ولا تسوى الدنيا من غيرك ولا حاجة الدنيا لو من غيركـ متسواش حاجه
كاتب الموضوع
رسالة
ṂÔĦĄṀΣĐ ṤĄṀΣŖ
~¤ô¦§¦ مؤسس الموقع ¦§¦ô¤~
الدولة : عدد المشاركات : 15764 نقاط : 30066 تاريخ التسجيل : 26/10/2009 العمر : 35 الجنس :
موضوع: ولا تسوى الدنيا من غيرك ولا حاجة الدنيا لو من غيركـ متسواش حاجه الثلاثاء أبريل 26, 2011 9:30 am
في الوقت اللي كلنا مستنيين فيه مصر السلام فاجأنا تامر بأغنيه ولا تسوي بصراحه من اسمها قولت السونج دي قنبله اول ما سمعتها حسيت احساس غريب ..! لقيت فيها احساس عالي اوي .. كلمات هايله .. ميوزكـ تجنن فكرتني عارفين بأيه ..! فكرتني بـ قفلت قلبي .. واحلم ليه .. تعرفي .. حياتي فداكـ نفس مستوي الرومانسيه فيهم نفس الاحساس ونفس الحب ..! احساس تامر في كل واحده منهم يحسس كل واحد انه فعلا عايش في قصه حب جميله اوي كلهم بيكملوا بعض .. اقدر اقول ولا تسوي تكمله لمسيره قفلت قلبي وتعرفي و واحلم ليه وحياتي فداكـ لو ربطنا بينهم هنلاقي انهم ماشيين علي نفس المسيره ونفس الرومانسيه تعالوا نتخيل ونحلل مع بعض السونج دي بس بتخيل اكبر شويه ....
الاغنيه عباره عن قصه حب كبيره بطلها تامر حسني وانا هحللها بلسان تامر حسني
من يوم ما قابلتكـ قولت خـلاص .. مش عايز ناس حواليا من يوم ما شوفتك وحبيتك مبقتش عايز غيركـ مبقتش عايز ناس في حياتي غيركـ لان الحبيبه بتمثل لحبيبها كل الناس و بيها مبيبقاش عايز حاجه تاني من الدنيا
كفاية عليا تكونى قدامى برتاح .. وعرفت يوميها ان انا حبيت كفايه عليا اشوفك قدامي ومعايا ده انا من يوم ما شوفتك عرفت ان انا حبيت و قلبي دق مش عايز حاجه من الدنيا طول ما انتي جمبي ده انا من يوم ما شوفتك حسيت الحب
عيشت احلم بيكى شوفي يجي من قد اية عيشت كتير وانا بستناكي عيشت كتير مستني اليوم اللي الاقيكي فيه ونكمل بعض شوفي بقي من قد ايه مستنيكي واهو جيه اليوم اللي بقينا فيه مع بعض
وانا مستنيكى تيجي قلبى تعيشى فيه مستنيكي من زمان تسكني في قلبي انتي مكانك جواه و لازم تعيشي فيه مستنيكي تحسسيني بالحياه وبالحب فيها
ولا تسوى الدنيا من غيرك ولا حاجة الدنيا لو من غيركـ متسواش حاجه في عنيا حياتي ودنيتي من غيركـ مش ليها معني و لا ليها لازمه ! الدنيا من غيرك متبقاش دنيا ومقدرش اعيش فيها
انتى فرحة عمرى وانتى ليا كل حاجة ده انتي بتمثلي ليا فرحه حياتي و بتمثيليلي الحياه انتي كل حاجه في حياتي انتي حياتي كل حاجه بتمناها لقيتها فيكي لقيت معاكي الحياه و بقيتي خلاص حياتي ودنيتي
وحياتك عندى لاعيشلك عمرى واخلصلك ومسلم امرى بوعدك وبحلفلك بحياتك عندي اني هعيش عمري كله بس ليكي هعيش مخلص ليكي مفيش في قلبي غيركـ هعيش وانتي بس في حياتي وهسلم ليكي امري وحياتي كلها مش هعمل حاجه غير بيكي و هسلملك امري
