اوقات الفراغ ...

خليكو معايا ياشباب فى الكام نقطه دول ..
يا فتاح يا عليم يا رزاق يا كريم

- ادمــــــــــــــان
- بطـــــــــــــــاله
- كســـــــــــــــل
- سلبيـــــــــــــه
- ضيـــــــــــــــاع


هو ايه ده

دى النتايج المترتبه على اوقات الفراغ .. للشباب طبعا

يعنى عايزه ايه

عايزين

عايزين ايه

نصلح حبه

طيب صلحى .. بس بالراحه وحياه ماما

قشده


1- الادمان

* نصايح لغير المدمنين طبعا ...

- عدم الاختلاط باى انسان يولع سيجاره

-عدم التماشى مع السلبيه الى موجوده فى المجتمع وخصوصا فى موضوع الادمان بالذات ..

يعنى اظبط من اعتقاداتى .. تخيلو حتى الافكار المفروض نبدا نغيرها فى الاول

التفكير فى مشروع مفيد .. قراءه مثلا او ممارسه رياضه

-الانشغال .. يعنى مثلا احاول ادخل نفسى فى جمعيات او جماعات(مش ارهابيه طبعا) يعنى بيعملو نشاطات وكدا علشان املا فكرى

-افكر لمستقبلى احسن ما امشى فى سكه ما يعلم بيها الا ربنا

؛؛؛؛

2- البطاله

طب ونا اعمل ايه؟ مهو مافيش شغل ياستى

ما تصبر عليا دهديه

-اتصل بالرقم الى معلن عنو فى التليفزيون

-حاول تدور على شغل ولو بسيط الشغل مش عيب مش مهم الوظيفه مش مناسبه .. الاطباء دلوقتى مبيشتغلوش

-خلى دايما قدام عينك القدوه الى نفسك تسير مسيرتو

-حب شغلتك علشان تقدم افضل ما عندك فيها

-ابعد عن الافكار السلبيه الى ممكن تدمرك

-فكر فى ربنا الى هيسالك يوم القيامه عملت ايه

؛؛؛؛؛

3-الكسل

اشجينى

من عنيا يا سكر .. خد عندك

-المشكله الاولى هيا السهر .. بلاش سهر .. مهو النهار طويل عريض

-الكسل موجود فى كل حاجه حتى فى الشغل ..

لازم احاول اجاهد نفسى علشان اادى العمل على اكمل وجه ..

-حط دايما قدامك انك انت قدوه لغيرك الى اصغر منك

-بص لمجتمعك ازاى متدهور وبالكسل هيتدهور اكتر
-حاول تبتكر علشان تقتل الكسل ده

-دور دايما على الى ينصحك وصاحبو .. وصاحب غيرو بردو لكن اتمسك بده اكتر

؛؛؛؛؛؛

4- السلبيه

السلبيه بتتمثل فى كلمه هو انا مالى

طب منا عارف

طيب خد عندك

هات

- الحب .. هو اهم شىء لازم نتمسك بيه علشان نقضى على السلبيه ..

انت لو بتحب شىء وليكن حبيب مثلا دايما بتكون ايجابى معاه .. بتكون شخص تانى ..

وهو ده مربط الفرس

- التخلص من الكسل

- الاتقان فى العمل

- عدم التاجيل والمماطله واللامبالاه

-اتخاذ الايجابيه وسيله للوصول لغايه اعلى واسمى وهيا الراحه النفسيه والانجاز

- عدم القاء اللوم على الغير دون نفسى

- التفكير فى الجماعه .. يعنى مكونش انانى بطبعى

؛؛؛؛؛؛

5- الضياع

ومن خلال كل الى فات بيترتب على كدا الضياع للكل بقى
لو كان ليا لوحدى او لمجتمعى ..

فاعلشان كدا يا جماعه عايزين نصلح شويه .. كفايه كدا

هيا دى الاسباب الى بتخلينا دايما ورا

الى بتخلينا نكون قاسيين على نفسنا وعلى غيرنا

دول الى بيغيرو طباعنا بجد

وعلى فكره .. فيه سؤال هييجى على بالك دلوقتى

هتقولى .. هو انتى يعنى عملتى كدا

والله انا لسا هبدا معاك اهو بس توعدنى انك تبدا تكون صح

يا اما بقى تجيب علبه كبريت وشويه جاز وتولع فى نفسك

- الحب .. هو اهم شىء لازم نتمسك بيه علشان نقضى على السلبيه ..

انت لو بتحب شىء وليكن حبيب مثلا دايما بتكون ايجابى معاه .. بتكون شخص تانى ..

فعلا يا لوليتا عندك حق الحب بيغير كل حاجه فينا تسلمي يا ام الزووء نصايح مفيده جداااا

فعلا ياحماده
اسمى شى فى الوجوووووووووووووووووووووووووووود

يسلمووووووووو

يسلمووووووووو

ميرسى يا زوزا تسلمى للمرور

شكرا لك علي الموضوع الاكتر من رائع

مشكورين لاحلىى مرور بممواضيعى