا مع الاختلاف الشاسع في اللحن وطريقه الاداء والتوزيع
كان بيدور علي حبيبته من زمان وبيسئل دايما عليها هي حبيبتي فين ؟
وفاجئه دمع لما شافها ولقائها فعلا قدامه لاقاها هي نور عينه الي تستاهله هي اجمل حاجه حصلتله
هي اجمل هديه ربنا ادهاله من السما جمالها طبيعي باحساسها وبروحها مش بالافوره
عمره في حياته مايقدر يتخلي عنها ولا يسيبها ولا يحب بعدها حتي لان محدش هيملي عينه زيها
لانه قعد سنين وسنين يستناها ويرسمها في خياله رسملها الصوره وقاعد مستني الواقع قدامه
نفس فكره الاغنيه التانيه برده كان مستني الاصل يجي ويسيب الخيال بقي واهو لاقاها قدامه
لما يكون قاعد سنين يتخيلها وفاجئه يلاقيها قدامه بيجري عليها ويحضنها من لهفته ويبقي عايزها ليه هو وبس
يبقي مستحيل بعد الحب دا يسيبها او زي ماقال في دايما معاك يقدر يستني ثانيه حتي تضيع في الخصام
الاغنيتين دول بيوضحوا لينا احنا ان محدش يتخلي ن حبيبه ال مريحوا والي بيحبه بجد
لانه لو فرط فيها مش هترجعله تاني ومش هيلاقي حد زيها لان الي ترضيك وتبقي في خيالك بتلاقيها مره واحده
والمره دي لازم تمسك فيها ومتخليهاش تروح منك ابدا
الاغنيه جامده وتوزيعها جامد واختياره للي بيغني معاه جامد اوي برده ودي اول خطوه للعالميه
انه يغني مع مطرب اجبني فعلا عالمي وياخده معاه

نيجي بقي للاغنيه رقم 10 ارتاااااااااااااااح : ارتاح ارتاح ارتاح اغنيه احلي حاجه فيها انها حقيقيه
اغنيه عارفه انها حصلت برده مع ناس كتير اوي اوي اوي اوي وانا اعرف اكتر من حد حصلت معاه
يمكن عشان كده حسااها اوي لاني عارفه انها واقعيه وبتحصل اوقات ومبيكنش قصد حد فيهم
الاغنيه بتحكي عن الي ساب وعايز يرجع ؟ يمكن لما حد يكون مش في الموقف مش بيحس
لما تحصل مشكله وحد يقول للتاني لازم نسيب بعض ويرجع بعديها يقوله انا كنت غلط لازم نرجع
تفتكروا ممكن تكون حاجه سهله ويقدروا يرجعوا بسهوله تاني اكيد مستحيل
لان الي اتخلي ممكن يتخلي في اي موقف تاني بيحصل حتي لو كان مش قصده بس بتحصل
الاغنيه بتعلمنا ان البعد دا يكون اخر حاجه قدامنا لما خلاص كل الطرق تتقفل ويبقي مفيش ولا مخرج غيره
مش يبقي ممكن فيه تفكير ونتسرع ونقول نسيب بعض ماهو دا الحل والغريب ان بيحصل العكس
الي قدر يبعت وطلعت منه كلمة نسيب بعض دا الي بيضعف ويقول تعالي نرجع من تاني
بس ال اتساب بيحس ان في حد اتخلي عنه بيحس ان في حاجه اتكسرت بينهم وصعب تتصلح من تاني
تامر جاي يقوله ارتاح خلاص الي انت طلبته اتعمل ونفذته وبعدنا بتلومني انا ليه دلوقتي عشان مش هرجع
هو مش انت الي قولت ان لازم نبعد وادينا بعدنا زعلان ليه وعايز ترجع ليه مش انت الي اقترحت واخترت
هما الاتنين كانو محتارين وزعلانين بس مين الي قرر عايز يرجع ليه دلوقتي وزعلان
عايز يرجع متاخر او وندمان بعد ما خلاص طلعت منه وحتي مش عايز يدي التاني فرصه يفكر
من السهل اوي انهم يبعدوا وميفكرش ويقول لا يمكن بس هو مش كده وهيفكر يبق حتي متدهوش فرصه
ليه التسرع دا الي يخليك تبقي ندمان ومش قادر تعيش من غيره وراجع من تاني تحلف انك بتحبه
هو مش كان ليك وملكك من الاول وتحت امرك دايما انت الي كسرته وسبته يضيع ويبقي مش ليك
المشكله ان الطرف الي اتساب بيبقي بعد الحاله دي خلاص مش قادر يفكر هو بيحبني بجد ولا لاء
وهو قصده بجد يسيبني ويتخلي عني ولا لاء لدرجه ان اوقات بيبقي مش قادر يحدد بيحبه ولا لاء
يبقي مش عارف يوصف شعوره ويعرف هو بيحبه ولا لاء ولا عارف يعمل حاجه
ودي الي بيقولها تامر تاني وتالت من الاغنيه الموضوع دا مفيهوش تسرع لانه مش لعبه وبيجرح اوي

