تفاصيل كل ما قاله عمرو مصطفى عن عمرو دياب

السلام عليكم

لسه خلصانه حلقه عمرو مصطفي في روتانا

عمرو مصطفي قال كلام كتيييييييييير اوي هجيبلكم بقي انامن الاخر

اولا
قال ان عمرو دياب زي ابوه
قال ان عمرو دياب هو مثله الاعلي

قال ان عمرو دياب هو اكبر واهم مطرب عربي ورقم واحد

قال انه محتاج لعمرو وعمرو محتاجله وقال ان عمرو دياب هو اهم فاترينه لعرض اغانيه في الوطن العربي

قال ان عمرو دياب وصل لمرحله محدش يقدر يقارن نفسه بيه في الوقت الحالي

جميل

طيب نقلب بقي

قال ان عمرو دياب هو اللي صوره وانه سبب من اسباب تسريب صوره وان عمرو هو اللي عمل في صوره كده بالفوتو شوب

قال بما معناه انه مش هيدي الحان لعمرو ولا لحماقي ونستني ونشوف هيحصل ايه في الصيف

طبعا مقلش كده لكن انا بجيبلكم من الاخر وهو كان يقصد ايه

قال ان مشاكله مع عمرو دياب مشاكل هايفه جدا وطفوليه جدا وانه مبيعملش مشاكل مع حد غير لما يبقي غالي عليه

قال انه في 2008 مش هيبقي فاضي يدي الحان لحد غير للي يستحق بس

قال انه عمره ما قال ان عمرو دياب بيبوس ايده علشان يلحنله

قال ان مي عز الدين طلبت منه اغنيه وقالتله انت بتلحن لمين قالها لعمرو دياب قالتله مبسمعهوش انا بسمع تامر وفؤاد فرفض عمرو مصطفي انه يديها لحن وانها قالتله تامر باعتني ليك

قال ان كل اغانيه بتبقي مختلفه تماما عن اي اغاني عملها المطرب

قال هو عمرو دياب عمل زي خليك فاكرني قبل كده؟.

لا
ومكنش يقصد ان عمرو معملش حاجه بالحلاوه دي لكن يقصد ان خليك فاكرني كانت مختلفه تماما عن اي اغنيه عمرو قدمها

قال ان عمرو دياب رفض اغنيتين من البومه هما برتاح معاك ووايه يمنع وقال عليهم وحشين

ده ملخص لما يخص ديااب من كلام عمرو مصطفي

هجيبهالكم من الاخر

عمرو مصطفي مش عايز يلحن لعمرو او حماقي او حسام حبيب علشان لما ينزلوا الصيف يبان فرق مستواهم وهو غايب عن البوماتهم ولكن في نفس الوقت كان دبلوماسي الي حد ما ومغلطش في عمرو

الموضوع الأصلي : تفاصيل كل ما قاله عمرو مصطفى عن عمرو دياب الكاتب : زهرة المصدر : منتدى شباب كول

التوقيع