الدولة : عدد المشاركات : 21795 نقاط : 22561 تاريخ التسجيل : 06/01/2010 العمر : 34 الجنس :
موضوع: اخطاء شائعه فى بدايه العلاقه العاطفيه الأحد مايو 16, 2010 10:17 am
السلام عليكم ورحمه الله وبركاته
الاخطاء الى كتير مننا بيعملها فى بدايه علاقته العاطفيه وهو مش واخد باله منها خالص يالا نبتدى
: الخطأ الاول
انك تبالغ فى تعبيرك عن مشاعرك عشان تكسب ود الطرف التانى لا وايه وتبالغ وتاخد من المبالغه دى اسلوب لعلاقتك معاه يعنى تتصل بيه كل شويه وتطلب منها الخروج كل يوم وكل خروجه بورد وكل مناسبه بهديه حتى لو عيد العمال وتبالغ فى اهتمامك بنفسك وفى ارسال sms كل نص ساعه المشكله هنا ان الطرف التانى مايعرفش انك بتبالغ فى اهتمامك بنفسك وبيعتقد ان دا هو العادى بتاعك ولما بقى ترجع لطبيعتك وتنتهى المرحله دى هيعتقد الطرف التانى ان حبك ليه اصبح بارد وانك فقدت اهتمامك بيه
: الخطأ الثاني
انك تركز مجهودك فى انك تسيطر على الطرف الاخرتحت شعار انا بحبك وبخاف عليك مع ان العلاقه هتستمر لو انت ركزت جهودك فى انك تسيطر على نفسك
: الخطأ الثالث
انك تدى انطباع للطرف التانى ان العلاقه دى مسروقه فترفض انك تظهر معاه فى الاماكن العامه وماتكلموش الا فى نص الليل ولو اتصلت بيك اللى بتحبها ترد عليها على اساس انها راجل ايوة يا اسماعيل بيه او العكس طبعا الاداء ده بيخلى فى شعور بعدم الامان والشعور دا هينمو مع قصه الحب نفسها فتكبر وهى ضعيفه وهشه
: الخطأ الرابع
انك تعيش فى انتظار ان يقدم لك الحب حاجه اى حاجه والحب مش انك تستنى تاخد حاجه لالالالالالالالا الحب انك تتعب علشان الحاجه اللى عايزها
: الخطأ الخامس
انك تاخد راى اى حد فى الطرف الاخر او مثلا تسال صاحبك ولا صديقك ايه رايك فى فلانه؟ يعنى انك مابتحبش فلانه كده يعنى
: الخطأ السادس
انك تكتر فى كلامك جمل من نوعيه اصلى انا ماباحبش كذا انا ماينفعش معايا كده خدى بالك انا فيا ميزه عندى عيب بس هو ميزه فى نفس الوقت بلاش تفضل مركز فى نفسك وفى كرامه نفس سيادتك
يعنى من الاخر ركز مع اللى قدامك شوووووويه
: الخطأ الاهم
انك تفترض وتعتقد ان العلاقه دى one way وماتبقاش عامل حساب انها ممكن تخلص لاى سبب فتقف مكانك مجروح بعد ماكونت راكب عربيه واحدة وماشى بيك فى طريق كله ورد وزهور جميله وفاجأه قرر ينزلك فى حته مقطوعه ويمشى لوحده ويسيبك
الدولة : عدد المشاركات : 49757 نقاط : 58030 تاريخ التسجيل : 24/12/2009 العمر : 31 الجنس :
موضوع: رد: اخطاء شائعه فى بدايه العلاقه العاطفيه الخميس مايو 20, 2010 9:07 am
: الخطأ السادس
انك تكتر فى كلامك جمل من نوعيه اصلى انا ماباحبش كذا انا ماينفعش معايا كده خدى بالك انا فيا ميزه عندى عيب بس هو ميزه فى نفس الوقت بلاش تفضل مركز فى نفسك وفى كرامه نفس سيادتك
الرئيسية
الدولة
