الدولة : عدد المشاركات : 376 نقاط : 482 تاريخ التسجيل : 11/07/2010 العمر : 31 الجنس :
موضوع: يا مأمنة للرجال يا مأمنة للمية فى الغربال الثلاثاء نوفمبر 16, 2010 4:47 am
ياختي مالهم الرجاله دول
هاتى لى ودنك انتى وهى وتعالى اسمعى الكلام اللى هقوله لك ده.. ياختى مهما عملتى فى نفسك ايه عمرك ماهتعجبى الراجل امال ايه ماهم أصلهم صنف نمرود..
1-يعنى مثلا لو انتى جيتى فى مرة وفكرتى تعملى رجيم يبقى علطول فى نظر البيه معصعصة والنعمة مش باينة عليكى وتبصى تلاقيه ذوقه انقلب وبقى يعجبه الحريم المربرب, أما لو انتى سبتى النعمة تبان عليكى فتبقى فى نظره اااااااااااااد الفيل.
2-ولو جيتى اقتصدتى فى مصروف البيت شوية يقول عليكى بخيلة ومنشفاها عليه , اما لو فتحتيها على الرابع يقول دى مستبيعة ومش خايفة على فلوسى.
3-ولو فى يوم حاولتى يعنى تغيرى من رتابة اليوم وتتكلمى معاه وتتناقشى هيقول عليكى علطول دى غاوية خناق ونكد ,واذا لميتى الدور هيقول دى معيشانى فى ملل ومفيش جديد فى البيت.
4-ولو كنتم زعلانين وفكرتى تعملى فى نفسك (نيو لوك) وعملتى شعرك من نفسك عند الكوافير(موزمبليه) هيقول دى اكيد عايزة منى حاجة وبتجر رجلى لحاجة معينة , ولو سبتيه ومعبرتيهوش وتقلتى عليه شويه هيقول عليكى دى ما صدقت اننا اتخانقنا.
شوفى انتى وهى مهما عملتوا مع الرجالة عمره ماهيطمر فيهم عشان كده بنصحك انتى وهى ياختى اننا نرفع شعار (النساء متحدات) ضد الرجالة المتوحشين دول لحسن احنا والنبى كلنا غلابة وملناش ضهر وااااء
وفى أخر كلامى أحب أقول لكم مثل شعبى مصرى(يا مأمنة للرجال يا مأمنة للمية فى الغربال)
الدولة : عدد المشاركات : 49757 نقاط : 58030 تاريخ التسجيل : 24/12/2009 العمر : 31 الجنس :
موضوع: رد: يا مأمنة للرجال يا مأمنة للمية فى الغربال الثلاثاء نوفمبر 16, 2010 4:56 am
4-ولو كنتم زعلانين وفكرتى تعملى فى نفسك (نيو لوك) وعملتى شعرك من نفسك عند الكوافير(موزمبليه) هيقول دى اكيد عايزة منى حاجة وبتجر رجلى لحاجة معينة , ولو سبتيه ومعبرتيهوش وتقلتى عليه شويه هيقول عليكى دى ما صدقت اننا اتخانقنا.
الرئيسية
الدولة
