من الأخر أنا جاى اقولك " ممكن تسمعينى "

من الأخر أنا جاى اقولك " ممكن تسمعينى "

من الأخر أنا جاى اقولك " ممكن تسمعينى "

حبيبتى ممكن تسمعينى ..
حبيبتى ممكن تفهمينى ..
انا موش جايلك أحب فيكى .. ولا جاى اقولك انك وحشتينى
موش هبنى قصور وأحلام فى حبى ليكى
عملت كل حاجه ممكن تتعمل ومشوفتش رد فعل ليكى
ياما غنيت من فرحتى بيكى
مصدقتش يوم ان حبك يكون كدبة بتعيشها ..
مصدقتش يوم ان قلبك مات من قبل ماتعرفينى
سيبينى يالا اقول الكلمتين .. سيبينى وركزى بجد فى كلامى
من الأخر أنا جاى اقولك
انى هحط حد للى كان بينى وبينك
انى خلاص بجد موش هعلق نفسى بيكى
جاى أقولك من الأخر انتى بجد متلزمنيش .. حبك ميهمنيش
ياللى عايشة صورة مالهاش ملامح .. مشاعر وقلب غايب ضايع
ياللى مشوفتش معاكى ولا لحظة هنا مبقاش فيكى بجد رجا
من النهارده خلاص نسيتك .. خلاص بجد مليتك
مليت خيانتك مليت جرحك مليت كل ملامحك
لسه بتخونى ولا هامك .. لسه قادرة ع جراحى وانا سايبك
منا عارف كل غلطاتك وعامل فيها موش فاهم !
وأقول بكره فى تغيير فى جديد بس فعلا اللى قلبه مات هستنى منه أيه
منك لله ع اللى عملتيه فيا وع اللى وصلتينى ليه
ده درس خلاص وأنتهى
موش هنساكى وده موش لحبى ليكى لاء ده عشان اتعلم من اللى داقه قلبى من أنين وجراح ودموع
خلاص سايبك لنفسك
موش هعيش تانى لقلبك
وعشان انا عند قلب موش هجرّح فى قلبك زى ماجرحك معلّم فى قلبى
انا ماشى فى سكوت وموش راجع تانى
هنسى عنوانك وميشرفنيش انى أرجع لنفس المكان
موش هنسى انى فى يوم حبيت كدابة
ايوا متستغرببيش اصلك للأسف ماضى مكتوب عليا .. هتبقى قصة الكل يتعلم منها
سلام وبجد موش هتوحشينى

- - - - - - - - - - - - -

كلمات وتاليف :
يحيى حسان
Yahia Hassaan

- - - - - - - - - - - - -

تمت كتابة هذه الخاطرة :

التاريخ : 20 - 4 - 2011
يوم : الأربعاء
الساعه : 02:06 مساء " عصرا "

الموضوع الأصلي : من الأخر أنا جاى اقولك " ممكن تسمعينى " الكاتب : زهرة المصدر : منتدى شباب كول

التوقيع