1 لو كنكه او حله ستانلس اتحرقت؟
النجدة: ضع قليلا من الخل واغلى الحلة او الكنكة هتنضف تماما وتعود لامعه كانها جديدة
2 الملح زاد جامد فى الاكل؟
ضيفى للاكل قطعة بطاطس نيه على الوش البطاطس هتمتص كمية الملح الزياده
3 بتقلى السمك وخايفة من ريحه القلى؟
ضيفى بعض شرائح اليمون الى زيت الاكل وهي هتسحب ريحه السمك وهتخلى السمك المقلى مقرمش كمان
4 الكيك بتهبط منك كل مرة ؟
تجنبى تماما فتح باب الفرن اثناء التسوية فالهوا البارد هو الى بيهبطها
5 عايزة تعملى سلطة فواكه بدون ما لون الفاكهة يسود؟
اعصرى نص ليمونة على السلطة لو كان فيها تفاح او موز او اى فاكهة تحتوى على حديد لان اليمون يمنع الفاكهة من التاكسد وتغير لونها
6 عايزة تعملى عصير طماطم بدون خلاط؟
اغلى ميه وضعى فيها الطماطم سيبى الطماطم لمدة دقيقتين فى الميه هتلاقى القشرة انفصلت عن الثمرة نفسها طلعيها من المية وقشريها بسهوله
7 الفرخة بقالها كتير على النار ومش راضيه تستوى ؟
ضيفى لميه السلق معلقه سكر وستنجحين فى اخضاع الفرخة للسوى
8 الخميرة قطعت منك وعايزة تعملى عجينه؟
استعينى بالبيكنج بودر بدل الخميرة اعملى نفس خطوات العجينة وبدل ما تضيفى الخميرة اضيفى البيكنج بودر وهاتحصلى على نفس النتيجة
9 الرز شاط منك ؟
انقلى الرز فى حله تانية وكملى التسويه مع ازاله حبوب الرز الى اتحرقت
10 عايزة تقطعى البصل من غير دموع؟
حطى البصل فى الثلاجة نص ساعة قبل تقطيعة
11 البقع فى الحلل نشفت ومش عارفه تنضفيها؟
ضيفى للحلل بعضا من سائل تنظيف الاطباق مع شويه ملح ويستحسن لو ملح خشن وسيبها ساعة او اكتر على حسب قوة البقع وبعد كدة هتلاقى البقع اصبحت سهله التنظيف تماما
يارب اكون افادكم مستنيه الردود؟؟؟؟؟؟؟؟؟؟؟؟؟؟؟؟؟؟؟؟؟mona

ميرسى يا روما

على فكرة مامتى هيا الى كاتبه الموضوع مش انا انا معرفش حاجة عن المطبخ غير الاكل بس ههههههههههههههههه

تسلم ايدك يا طنط ويا اجمل ام فى الدنيا

تسلم ايد مامتك

شكراااااااا للموضوع