اشهر الجمل اليوميه اللي بيقولها الاباء والامهات في مصر ‏

علق هدومك انا مش هشيلها وراك
البس تقيل انا مافياش حيل اودي لداكاترة
*امشى جاتك مشش فى ركبك .

* جتها نيلة الى عايزة خلف تيجى تتفرج .

*ذاكر ياموكوس مش فالح غير فى الهيافه والكلام الفاضى.

* ربنا يرزقك بعيل يوريك اللي ورتهوني.

* هات كيس عيش وانت راجع.

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

*لما ما ترضاش تاكل في البيت:طبعا مانت اتعودت علي اكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* والله ما انت فالح.

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* المسلسل مش هينفعك ...قوم .

*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي سدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جوا الحيط .

* احمد ربنا الاكل الى مش عجبك ده فى ناس مش لقينه .

* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.

* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )
لوعارفين جمل تاني خشوا قلوها هههههههه

الموضوع الأصلي : اشهر الجمل اليوميه اللي بيقولها الاباء والامهات في مصر ‏ الكاتب : حوده كوول المصدر : منتدى شباب كول

التوقيع

* والله ما انت فالح.

انت كاتب مذكراتك
ايه الجمال دا يا حودا
مواضيعك مالهاش حل

الموضوع الأصلي : اشهر الجمل اليوميه اللي بيقولها الاباء والامهات في مصر ‏ الكاتب : زهرة المصدر : منتدى شباب كول

التوقيع

ههههههههههههههه اكيد الكلام ده بيتقال ليك علشان كدا انت عرفه ههههههههههههههه

الموضوع الأصلي : اشهر الجمل اليوميه اللي بيقولها الاباء والامهات في مصر ‏ الكاتب : ميدو مانشستر المصدر : منتدى شباب كول

التوقيع

هههههههههههههههههههه
الظاهر كده يا ميدو
وانت يا حوده بتفضح نفسك كده ادام الناس
بس جميله جداااااااااااااااااااااااا
تسلم ايديك يا قمر
دايما مبدع وفنان

الموضوع الأصلي : اشهر الجمل اليوميه اللي بيقولها الاباء والامهات في مصر ‏ الكاتب : العاشقه المصدر : منتدى شباب كول

التوقيع

زهرة كتب:: * والله ما انت فالح.

انت كاتب مذكراتك
ايه الجمال دا يا حودا
مواضيعك مالهاش حل

ميرسى اوى يا زهرة دة من زوقك يا قمر
ومتشكر اوى على مرورك وديما نمورانى

الموضوع الأصلي : اشهر الجمل اليوميه اللي بيقولها الاباء والامهات في مصر ‏ الكاتب : حوده كوول المصدر : منتدى شباب كول

التوقيع

mido only كتب:: ههههههههههههههه اكيد الكلام ده بيتقال ليك علشان كدا انت عرفه ههههههههههههههه

هههههههههههههههههههههههههههههههه
اوعى تفهمنى صح يا ميدو

الموضوع الأصلي : اشهر الجمل اليوميه اللي بيقولها الاباء والامهات في مصر ‏ الكاتب : حوده كوول المصدر : منتدى شباب كول

التوقيع

العاشقه كتب:: هههههههههههههههههههه
الظاهر كده يا ميدو
وانت يا حوده بتفضح نفسك كده ادام الناس
بس جميله جداااااااااااااااااااااااا
تسلم ايديك يا قمر
دايما مبدع وفنان

ههههههههههههههههههههههههههههههه
مفيش اجمل من مرورك الى اسعدنى يا رودى

الموضوع الأصلي : اشهر الجمل اليوميه اللي بيقولها الاباء والامهات في مصر ‏ الكاتب : حوده كوول المصدر : منتدى شباب كول

التوقيع