عمرى ما كنت اتخيل يوم انك تفكر تبعد عنى
وانت كمان اللى تطلبها منى؟!
لا يا حبيبى انا عمرى فيوم ما هقدر ابعد عنك صدقنى..
وياما قلتلك حبنا اكبر من اى ازمات جتلك وجتلى..
وياما حصلك وحصل لى.... عمرنا ما قلنا نبعد..
كنت دايما بضعف واقولها ساعات..
وانت اللى كنت دايما بتقوينى على كل الازمات..
يبقى ازاى الشىء الوحيد اللى كان بيقوينى ..
يضعف ويستسلم قدام عينى..
عمرى ما اصدق ابدا ولا اتخيل ده منك **من حبيبى**
دا انا من غيرك اضيع واموت
دا انت عمرى وحياتى وروحى..
انت عمرى اللى عيشاه
وانت حياتى اللى فيها بعيش اجمل لحظات وانا معاك..
وانت روحى اللى لو تطلبها تلقيها معاك
ولو تحتاجها تلقيها فداك..
واللى لو بعدت عنى تخدها منى واموت وقلبى معاك..
*حبيبى*انت وعدتنى
انك ما هتسبنى ولا تتخلى فيوم عنى..
وحياتى عندك متفكرش غير انك تحبنى وبقلبك تضمنى ..
**انت وعدتنى**
انا مش هقدر ابعد عنك ..انت خلاص فى قلبك اسرتنى
وبحبـــــــك ملــــــكتنى..
علقتنى بيك وفلحظه ضعف واحده
عايز تتخلى عنى وعن قلبك تصدنى..
وتسبنى وسط البحر وفإيدك تنجدنى
ومن الموت تنقذنى وتحيينى من جديد..
-القرار مش فإيدك لوحدك وده مش قلبك لوحدك..
ده قلبى معاك اللى بتفكر تكسره وتجرحه وتظلمه وياك..
حبيبى انا مقدرش اعيش من غيرك ..
انا عمرى ما حبيبت ولا هحب حد غيرك..
ومقدرش ادى حبى لحد تانى.. وميبقاش قلبك انانى..
عايز تعيش فعذاب لوحدك..تبعدنى عنك وتعيش بقلبك وحدانى؟
الموضوع الأصلي :
**..عمرى ما كنت اصدق ابدا..** الكاتب :
ميدو مانشستر المصدر :
منتدى شباب كول
الرئيسية
الدولة