هوا انا كنت احلم ولا اطول تكونيلى يا قمرى هو انا كنت اتخيل انك تكونيلي في يوم ! مكنتش اطول تبقي انتي حبيبتي حاسس انك كتير عليا وتستاهلي حد اكتر مني انتي قمري في ليلي وانتي اللي بتنوريلي دنيتي
انا ايوة حلمت ان انا حبيت بس انا بيكى انا كدة عديت صحيح حلمت اني حبيت .. بس مكنتش اتوقع اني هحبك انتي انا وانتي معايا خلاص عديت .. انتي حطمتي كل توقعاتي من ناحيتك ! وانتي معايا خلاص ملكت الدنيا كلها و انتي عديتي كل احلامي
وبجد انا ربنا ادانى فوق ماتمنيت ربنا اداني اكتر منا تخيلت و تصورت ربنا اداني احلي انسانه في الوجود ربنا اداني اكتر انسانه حسيت معاها بحياتي اداني فوق ما اتمنيت .. اداكي ليا ..! وانتي اكتر من ما تمنيت وتوقعت
الاغنيه عباره عن حلم رومانسي جميل اووي باحساس تامر مثله لينا بكل صدق واحساس ادانا رومانسيه كنا مفتقدينها من زمان مثل لنا الحب في اجمل صوره خلانا نحس انه بجد عايش في قصه حب بجد يا بخت حبيبته بيه هيديها رومانسيه وحنيه وحب اكتر من اي حد اجمل ما في الاغنيه ان تامر هو اللي غناها لانها كانت هتتظلم لو حد تاني غناها مفيش حد كان هيعرف يجيب الاحساس ده زي تامر ابسط حاجه ممكن تتقال عالاغنيه دي بجد فوق الخيال عيشتني في حلم رومانسي معشتوش قبل كده وفكرتني بـ قفلت قلبي اووي بجد احلي واجمل هديه ممكن تتقدم من واحد لحبيبته لانه هيشوفها اجمل انسانه في الدنيا وبكررها تاني يا بخت حبيبتك يا تامر ..! مهما اتكلمت عن الاغنيه دي مش هوفيها حقها اغنيه جامده اووي ومكناش متوقعين انها تنزل ناو خالص
الدولة : عدد المشاركات : 5836 نقاط : 6452 تاريخ التسجيل : 22/06/2010 العمر : 33 الجنس :
موضوع: رد: ولا تسوى الدنيا من غيرك ولا حاجة الدنيا لو من غيركـ متسواش حاجه الأربعاء مايو 04, 2011 3:55 am
يا عينى يا عينى وربنا عينى وجعتنى هههههههههه كان معكم المعلق والمحلل محمد سمير من استديوهات نادى شباب كول اول مره اشوف اغنيه تخليك تعمل فى نفسك كده ههههههههه عايزين نعملك قسم التحليل فى المنتدى كل اغنيه لتامر تحللها وعيش اللحظه واشرب ميرندا تسلم ايديك
الدولة : عدد المشاركات : 15764 نقاط : 30066 تاريخ التسجيل : 26/10/2009 العمر : 35 الجنس :
موضوع: رد: ولا تسوى الدنيا من غيرك ولا حاجة الدنيا لو من غيركـ متسواش حاجه الأربعاء مايو 04, 2011 4:00 am
ẪђMξĐ ŶǾปŇįŜ كتب:
يا عينى يا عينى وربنا عينى وجعتنى هههههههههه كان معكم المعلق والمحلل محمد سمير من استديوهات نادى شباب كول اول مره اشوف اغنيه تخليك تعمل فى نفسك كده ههههههههه عايزين نعملك قسم التحليل فى المنتدى كل اغنيه لتامر تحللها وعيش اللحظه واشرب ميرندا تسلم ايديك
ههههههههههههههههه اية دا عمرو دياب هنا خلاص ياعم هبقى احللك أغنية أنا عايش ومش عايش ههههههههههههههه خلاص ياعم اى اغنية ل تميو هحللها عشان خاطرك
الرئيسية
الدولة
