طريقه سهله جداااااااااا لتفصيص الرمان بالصور

انا
عارفة ان كتير جدا بيحب الرمان وهو بصراحة مفيد جدا لكن اكيد برضه اكترنا
بيكره يفصصه و هو بصراحة ممل جدااااااااا بس انا لقيت طريقة على النت سهلة
جدا وجربتها ولقيتها فعلا جميلة وسهلة جدا فقلت اجي جري اجيبها يمكن
تفيدكم

اول حاجة هنضرب الرمانة من برة من جميع النواحي وبعدين نقسم الرمان نصين بالعرض وبعدين نعمل فيها فتحات كتيرة زي كده

وبعدين نجيب بقى ايد الهون او اي حاجة تقيلة ونمسك الرمانة في الايد
التانية وبعدين نديله على نافوخه منرحموش ما هو يستاهل اصلا ياما بهدلنا
وزهقنا

هنبص نلاقيه هو والله بينزل ويتفرط لوحده وبينزل كمان سليم ومش مهري وحتى
لو لقيتي كام واحدة لازقة في القشرة بيبقى سهل انك تشيليها بايدك وكده بقى
عملناه بطريقة سهل ومش بياخد وقت خالص وكمان من غير طرطشة بقى وبهدلة ولا
سواد في الايد ونبقع الهدوم والمواويل دي

وده بقى شكل الرمان بعد ما فرطته كله ومخدش مني وقت خالص والله

ودي صورة كمان

يارب الموضوع يعجبكوا ويكون مفيد ليكوا وينفعكوا

منقول لافاده