كحيل العين نبينا الزين على ضهره حسن وحسين بيسجد سجده ويصلى يافاطمه يابنتى خليهم انا فرحان كده بيهم وحاصلى واقوم على مهلى ودول احفادى وعيالى ولاد الغاليه والغالى واطهر خلق من اهلى وننه يناموا لا تخافى على حجرى وعلى كتفى نسيم الجنه فى ضلى حمام الغار بيدعيلهم وقبل النوم يغنيلهم يناديلهم ويندهلى بحب عيالى وصاحبهم وبافرح لما الاعبهم واركبهم على جملى مفيش اطفار تخش النار ولو كانوا ولاد الكفار ملاك فى الجنه يهمسلى
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 3- يا ملح الدار ــــــــــــــــــــــــــــــــــــــــــــــــــ
ياملح دارنا كتر صغارنا سيدنا محمد فى الحلم زارنا سيدنا ونبينا اللى هادينا سلم علينا وجبر خاطرنا فى الحلم جنه قران وسنه وهلال ومدنه وستار ساترنا ابو بكر كبر الله اكبر الخير بيكتر وبندى جارنا يدينا عافيه ومخده دافيه وبنيه صافيه بنقبل قدرنا نشكر ونحمد ولا حد يحسد ولما نسجد ندعى لكبارنا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 4- بسم الله ــــــــــــــــــــــــــــــــــــــــــــــــــ
بسم الله ما شاء الله ومفيش حارس الا الله وانس يلعب وياصحابه وسيدنا محمد يستناه
بعد ما يلعب يجرى عليه وبحنان الاب يربيه والحنيه تبان فى عينيه وبيضحكله رسول الله
صلوا على سيدنا المختار قال له فى ودنه على مشوار وانس طفل صغير لكن كان بيامنه على الاسرار
خبى السر يا قمحايه مهما تزن النحلايه وماقالهوش للوردايه والعصفوره على الاشجار
الله اكبر سمى وكبر امه بتسال لما اتاخر قال لها سر رسول الله واما مش ممكن اقوله ولا اقدر
تاتا يخطى العتبه ويكبر وبيتعلم وبيتشطر يروى حديث سيدنا محمد وبيحكيه للناس ويفسر
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 5- ولادنا اتولدوا على الفطره ــــــــــــــــــــــــــــــــــــــــــــــــــ
ولادنا اتولدوا ع الفطره
وعلى الاسلام واركانه وامه اختارت الاخره ينولوا رضاه وغفرانه
سميع وبصير وسبحانه رسول بشير بقرأنه سبع سموات بيطلعهم باذن الله على حصانه
رسول الله انا عارفك وفى الاحلام انا شايفك امام فى المسجد الاقصى وانبيا صلوا من خلفك
والكعبه ورسول الله على زمزم ان شاء الله اينى ينام فرحان يا حمام سيدنا محمد فى الاحلام يجبر بخاطره باذن الله
يديله تمره فى منديله فى الفجريه بيدعيله يضحك له ويلعب وياه ربى حنين ع الفقرا والنبى بعبايته الخضرا بيغطيه ويحرسه مولاه
ابنى ينام شبعان دفيان ويقرى معاه سورة الرحمن والقرأن نور فى سماه بسم الله هو الغالب رب المشارق ومغارب حنزورك يا رسول الله
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 9- يا طالع الشجره ــــــــــــــــــــــــــــــــــــــــــــــــــ
يا طالع الشجره
ريق الرسول تمره وولادنا يتربوا على حبه بالفطره
انسان عظيم الشان اخلاقه م القرأن وبيقسم اللقمه مع جار قصاده جعان
وبيعفى من ظلمه وبيعطى من حرمه اوهبنا يا ربى لو ذره من كرمه
البركه فى السكه لا فى مال ولا فى تركه حنزور رسول الله ونحج فى مكه
عقبالى عقبالى ومراتى وعيالى ندعى فى شباكك يابو مقام عالى
لو ربنا يرضى فى مقامه نتوضى وحياتنا من غيره ايام بتتقضى
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 10- نام يا حمام ــــــــــــــــــــــــــــــــــــــــــــــــــ
ننه وهو ونام يا حمام
الاسلام فرحه وسلام ونبينا راعى الاغنام بيشاور تقع الاصنام
صلى عليه حتنام فى امان تحلم بيه وتقوم فرحان سما حواليه لولى ومرجان وجوه عنيه جنه رضوان
ننه وهو باسم الرحمن والفاتحه ام القرأن وملايكه حواليك ترقيك صحبة نت والحاسد يهرب يا الشيطان
ننه وهو رزاق يا كريم ونبينا كان طفل يتيم من صغره ربنا يهديه وحنين ع اليتما رحيم
ننه وهو نور يا هلال يا رسولنا الرزق حلال وورلادنا بيصلوا عليك وع المدنه بيوعدنا بلال
الرئيسية
الدولة
