امجد الطنملى
عضو مشارك
 الدولة : 
عدد المشاركات : 120
نقاط : 260
تاريخ التسجيل : 02/12/2010
العمر : 29
الجنس : 
 |  موضوع: أنا والمصروف وهوالك الجمعة ديسمبر 03, 2010 8:43 am | |
| أنا والمصروف وهوالك
بسم الله الرحمن الرحيم
السلام عليكم
كل فتره ادخل اشقر على الاقسام الاقى الاقسام بتعانى من تخمه فى نقاشات الحب اللى مش بتخلص
وبصراحه كده ومحدش يزعل منى ,, كل واحد بئى فاهم وكل واحده فاهمه بس احنا بنحب الكلام الكتير
كل علاقه وليها ظروفها وليها طبيعتها واللى بيتكلم النهارده لو اتحط فى نفس الموقف حتلاقى الفعل حيخالف رده
فكفايه يعنى ,, الدنيا مش كلها حب ,, فى حاجات كتير ممكن نتناقش فيها
اكيد محور النقاش النهارده مش مهم لناس ,, ومحرج لناس تانيه ,,,
انما على الطرفين فى مغالطه احنا مش بنحاول نشوفها ,, وساعات بنغمض عنينا عنها
حقولكم ايه هى ,, واكيد حيكون فى ربط بينها وبين المقدمه اللى فى اول الموضوع
((صلوا على النبى ))
علشان تملك قرارك لازم تملك قوت يومك ,, ودى مش محتاجه نقاش
اللى هيديك قرش ,, هيفرض عليك بقرشين ,,
طيب اذا كان اللى هيفرض ده اقرب حد ليك فى الدنيا
(( سيبك من كلام الاغانى وحبيبتك هى اقرب لا طبعا امك وابوك ))
المهم اقرب حد ليك فى الدنيا دى هو اللى يكون فى الوضع ده ,, يعنى يفرض عليك رايه ؟
طبعا الموقف بيكون سهل جدا ,, لان فى اللى بيعلى صوته وفى اللى بيقل أدبه وفى اللى بيحرتم قراره
ايا كان كلنا مرينا بالمواقف دى
(( ايام ما كنت باخد المصروف كنت بعمل بلاوى))
المشكله فين طيب بالنسبه للمصروف ؟
المشكله يا اخوانا انك لو شغال عند حد فى شركه مثلا ,,
(( او عند حد فى محل مثلا مش حتفرق كتير))
والحد اللى بتشتغل عنده ادالك مبلغ من المال وقالك تصرفه على مأموريه لحلايب وشلاتين مثلا
المأموريه دى بتبدا من النهارده وبتستمر 8 ايام ,,, طبعا هو حيتابعك من بعيد لبعيد ,, بس فى الآخير لازم يكون فى مقابل للمبلغ اللى هو ادهولك
بمعنى أصح لازم تكون الماموريه ناجحه وتحقق مكاسب الشركه اللى بتحلم بيها
طيب لو بدلنا المثال
بدل صاحب الشركه ,, حيكون الآب
بدل ال 8 ايام ,, حنخليهم 8 شهور (( فترة الدراسه ))
وبدل المتابعه من بعيد لبعيد حنخلى الوالد يقولك بس (( ذاكر يا ابنى ))
وبدل النجاح فى المأموريه اللى لازم يتحقق ,, حيكون النجاح والتفوق اللى بيحلم بيها ابوك
اللى عايز اقوله من بعد ده كله
احنا شعوب الفصاحه والبلاغه ,,, ماشاء الله لو قلت لحد اتكلم عن الحب تلاقيه زى الصاروخ كتبلك معجم
لو قلتله قول القانون الآول لنيوتن ,, تلاقيه يعطل ويضرب لخمه
دى حاجه
الحاجه التانيه بنتكلم كتير عن الحقوق والواجبات والكلام ياسلام بيبئى فى السما ,, انا بحس انى فى المدينه الفاضله
لما نيجى لارض الواقع ,, نلاقى على قد ماالواحد فينا بياخد حقوق ,, تيجى عند الواجبات تلاقيه اداها ضهره وعمل نفسه (( اهبل ))
طيب لو كانت اوروبا واللى فيها بئت الحلم اللى بنشوفه ,, والله بحالنا ده الناس دى (( متستنضفشى )) تعرفنا
لانه ببساطه الشاب بييجى بعد 18 سنه وبيتولى مسؤولية نفسه ,, انما احنا بنعمل ايه ؟
ناخد المصروف نجيب بيه
تشيرتات , سجاير , نحدث الموبايل , نحدث الكمبيوتر , هديه فى الفلانتين , رصيد يتبعت لحبيب والا لحبيبة القلب
(( والله اعلم بتكلم بيه مين))
علشان كده لما بنيجى نتخرج كله وبلا استثناء بيتحطم
المتفوق بيتحطم لانه عاش حياه وبيخرج يلاقى نفسه فى دنيا غير اللى كان عايش فيها
والمعلم اللى ظابطها ,, بيتخرج يلاقى فى حاجه اسمها مسؤوليه وطبعا معدشى فى مصروف (( اشرب يا مفتح ))
نرجع بئى للمقدمه ,, لما قلتلكم ان كل حد هعارف كل حاجه عن الحب كنت قاصد
حشرحها باختصار علشان كده انا خنقتكم
الموضوع بسيط ,, الحب = مسؤوليه
واغلب المحبين ماشاء الله بيكونوا فى مرحلة هم بيعتمدوا فيها على غيرهم
يعنى القرار مش بايدهم ,,
فى اللى بيتشجع ((وممعهوش )) اكيد لازم يترفض ,,
وده السبب ان منتدياتنا اغلب الكلام فيها على الهجر والبعد والفراق والكلام الكبير ده
بس فى حاجه ,,,,,,,,
فى اللى بيحصل ليه كده فى حبه وبيكون دافع ليه انه يتغير ويتعلم يشيل مسؤوليه ,,, وفى اللى بيعيش يتكلم عن الحب وللحب
انا والمصروف وهواك
تحياتى ليكم """""""" : أنا والمصروف وهوالك الكاتب : امجد الطنملى المصدر : منتدى شباب كول |
|
زهرة
~¤ô¦§¦ ادارة المنتدى ¦§¦ô¤~
الدولة :
عدد المشاركات : 73740
نقاط : 111480
تاريخ التسجيل : 30/01/2010
العمر : 36
الجنس : 
| |
ẪђMξĐ ŶǾปŇįŜ
المراقب العام
الدولة :
عدد المشاركات : 5836
نقاط : 6452
تاريخ التسجيل : 22/06/2010
العمر : 33
الجنس :
| |
الرئيسية
