الدولة : عدد المشاركات : 1215 نقاط : 1472 تاريخ التسجيل : 19/12/2009 العمر : 35 الجنس :
موضوع: اشهر الجمل اللي بنسمعها في البيت من king_of_love الثلاثاء مارس 09, 2010 3:05 am
السلام عليكم ورحمة الله وبركاته
يارب تكونوا بخييييييير ورايفين كدا ومفرفشين دايما النهارده جايبلكم اكتر الجمل الى بنسمعها فى البيت سواء من الاب او الام وخد عندك بقى الجمل لي اكبار والصغيرين ولي البنات والاولد كمان
* ابوك دايما كان بيطلع الاول على الفصل .
* والله ما انت فالح .. وادي دقني أهه .
* هو طول النهار قدام الزفت الكمبيوتر مش ممكن كده .
* ما تلزقش في التلفزيون كده .. نظرك هيضيع هتبقى اعمى
* صحابك ايه بس...يا ابني محدش هينفعك .
* ربنا يرزقك بعيل يوريك اللي ورتهوني .
* امشى جاتك مشش فى ركبك.
* ما تطلعش على الملايه النظيفه و رجليك متوسخه كده .
*أوعا حد يضحك عليك ويقولك جرب السيجارة دي.
* ايه الا مبالاه و الاستهتار اللي انت عايش فيهم دول .
* قوم اقرا لك كلمتين ينفعوك .
* وطي المدعوق ده شويه .
* انت فاكرنا نايمين على ودانا ؟
* ما تلبسش القميص على اللحم زي العيال الصايعه .
* بلاش أكل الشارع.
*ياريتك تحفظ دروسك زى مانت حافظ الاغانى.
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* لازم تأكل سلطه .
* اوعى تكدب عليا كده تاني مرره .
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* بلاش لعب في الشارع .
* ما تعليش صوتك .
* وانت فاكر احنا مستنيين منك حاجه .
* المسلسل مش هينفعك ...قوم .
* ما تقعدش قدام المروحه وانت مستحمي .
* كفايه رغي في التليفونات .
* بلاش وقفة الشبابيك و البلكونات .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر . أو اطفي التلفزيون و خش اوضتك .
* ربنا يهديك ربنا يهديك ... وأحيانا .. انك لا تهدي من أحببت .
* صليت العصر ؟!
* ما تمشيش حافي في السقعة دي
* ما فيش مذاكرة على المزيكا وازاى.. بتذاكر و البتاع ده شغال جنبك .
* افرد ظهرك .وانت قاعد
* ماتكلش فى ضوفرك.
* كنت فين لحد دلوقتى يا صايع.يا ابن الكلب
* انا مش عارف انته طالع لمين.
* ما تتأخرش بعد المدرسه و تقعد تصيع مع أصحابك .
* بص كويس و انت بتعدي الشارع .
* ومالها الكتب بتاعة الوزاره ؟!
* اللي بيشيل قربه مخرومة بتخر على دماغه ..
* لو مش فاهم حاجه ارفع ايدك و قول للأستاذ مش فاهم .. متتكسفش .
الرئيسية
الدولة
[/img]
