***بتيجى قصادى***

كل اما بتيجي قصادي.. بتعب وانادي
بدعي بشكل غير عادي.. اه لو انول مرادي
اه نبدأ مالليلادي
فيا حاجة مش عارف اوصفها.. اتحدى حد حسها قبليا
حقيقة زي الشمس شايفها.. حبيبتي واقرب انسانة ليا
اه ليا في الدنيا ديا
قلبي عقلي عيني مهما اوصفلك.. فيكي شئ غريب بيثبتهم
اما عن عينيكي انا بحلفلك.. جننوني دول يخرب بيتهم
ايه ايه.. دوبونى
ايه ايه.. دول جننونى


***بتيجى ف بالى***

بتنزل دمعة من عيني على اللي كان بينها وبيني
وتمشي حياتي وسنيني لكن احزاني مابتمشيش
وعارف انه مايصحش ومفروض ان انا مابكيش
حاولت كتير اكون اقوى حاولت وقلبي ما طاوعنيش
بتيجي فبالي وضحكتها ما بتسبنيش
بتيجي فبالي على ذكراها لسه بعيش
بتيجي فبالي واعمل ايه عشان متجيش
قالولي البعد بيقسي مسير الوقت ح ينسي
ينسي مين ده انا نفسي اشوفها وحتى ما تشوفنيش
انا عايش على الذكرى فاكرها وهي مش فاكره
واقول ح انساها من بكره ولكن بكره ده مابيجيش


***دى طريقة***

دي طريقة دي تتكلمي بيها معايا
انتي جرالك ايه
دي طريقة دي تتكلمي بيها معايا
اتغيرتي ليه
انا حبي ليكي مش ضعف فيا
ومدام وصلنا للدرجة ديا
فالراي رايي والكلمة ليا
ومافيش من بعد كلامي كلام
تعبتي قلبي بحاجات كتيرة
ومشكلتنا بقت كبيرة
دي فرصة تانية لكن اخيرة
عشان ميبقاش عليا ملام
انا ليه بشوفك باحس ان انتي
واحدة تانية وبقيتي مش انتي
انتي ليه خدتي مني حبيبتي اللي بحبها
انا عايز اشوف اللي انا حبيتها
وكنت دايب في حنيتها
و ياما حسدوني على رقتها وطيبة قلبها
واهو كده ومافيش غير كده عندي
وبراحتك بقا لو هاتعاندي
واهو كده ومافيش غير كده عندي
مع نفسك بقا لو هاتعاندي




***ماتبطليش***

ماتبطليش حب فيا
ده انتي الدنيا ليا
وما تشيليش لحظة عيونك دوله من عليا
ماتدلعيش حد غيرى اه دي انانية
يا انا يا اما مافيش
على الله حد يشاركني فيكي لو ثانية
وماتشغليش اي لحظة في حاجات تانية
انا عايز اكون اغلى حاجة ليكي في الدنيا
غيرك انتي ماليش
نار غيران واكلة قلبي النار
وانتي فبالي ليل ونهار
لو تنشغلي عني انهار
لو حد يشهد مابينا والله مايرضى
يبقي في مكاني وميغيرشى زي النهارده
ده ظلم ليكي لو قالوا شبه القمر ده
ده انتي احلى كتير
واهو ده اللي لخبط كياني وخلاني احاوطك
مش لاقي كلمه توصف مدى غلاوتك
حافضل ملاحقك وهافضل طول عمري خاوتك
خليتي عقلي يطير


***حاجة غريبة***

حاجة غريبة اللي بتحصل بينه وبيني
لما بتيجي عنيه في عيني ولااما بسلم عليه
حاجة غريبة فجأة الدنيا بتبقى حلوة
واسمع صوته كانه غنوة هو بيعمل فيا ايه
اه يا ابن اللذينة ايه اللي عملته فينا
ح نموت عليك انا وقلبي
وانت ولا هنا ولا حاسس بينا
حاجة غريبة كل ما اروح علشان اقوله
اللي فقلبي يا ناس ده كله
اجي قدامه ماقولش ليه
حاجة غريبة عايز افهمها ومش فاهمها
ده عليه بسمه بيبتسمها
بتنسيني انا اسمي ايه