كل يوم احبه تاني : دي كانت الاغنيه المختفيه الي محدش حتي كان يعرف اسمها وبصراحه تستاهل
تستاهل انها تكون مفاجئه ومختفيه دايما لحد ماتطلع وقت الالبوم عشان متتحرقش
الاغنيه دي امنيه من تامر لحبيبه وهما الاتنين بتمنوها انهم يتجوزوا ويجمعهم بيت واحد
كل يوم حبها عنده بيزيد اكتر واكتر طب اخرتها ايه غير الجواز
نفسه في يوم يصحي من النوم يلاقي وشها جمبه وماسكاه بايدها
نفسه في يوم يصحي من النوم يلاقي ضحكتها بتصحيه
نفسه يقدر يكلمها ويحب فيها براحته من غير ماحد يقوله خلاص
لو يعرف احساسه ايه هيكون في الايام دي لما يتجوزوا عمره ماهيقدر
محتاج ايام وايام عشان يقدر وبرده مش هيوصف ويوفيها حقها من الكلام
خلاص الدنيا ضحكتله من اول ماكانت هي موجوده قلبه وسعلها ودخلت جوه وبقي ليها مكانها
ازاي في يوم ممكن تمشي وتسيبه بعد كل ده عمره مايحصل
الاغنيه دي بتبين ان الحب مش بس تحبها وتتصاحب معاها لازم تحلم تتجوزوا تحلموا بالي جاي
متوقفوش احلامكوا عن الي انته فيه طول مالسه بتحلمو وهتحققوا احلامكوا ديه

نيجي للاغنيه رقم 11 اكتر اغنيه حزينه وبتطقع القلب في الالبوم كله اغنيه ساعدني انساك :
الاغنيه دي قطعت قلبي بجد انا سمعتها اكتر من مره وبدمع في كل مره عن التانيه
اغنيه تخلي قلبك يعيط لوحده تخليك تتقطع لما تحس بكل كلمه فيها كلمتها بتوجع اوي وبتجرح اوي
وخصوصا انها كلمات تامر وطالعه من تامر حاجه صعبه اوي انك تتخيلها علي اي حد
الاغنيه دي باديتها من اخرها الزل علي انك تحب بجد ؟
لا سبب من الاسباب سواء ان اهله مش موافقين سواء هو مش موافق
سواء حاجات كتير اوي ممكن تحصل تخليك تحس بالذل في الحب عشان انت حبيت بجد
لما بيبدء وبيقول ساعدني انساك بيطلب منها حاجه واحده انها تساعده ينسااها
متضعفش وترد عليه ويصعب عليها تخيلو هو الي بيطلب انه لو كلمها متردش عليه
لانه عايز ينسااها مش عايزها تضعف ويبقي السبب فيه عايز ينساها لو كلمها متردش ومتسئلش
لو شافته جالها لحد عندها ومحتاجها وضعفان اوي برده متسئلش عليه وتحاول تنساه
لو حاسه انها ممكن تضعب ومتسمعش كلامه تفتكر الزكريات بس الحاجات الوحشه وبس
بيطلب منها تفتكر كل حاجه كان قاسي فيها معااها متفتكرش حاجه كويسه
بيطلب منها انه ينساها لدرجه ان لو مات وحد قالها متسئلش عليه
الكوبليه دا عيني دمعت فيه جداااااااااااااااااااااااا لاني تخيلت ان ممكن فعلا يكون عنده الاحساس دا
طب ليه ممكن يكون عنده كل الاحساس دا جواه عشان ميتذلش وغلطته الوحيده انه حب بجد
عايز ينسي الفتره دي بكل الي حصله وبكل الي كان فاكره فيها عايز ينسي كل حاجه بكل كلمه حصلت فيها
مش عايز يفتكر الفتره دي او يفتكر فيها اي شخص خالص لانه مش عايز يندم علي انه حب بجد
وبيرجع ويقولها تاني لو جتلك مترديش ومتسئلش ولو مت متزعليش ومتسئليش
وتفتكرله كل حاجه قاسيه عشان تنساه وبيفكر فيها ومبيفكرش في نفسه حتي
في حد ممكن يكون متعذب بجد للدرجه دي ؟

