هحكيلكم حكاية .. حصلت في مصر .. من كااااام ألف سنة .. وكما قال الله تعالى(فاقصص القصص لعلهم يتفكرون) الأعراف 176 يمكن نفهم !



كان في حاكم ظالم حكم مصر (مدة طويلة) ربنا قال عنه(إن فرعون علا في الأرض) القصص 4 علا يعني طغا و تجبر كان بيظلم شعبه و بيستعبدهم



(ديكتاتور) بمعنى الكلمة(قال فرعون ما أريكم إلا ما أرى وما أهديكم إلا سبيل الرشاد) غافر 29
كان فاكر إن وجوده هو (الاستقرار) و (رحيله) هو الفوضى
و كان عنده إعلام فاسد بيقلب الحقائق الإعلام بتاعه كان بيقول على أهل الدين إنهم(إرهابيين) و (متطرفين) وإنهم هم اللي هيفسدوا البلد ويدمروها و إنه هو و حكومته هما الناس العاقلين اللي عارفين مصلحة البلد (وقال الملأ من قوم فرعون أتذر موسى وقومه ليفسدوا في الأرض ويذرك وآلهتك قال سنقتل أبناءهم ونستحيي نساءهم وإنا فوقهم قاهرون) الأعراف 127


قالوا ده موسى و الي معاه دول عندهم (أجندات) خارجية و عاوزين يخرجونا من بلدنا (قالوا إن هذان لساحران يريدان أن يخرجاكم من أرضكم بسحرهما ويذهبا بطريقتكم المثلى) طه 63 وطبعا كان بيحارب الناس دي بكل قوته(يستضعف طائفة منهم يذبح أبناءهم ويستحيي نساءهم إنه كان من المفسدين) القصص 4


كان من ضمن حكومته(رجل أعمال) كبييييييير جداً عنده فلوس كتييييييييييير جداً ( إن قارون كان من قوم موسى فبغى عليهم وآتيناه من الكنوز ما إن مفاتحه لتنوء بالعصبة أولي القوة إذ قال له قومه لا تفرح إن الله لا يحب الفرحين ) القصص 76 كان الشعب بيتعقد لما يسمع الأرقام اللي عنده أو لما يشوفه وهو ماشي في الموكب بتاعه ( فخرج على قومه في زينته قال الذين يريدون الحياة الدنيا يا ليت لنا مثل ما أوتي قارون إنه لذو حظ عظيم ) القصص 79


المهم .. بعد قصة طويلة في الصراع بين الحق و الباطل ..(الله وحده أسقط النظام)


و أهلك الطاغية (وجاوزنا ببني إسرائيل البحر فأتبعهم فرعون وجنوده بغيا وعدوا حتى إذا أدركه الغرق قال آمنت أنه لا إله إلا الذي آمنت به بنو إسرائيل وأنا من المسلمين) يونس 90


و خسف برجل الأعمال الكبير الأرض (فخسفنا به وبداره الأرض فما كان له من فئة ينصرونه من دون الله وما كان من المنتصرين)



لحظة .. إنت فاكر القصة انتهت لحد كده ؟؟ زمان .. لما كنت باسمع قصة موسى عليه السلام كنت بافتكر إن دي نهاية القصة و إن قومه بعد كده عاشوا في تبات ونبات .. وخلفوا صبيان و بنات و للأسف .. ناس كتير دلوقت فاكرة إن القصة اللي إحنا عايشينها دلوقت انتهت .. و إن كده كل المشاكل اتحلت .. لكن .. للأسف .. القصة .. لسه مانتهتش


ياااااااااااااااااااه مين كان يصدق إن فرعون الظالم اللي كان عنده كل المُلك ده هو وهامان و قارون ، مين كان يصدق إن كل دول يهلكوا في لحظة واحدة كده .. والله بعد كل الذل و الاستعباد اللي شافه بني إسرائيل في عهد فرعون ، المفروض يفضلوا طول عمرهم يشكروا ربنا على إنه خلصهم من الظالم ده .. موسى عليه السلام كان دايماً بيفكرهم بالنعمة دي عشان يشكروا ربنا عليها (وإذ قال موسى لقومه:اذكروا نعمة الله عليكم إذ أنجاكم من آل فرعون , يسومونكم سوء العذاب , ويذبحون أبناءكم ويستحيون نساءكم , وفي ذلكم بلاء من ربكم عظيم) ابراهيم


خلاص ربنا أهلك الطاغية اللي كان بيحارب الدين و كان مانعكم من الإيمان جاء دوركم ..(قال عسى ربكم أن يهلك عدوّكم و يستخلفكم في الأرض فينظر كيف تعملون) الأعراف 129 لكن .. سبحان الله .. بدل ما يشكروا ربنا و يجتهدوا في طاعته شكراً ليه سبحانه على النعم العظيمة دي ، باعوا الدين ..