***بوعدك***

باوعدك يا حبيبي مهما تعدي بينا سنين
كل يوم هايعدي بينا في حبنا عايشين
والليالي تفوت علينا واحنا موش حاسين
حب وعيش وماتخافشي ارتاح متقلقشي
يا حبيبي موش هامشي ولا هانساك
لا الايام تفرقنا ولا دنيا تسرقنا
هافضل سنين عمري هنا وياك
باوعدك يفضل في قلبي حبيبي شوق وغرام
زي اول مرة شفتك فيها من ايااام
مش هايجي اليوم حبيبي ويبقى بينا خصام



***مكنش ذنب حد***

ماكنش ذنب حد ده كان ذنب السنين
انا بتكلم بجد انا وانتا موش غلطانين
الله يسامح الظروف هي اللي قربتنا
خلتنا نلاقي بعض ورجعت فرقتنا
داقت علينا الدنيا عرفت ذنب مين
مكنش ذنب حد
حبيبي انا مش بجاملك
انا عشت زمان في حبك
اجمل ايام حياتي
بما يرضي الله بعاملك
مقدر تضحياتك
ومقدر تضحياتي


***مش دارى ليه***

يا حبيبي بعد الليالي
بحبك وحالي مايخفاش عليك
كل ما تيجي عيني ف عينيك
واما اقابلك واسلم عليك
روحي بتروح اليك
وابقى ميت عليك وانت ايه
انت يمكن ماتعرفش مين
عاش بيحلم بحبك سنين
اه اه اه انتا مش داري ليه ليه
اه اه اه انتا قلبك ده ايه ايه
يا ترى في امل تبقى ليا
ويرضى عليا في يوم الزمان
يبقى ليا فحياتك مكان
ده اللي انا نفسي فيه من زمان
شوقي في عنيا بان
ايه اللى فاضل كمان قولي ايه


***قدامه***

قدامه ثانيتين قدامه ويقع في كلامه
يعلن استسلماه ليا ويحايلني كمان
قولولو السهر ايه نظامو اهله مالعشا ناموا
من ورا الشباك لمحته كل يوم سهران
هو بيستكبر يجي يصبر حبيبه بكلمه حلوة
مجنون ده باينه كبار عنه
ف ايدي دول ماخدوش غلوه
والله انا مستخسر لايتحسر على العمر اللي فات
وحياته ده انا مستخسر قولوله المستخبي اهو بان
ف غيابو اعد ليلى ف غيابو
كله بقى بحسابه
قد قلبي ما سابه والله
ماسيبه تاني خلاص
لو سابه من تقله واستغرابه
هيلاقيني على بابه
ده اللي يتنطط ما نابه
غير خسارة الناس


***طول مانتا بخير***

طول ما انت بخير انا بخير
انا مطمن عليك
انا شايفك سنة والتانية بتكبر
وبشوف روحي فيك
بتمنالك عيشه حلال
ستر وصحة وراحة بال
عين مليانة ورضا بالحال
بدعي تكون بعدي وحياتك
سند في الدنيا لاخواتك
ويقولوا ابني راجل عال
دمعك تعبك نقط ضعفي
عايزك جد مستعفي
حبيبي ماتنكسرش في يوم
مش انت طول عمرك بتقلدني
عايزك تبقى زيي اوعدني
ماتباتش ظالم بات مظلوم
دمعك تعبك نقط ضعفي
عايزك جد مستعفي
حبيبي ماتنكسرش في يوم
مش انت طول عمرك بتقلدني
عايزك تبقى زيي اوعدني
فى عز ضعفك شد وقوم