ده كله مش مشكله .. المشكله لما تيجى تحكيله الحكايه هتحكيهاله ازاى ؟؟ اساسى هتبقى على النت .. وفيديو كول يعنى شهرزاد هتكون قاعده فلى اوضه لوحدها وجمبها لولو اللى بيعملها التاتو وشهريار ممكن يكون فى الاوضه التانيه او فى بلد تانيه خااالص
قاعد على النت وفاتح اللاب توب قدامه
ومشغل الفيديو كول
لما تيجى تحكيله الحكايه .. هتكون ايه هى الحكايه وهتكون شكلها ايه !!؟ تعالوا نشوف ايه هى الحكايه فى وقتنا الحالى ده
بلغنى ايها الملك الكول ذوا لكات والبنتكور والبلح الزغلول ان سندريلا جميله الجميلات دى طبعا غير فيرجينا جميله الجميلات لان فيرجينا دى مكرونه
سندريلا قعدت تستنى كتير كتير كتير ولم تظهر الساحره
قامت قايله " يادى النيله " الساحره الطيبه بنت عفاريت قافله تليفلونها ... ماشى
ورحمه ابوكى لمشرداكى على الفيس بوك .. وابقى قابلينى لو اجرتى فستان تانى بعد كده
العمل ايه العمل ايه يا سندريلا .. وبعد تفكير عميق قامت سندريلا ولبست بنطلون جينس ديق شرلستون بسمكه من تحت وبدى ستومك .. وحلق طاره .. ولبست باروكه ورفعت نص كيلو لبان من ابو بلالين ودارت كل البلاوى دى بالعبايه السودا
وقعدت تدور على الجزمه تدور على الجزمه .. ملقتش الجزمه قامت لبست السابوه ووقفلت تاكس .. واتكلت على الحفله .
ولما وصلت الحفله وهى فاكره انها هتعلق الامير بقا
بالهدوم اللى لبساها والباروكه وريحه البرفن الفظيع بتاعها ..اول ما دخلت اتفجأت ان كل البنات لابسين زيها بالظبط اما الامير فكان مشغول بيكلم خمس بنات من السيبر اللى فى القصر
بيلبعبوا ميدن اوفل اونر شبكه ومركزين جدا ومقطعين بعض علشان كانوا فى طريق القلعه .. وده اصعب طريق طبعا الامير كان بيخم وعامل شفره .. ونازل طحن فيهم بالبارزوكا سندريلا راحتله وقالتله مولاى الامير ضحك بسزاجه وقالها " انتى مش واخده بالك واللا ايييييييه
كلهم عليا ونازلين فيا ضرب بس مش عارفين يموتونى علشان انا عامل شفره هاهاهاها مولاى سيبك من البيئه دول وتعالى نرقص مع بعض الساعه داخله على 12 يا عم خلينا ننجز التاكس واقفل بره والعداد بيعد يابا وزمان السواق بهدل السلم وغرقه صابون ما تقوم يا عم انت
رد الامير : ايه لزمه الحركات القديمه دى
قومى قومى افتحيلك جهاز وورينا كفائتك كده
انضمى للبنات دول لان اللى هتموتنى فى اللعبه هتجوزها
اوباااااااااااا
خدتى بالك انتى من الطلقه دى .. رشقت
فى خلقتها .. لا مؤاخده يا كيكى
يا حياتى .. جربى تانى جربى تانى
طبعا سندريلا اتخنقت من المنظر وخرجت مسرعه قرفانه ومنهاره وبتجرى لغايه ما خرجت بره باب القصر وهى بتجرى رجلها اتزحلقت على الصابون اللى كان عامله السواق واتخلعت فرده السابوه اليمين
كان فى واحد من مرافقين الاميرشكله وزير او حاجه
شاف فرده السابوه ومسكها وكله نظرات اعجاب بالسابوه
فرحت سندريلا وجريت عليه وتقوله اخيرا وجدتك يا حبيبى يلا تعالى نتجوز
قالها للاسفل انا متجوز بس كان نفسى اسال انتى جايبه السابوه ده منين علشان كان نفلسى اجيب واحد زيه لمراتى فى عيد الام قالتله تشترى واحد زيه لمراتك .. كتك نيله عليك وعلى مراتك
اتخنقت سندريلا وخدت فرده السابوه من ايده وقامت تجرى وراحت بصاله وحدفته بالسابوه وقالتله " انا جيباه من باتا يا غبى "
وعاشت سندريلا فى بيت خالتها لحد ما جه خطبها عبد السلام باتا بائع الاحذيه وعاشت معاه فى سلام وامان فى بولاق الدكرور
الرئيسية
الدولة