نيجي ل الاغنيه رقم 13اغنيه ولا تسوي الدنيا : اغنيه رومانسيه من الدرجه الاولي وانا حبيتها اوي
اتكلمنا فيها في وقتها بمقالات متنتهيش

نيجي لاخر اغنيه في الالبوم والي اسمها يا مصر : طبعا مكنش ينفع ينزل الالبوم من غير اغنيه لمصر
تامر سجل الالبوم دا في ظروف مصر وفي ثوره مصر مينفعش مكنش ينزل اغنيه في الالبوم
دا اقل تقدير لمصر واقل تقدير لولاد مصر
تامر عمل اغاني كتير لمصر بس الاغنيه دي ليها طعم تاني خالص عارفين ليه ؟
لان كل اغنيه كانت بتبقي ماتش كره كانت بتبقي بعد حفله لكن الاغنيه دي بقي بعد الثوره
ثوره كبيره وتحرير شعب تخلينا نفتخر ببلدنا مصر
بيتكلم فيها عن مصر وعن ولاد مصر وعن اكتر من حاجه
بدء انه لو هيلف العاالم كله وانه لفه فعلا ودور في كل البلاد عن بلد شبه مصر ملقاش
دول عند كل البلاد بقلبه وبعينه عن بلد غير البلد دي مفيش عشان كل حاجه فيها حقيقه
وكل حاجه طالعه من القلب بجد
اي حد مصري دا شرف ليه ويتفاخر بيه قدام كل العالم ومش مبالغه لو تشوفوا شعبها
رجاله وبرده مش مبالغه بيقفوا جمب اي حد لانهم عمله نادره مش في مكان غير مصر وبس
لازم كل واحد يتفاخر ويقول انا مصري ويشيل اسمها وعلمها عليه دا نيلها هو في دمه
واسمها بيفخر لما يتحط قبليه كلمه مصري عشان بتنور الاسم دا وتديله مكانه
شعب مصر احسن شعب عنده مباديء كبيره واحنا اول شعب بنسالم دايما ونبدء بالمساعده والسلام
حتي الي حصل بين مسلم ومسيحي دي فتنة حصلت لو مسكت التاريخ هتلاقي ان احنا ايد واحده
هتلاقي بينهم وحده والي بيحصل دلوقتي مش تابعنا هتلاقي فعلا حاجه مبتحصلش غير في مصر
وعايز يوصل فيها ان بعد الثوره لازم كل واحد يفخر ويقول انا بلدي مصر

بصراحه بعد كل الاغاني دي الالبوم دا تحفه جدا جدا جدا جدا
وهينجح انشاء الله جدا جدا
وبصراحه يستاهل الف وسام مفيش البوم كامل
ويمكن حاجه تعجبك وحاجه لاء بس كلها اراء ولازم تسمعه مره واتنين وتلاته
الالبوم احلي البومات تامر وحتي

شكرا يا جمييييييييييييلالله لايحرمنا منك

شكرا يا جمييييييييييييلالله لايحرمنا منك