تيجوا نعمل الزبده الفلاحى .......!

صباح الخير على حلى ستات بيوت فى مصر والعالم العربى
كتير مننا مبيحبش يشرب اللبن عليه قشطه وكتير مننا برضو
ولاده مش بيحبوا الوض على اللبن انا بقى بعمل ايه ؟
قولتلى ليه ؟
اقولك
انا بغلى اللبن واسيبه يبرد وبعدين احطه فى الثلاجة
اخد القشطة بتاعته واحوششها فى علبة بلاستيك فى الفريزر
وبعدين لما بحوش كمية اطلع العلبة من الفريزر واستنى لما تفك شويه
وااحطها فى طبق غويط وافضل الفه بإيدى لحد لما احسن انها خرزت
" يعنى عملت حبيبات " اروح مجمعها فى جنب الطبق هتلاقوها
نزلت ميه اعصرها من المية وبكده يبقى عندى احلى زبده فلاحى
واكون استغليت اللبن مرتين ومهدرتش القشطه
على فكرة انا مامتى اللى علمتنى الموضوع ده

لو سمحتو بقى ادعولى وادعو لمامتى

ومتنسوش تقيموا الموضوع لو عجبكوا

منقول

الموضوع الأصلي : تيجوا نعمل الزبده الفلاحى .......! الكاتب : جى جى المصدر : منتدى شباب كول

التوقيع