انا ماليش اكونت على الفيس اسمع من مكى
خلو بالكو من اللى بيعمل فيس بوكه نو فيس بوكى
حاول تحلقلو تنفضله فكك منه او فكى
مهما قالك و حلفلك و بعاتلك سكوه او سوكي
انا ماليش اكونت على الفيس اسمع من مكى
خلو بالكو من اللى بيعمل فيس بوكه نو فيس بوكى
حاول تحلقلو تنفضله فكك منه او فكى
مهما قالك و حلفلك و بعاتلك سكوه او سوكي
نازل من البيت بليل اجيب فول بيض ذبادى وفينو
العشا الرسمى فى مصر طبعا كلنا عرفينه
قابلت واد فاقد مالحته فقرى واسمه نينو
معمي مية ودخان يخرب بيت سنينه
قالى ينفع يا مكى على الفيس بوك اعملك اد
انا و احمد معتز و طارق و بك بك وعماد
وانت تنفضلنا التنفيضة السوده دى خد ياض
اعملنااااااا اد اعملناااااااااا اد
مش مهم معتز و طارق المهم انا و عماد
قالتلو يابنى انت بتهزى ولا بتتكلم جاد
انا من زمان بينى و بين الفيس بوك ميت سد و سد
اخرى كان الهاى فايف يمكن و الـicq
هاتقولى عندك فيس بوك هقولك Dman You!!
خدنى من ايدى البيت يقولى اصل الموضوع
ام فاتح الفيس بوك فلقيت 30 اكونت مصنوع
حطين صوتى و كتبين اسمى و عاملين نفسهم اناااا
وكل واحد فيهم بيكلم الاااااف فى السنة
هموت و اعرف بيقولو ايه للناس على لسانى
دي حاجة تخوف ترعب حط نفسك مكانى
لسة مفوفتش من الصدمة ام نينو ورانى حاجة تانى
فاتحلى ع الفيس بوك فان بيج مية الف فانز
كاتبين كلام جميل خلى قلبى مرفرف فرحان
شكر لكل الي كتب ان كان ليدى او مان
ملحقتش افرح راحت الفرحة و بقيت قاعد غضبان
اصل لاحظت اللى عمل الصفحة عيل كتيان
متقمصنى و بيتكم زى دبور فى فيلم مرجان كبر جيهك
روق ديهك اخبط ديى يا مان
سلاطتك بابا غنوجك و اضربلك خابور كمان
ركزت كل اللى كتبه الواد ده لقته هباب
دخلت فى لحظة كتبت لكل الصفحة ده واد نصاب
مسح اللى كتبتة بسرعة و قال هو الكداب
فجاة الكل افش كشر كان ناقص يرمولى بقبقاب
وبعتلى شتيمة وعملى بلوك و طردنى طرد الكلاب
يقطع النت على النتيت على العينتيتو عليه
دورت اكتر و لقيت صفحات على النت بأسمي كتيره
كل لما افتح صفحة القيها مليانه فتاوى كتيرة
اخبار حصرى على لسانى مكى اصله ادانى التأشيرة
وعلاقتى بالناس دى زى الدولارات باليرة
معرفش عنهم حاجة ولا حتى بتجمعنا الجيرة
ربنا يشفيهم دول ناس عيانه مش ناس شريرة
كل ساعة بتصريح متفبرك ليا وكله حماسة
ايشى فن وايشي اخبار شخصية و فتى فى دين و سياسة
الاغرب انى بلاقى ناس عقلة كبيرة و بتصدق
وبتاخد كل اخبارى المكذوبة منهم و بتفرق
الفتية بتفضل تكبر تنتشر تتخن تترستق تتذوق تتروق وتترقى لاشاعة و تتصدق
تانى يوم بلاقيها تتاكد اخبار فنية اتشل
فاوقفت مع نفسى واقفة طويلة و لقيت الحل
قررت اعلن فى اغنية انى مليش اى اكونت او سايت
لو قابلك اى مكى على النت قول له جود نايت
انا ماليش اكونت على الفيس اسمع من مكى
خلو بالكو من اللى بيعمل فيس بوكه نو فيس بوكى
حاول تحلقلو تنفضله فكك منه او فكى
مهما قالك و حلفلك و بعاتلك سكوه او سوكي
لو قابلك اى مكى على النت قول له جود نايت
انا ماليش اكونت على الفيس اسمع من مكى
خلو بالكو من اللى بيعمل فيس بوكه نو فيس بوكى
حاول تحلقلو تنفضله فكك منه او فكى
مهما قالك و حلفلك و بعاتلك سكوه او سوكي
الموضوع الأصلي :
كلمات اغنية فيسبوكى للكبير مكى الكاتب :
matrix المصدر :
منتدى شباب كول
الرئيسية
الدولة
