الدولة : عدد المشاركات : 1949 نقاط : 2495 تاريخ التسجيل : 08/01/2010 العمر : 34 الجنس :
موضوع: جربت تصاحب اختك الجمعة مارس 26, 2010 3:25 pm
انا النهارده يا شباب ويابنات بردووو كنت عاوزه اتكلم معاكم فى موضوع رخم شويه
هو مش رخم اوى يعنى بس مهم شويتين تلاته كدا
وعلي فكره كلامي موجه اكتر للشباب
لكن البنات لازم يشاركوا معانا ويقولوا رايهم
هيقولوا رايهم في ايه ماتدخلي في الموضوع يابنتي
حاضر حاضر
معظمكم ليه اخوات بنات فيه اللى اكبر منه واللى اصغر منه واللى قده بس مين فيكم بيتكلم مع اخواته البنات مين فيكم حاسس ان اخواته مش بيضايقوا منه مين فيكم اخته بتحكى معاه عن مشاكلها
مين فيكم لو حس انها مضايقه ممكن يشوف ايه اللى مضايقها ويحاول يساعدها زى ما بيعمل مع البنت بتاعته ولا بلاش الكلمه دي خليها خطيبتك او مراتك لو شفتها بس مضايقه شويه صغيوره ممكن تهد الدنيا اعمل نفسك مش واخد بالك بقا
انما اختك يا عينى ممكن تكون شايفها بتولع وتروح كمان تكمل عليها
ممكن سؤال وسط الرغى ده كله
امتى اخر مره قعدت مع اختك واتكلمت معاها وسالتها ايه اخبارها مع زمايلها او فيه مشاكل ولا حاجه؟؟
خلى بالك انا مش بقولك تحشر نفسك فى خصوصيتها ومع اصحابها بس عاوزه اوصلك يعنى كلام زى مابتكلم مع واحد صاحبك وامتى اخر مره جبتلها هديه (دى مش لازم بس على الاقل عاملها زى ... )
ولا هي في البيت مالهاش لازمه يعني تطبخ وتغسل وتكنس وبس
عيني علينا والله غلابه يابنات
طب بلاش السؤال ده
ياترى لما تكون مخنوق من حاجه ممكن تفضض لاختك ؟
طبعا هتقول لا ازاى اقولها على اسرارى دى ممكن تمسكها عليه ذله وتلوى دراعى اقولك طيب ماانت مش هتفضض لوحدك هي كمان اكيد هتتكلم وهتكون اسراركم مع بعض احسن ما تروح تقول لحد غريب
اخر نقطه بقا علشان تعبت من الرغي دا
لو جه في يوم وعرفت ان اختك تعرف حد معين بتحكي له اسرارها و انت سالتها وضربتها وعملت العمايل
وقالتلك انا على اعرف فلان ده لانى مش لاقيه حد اتكلم معاه ولا اقوله على مشاكلى ولما باجى اتكلم معاك بتزعقلى فمش لاقيت الا ده بيسمعنى
هيكون شعورك ايه ؟؟؟؟؟
طيب لو قالتك اشمعنى انت بتكلم بنات وتخرج وتعيش حياتك
هيكون ايه رد فعلك وقتهــا
انا مش بشجع دا طبعا ومش علشان بقوله في موضوعي يبقا دا فكري انا بس بقولك افرررض وكل شئ وارد في زماننا دا تخيــــــــل يعني
كده انا خلصت وانا اسفه يعنى انى طولت عليكم وحابه انى اعرف رايكم ف الموضوع ده لانه حال كتيير من الشباب مش كلهم طبعا لكن الأغلب
الدولة : عدد المشاركات : 1748 نقاط : 2250 تاريخ التسجيل : 01/01/2010 العمر : 32 الجنس :
موضوع: رد: جربت تصاحب اختك السبت مارس 27, 2010 1:55 am
مرسي دودي عالموضوع الهايل بجد الاخ سند لاخته وبتكون قريبه منه اكتر من امها كمان لان سنه قريب من سنها والبنت لما تحس ان اخوها معاها وبيحبها وبيسال عنها عمرها ماتمشي غلط لانها هتكون اسعد انسانه ومش عايزة تزعل اخوها وبنصح كل شاب مش يقسى على اخواته لان كتر الدق بيفك اللحام يعني يكون وسط لا افراط ولا تفريط اتمنى كل الشباب يدخلوا ويستفيدوا بجد يستاهل التثبيت يادودوي ياقمر
الدولة : عدد المشاركات : 2475 نقاط : 2841 تاريخ التسجيل : 13/12/2009 العمر : 35 الجنس :
موضوع: رد: جربت تصاحب اختك الأحد مارس 28, 2010 6:45 am
اهء اهء اهء مش ليا اخوات بنات والله بس حلو اوى صور الطبخ والكنس والغسيل دى يا دودى هههههههههه بجد موضوع جميل يا عسل والله بس ينفع بنت تحكى لاخوها اسرارها وكده انا مش جربت خالص وعايز اجرب يا دودى
الرئيسية
الدولة
)
وميرسي علي مرورك ايمن نورتني بجد
