انا فضلت مع حبيبي سنين طويله قوى وهو ابن خالتى وقالى بعد 6 سنين حب ان بابا وماما مش موافقين واقبلى اى حد يتقدملك وكنت اهبل مماتتخيله فضلت مصدقه انه بيحبنى وبيموت فيه بس فى يوم نويت اعمل واحده تانيه بس صايعه عشان يرضى يكلمها وفعلا اتكلمنا على الاميل وكان بيكلمنى عنها اللى هو انا يعنى وقالى بحبها بس فى مشاكل ومش هينفع اتجوزها المشكله انه حكالها انه نام معايا بالتفصيل وقالها احنا اصحاب المهم انا اتخنقت وقلتله هات الباسورد وعملت انى عرفت انه بيخونى قالى بقولك ايه احنا كده كده سايبين بعض وبلاش نكد اتصدمت وقلتله ده حب ولا انت كنت مصاحب بنت خالتك يعنى قالى انا غلطان وبحبك واليوم اللى بعديه اكتشف ان انا وهى واحد قلب الدنيا عليه وقالى انا مبقتش بحبك وانتى كلمتى صاحبى على الاميل ولما جيت احلف واقوله مكلمتش حد غيرك قالى مش مصدقك وحاولت اككلمه كتير واقوله انا غلطانه من كتر حبى فيه ماشفتش حتى انه غلطان فى حقى قوى المهم حاولت رفض اعتذارى وقالى مش عارف اسامحك وجيت اتصل بيه تانى مردش انا هنت نفسى قوى بس مش قادره اقتنع برضه انه مابيحبنيش وانه كان بيتسلى بيه نفسى حتى اقوله انت ازاى نمت معايا وماشى ولاكانك عملت فيه حاجه بجد ياجماعه هتجنن لو سمحتم نفسى فى حل بس مش انى انسى انا الحمد لله تبت الى الله ويارب يقبل توبتى بس نفسى انتقم منه مش اسيبه يمشى ولاكانه عمل فيه حاجه انا بجد مخنوقه ومجروحه قوى

الاجــــــــــــــــــــــــــــــــابــــــــــــــــــه

ده غلطك من الاول خلتيه يمسك اديكى بقيتى حاجه رخيصه فى اديه انا مش هلومك علشان انى تبتى المهم تتعلمى هو كده مش بيحبك ده فى يوم هيكون ابوه عياليك فكرى بعقليك شويه ده لو حصل اى موقف فى الجواز كان طلقيك وانتى عرفه البنت هيا اللى بتخصر فى الطلاق مش الراجل لو كان بيحبك كان صدقيك كده مفيش ثقه ده مش هينفعك والله وهى بكره نقول كانت ذكره وعشنلنا يومين المهم اوعى تقولى كلمه بحبك لحد تانى غير لما يقولهالك واعملى كنترول على نفسك قربى من ربنا اكتر وربنا يرزقك بأحسن منو نصحتى ليكى علشان انا ولد واعرف الحجات دى كويس اى شاب بيمسك ايد حببتوه وسبتلوه اديها بيقول فى نفسوه يبقى اتمسك اديها ابل كده وش كده حتى لو مش هيا كده ومستحيل يتجوزها سيبك بقى من مهند ونور والشغل ده ربنا كتبلك نصيب احسن من كده علشان انتى توبتى ورجعتى لربنا وربنا عمره ميذلك ابدا مجبكيش الدنيا دى وخلاص لا انتى ليكى دور كبير اوى بس لسه مجاش دورك

يسلمو اناميلك زوزا ويسلمو مجهودك العظيم

شكرا للمرور