السلام عليكم يا جماعة ظاهرة اغلبنا بيلاحظها و نرجع نسأل ليه الموضوع ده مع انه في مكانه و مع انه موضوع كامل و متكامل الا انه لا يلقى الردود الكافية او حتى لا يلقى و لو رد واحد
ناس مميزة جدا و كتاباتهم اكثر من رائعة و تدور وراهم تلاقي مواضيع ثمينة تكاد تكون منسية
قلتوا لأن الاعضاء بتبخل بالرد لكن انا هقول لأ
المشكلة ان صاحب الموضوع نفسه مبيكنش متابع جيد لمواضيعه
الاعضاء عوزة ايه غير ان زي ما هم ردوا على موضوعك و اسعدوك انت كمان ترد على مشاركتهم و تسعدهم و مش تقولهم شكرا على الرد ولا شكرا على المرور و بس لو انتوا اللي مشاركين -اتحداكم لو تنكروا -انكم بتبصوا كل فترة تشوفوا صاحب الموضوع علق بايه
و زي مانا مبشاركش بمجرد كلمة شكرا فلازم صاحب الموضوع كمان ميردش عليا بمجرد كلمة شكرا
من الاخر حب موضوعك علشان الاعضاء تحبه و غير كدة كمان لازم انت نفسك ترد على مواضيع الاعضاء مش بمجرد اه صح عندك حق و لا شكرا رد رد ناقد سواء بالايجاب او السلب
ناقش الناس علشان تلاقي اللي يناقشك
دي من وجهة نظري سبب جديد لإنعدام الردود في الموضوعات المميزة
و طبعا في اسباب تانية لكن ده كان السبب اللي انا تصورته
اوعوا بقى بعد كل الكلام اللي انا كتباه ده الاقي الموضوع منفض من الردود دانا شكلي كان يبقى ولا خالص
الرئيسية
الدولة