أول ما (سقط النظام) شافوا ناس بيعبدوا الأصنام و قالوا عاوزين نبقى زيهم !!! (قالوا اجعل لنا دولة من غير مرجعية اسلامية .. كما لهم دولة من غير مرجعية اسلامية) قالوا إحنا مش عاوزين شرع ربنا إحنا عاوزين دولة(بدون مرجعية) إزاي هنحكم الناس بالشرع وفي ناس عايشين معانا (بيعبدوا الأصنام)!!؟؟ و عشان الناس دول ميزعلوش إحنا هنعبد الأصنام زيهم !!!!


(وجاوزنا ببني إسرائيل البحر فأتوا على قوم يعكفون على أصنام لهم قالوا يا موسى اجعل لنا إلها كما لهم آلهة قال إنكم قوم تجهلون) الأعراف: 138 تخيل ... هل ممكن يبقى في حد بالجحود ده ؟؟ بعد ما ربنا أنعم عليه و خلصه من الظلم اللي كان عايش فيه يروح يدور على شرع تاني غير شرع ربنا ؟؟؟ و يطيع حد تاني و يعصي ربنا ؟؟ سبحان الله



و كمان ظهر منهم ناس خبيثة حاولت (تركب الموجة) بدأوا يسخروا و يشنعوا على أهل الدين ويتهموهم أبشع التهم .. اتهموهم بالسلبية (قالوا أوذينا من قبل أن تأتينا ومن بعد ما جئتنا ) الأعراف 129 قالوا لموسى و للمؤمنين : النظام السابق كان بيظلم فينا و انتوا كنتوا نايمين وسايبينا مضحيتوش زينا !! سبحان الله ! نسيتوا ؟؟ نسيتوا أهل الدين و التضحيات اللي ضحوها ؟؟ نسيتوا أم موسى لما ضحت بابنها و رمته في البحر ؟؟ نسيتوا ماشطة بنت فرعون اللي اتحرقت هي و أولادها في الزيت المغلي ؟؟ نسيتوا مؤمن آل فرعون ، و السحرة اللي آمنوا و فرعون قتلهم و .. و .. سنين طويلة من التضحيات اللي قدمها أهل الدين سنين طويلة شافوا فيها الويل من تعذيب و قتل و اعتقال ..

فقط لأنهم يقولون لا إله إلا الله ..



كل ده اتنسى و سمعوا كلام ناس .. عمرها ما ضحت ولا حد سمع عنها قبل كده ؟؟ سمعوا كلام واحد عمل لهم عجل ذهب و قال لهم اعبدوه (فكذلك ألقي السامري‏ * فأخرج لهم عجلا جسدا له خوار فقالوا هذا إلهكم وإله موسى فنسي) طه 87:88 و سمعوا كلام اللي ... (قالوا يا موسى إنا لن ندخلها أبدا ما داموا فيها فاذهب أنت وربك فقاتلا إنا ها هنا قاعدون) المائدة 24 سمعوا كلام كل حد و سابوا كلام ربنا ..
فكانت العقوبة عليهم من الله هي التيه تاهوا في الأرض .. (قال فإنها محرمة عليهم أربعين سنة يتيهون في الأرض فلا تأس على القوم الفاسقين ) المائدة: 26. أربعيــــــــــــــــــــــن سنة تايهين لأنهم هم اللي اختاروا التوهان لأنهم اتخلوا عن دين ربنا ، وقعدوا يدوروا على أي حاجة تانية هم أصلاً مش عارفين بيدوروا على إيه تايهين .. اللي يقول أصنام واللي يعبد العجل اللي عمله السامري اللي يقول دولة علمانية (مدنيه)
..


تايهيــــــــــــــــــــــــــــن مع إن دين ربنا كان واضح قدامهم


شريعة نزلها ربنا من فوق سبع سموات عشان تُصلح البشرية في كل زمان ومكان مفيش فيها مجال للتجربة أو الخطأ..
القصة ابتدت و مش عارفين هتبقى إيه نهايتها .. وزي ما موسى عليه السلام قال لقومه ،


هنقول لنفسنا :(قال عسى ربكم أن يهلك عدوّكم و يستخلفكم في الأرض فينظر كيف تعملون) الأعراف 129 ياترى بعد ما ربنا أهلك عدونا و أهلك اللي ظلمونا(كيف سنعمل) ؟؟؟ هل هندخل التيه و نعيش في حيرة من تاني بين مناهج أرضية كل يوم بتثبت فشلها ؟؟

ولا هنختار طريق ربنا الواضح ؟؟ دين ربنا

الاســــــــــــــــــــــــــــلام

جزاك الله كل الخر

شكرا لمرورك