ليالى تفوت
======

ليالى تقوت ورا التانية ولابنساك ولا ثانية ولسه عايش فيا هواك

بعاند نفسى واتعذب وافكر فيك وانا بكدب على روحى واقول هنساك

دا اليوم بيعدى ف بعدك عنى بألف سنة

بقى خوفى عليك اكتر من خوفى عليا انا

من امتى شوف من اد ايه وانا مش انا

ليالى تفوت واقول هنسى وبرجع تانى اقول لسه واصبر نفسى ع الايام

يجيبنى الشوق يودينى وتحلم تانى بيك عينى واعيش ف البعد ع الاحلام

من غير لقاك
=======

من غير لقاك الحياه مش حياه هيا تحلالى الحياه غير معاك

وانا اعمل ايه يعنى ايه لازم انسى واللى طب ماقدرش ينسى يعمل ايه

على طول ف بالى ولا بنساك بقول ان انا هلقاك وراجع مع الايام

واكيد هلومك ولومى يزيد هتزعل حبيبى اكيد هصالحك باحلى كلام

وبقول
====

اول ماشوفتك قلبى سألنى سؤال قاللى حقيقة دا ولا خيال ايه اللى انا شايفـُـه قصادى هنا

ماقدرتش امنع قلبى فضل يناديك ارتحت ليه ودا بان ف عينيك ودى اجمل صدفة ف عمرنا

وبقول اللى انا فيه دا ياريته يطول وافضل ليك ومعاك على طول طول مانا فيا حبيبى حياه

انت اللى قلبى ارتحلك يوم مالقاك حبيت تكون ايامى معاك ولاغيرك ينفع ليا انا

انا مش هسيبك عمرى واسيبك ليه هوه الحب دا فين الاقيه دا انت بقيت كدا منى انا

حظى من السما

========

والله وحبيت وارتاح بالى شوفتك ماعرفش اللى جرالى من ليلة ويوم تقلب حالى
دا حظى من السما ان انا لاقيتك

ياحبيبى انا ياللى حبيتك

وارتحت انا عملت ايه فيا

حبيبى ده انا كام سنة ف عمرى مستنيك

وحلمت انا ياما ياحبيبى بيك

والحلم دا شايفــُه بعينيا

انا قبل ما اقابلك ياحبيبى ماكنتش الدنيا كدا ف عينى رجعتلى فرحتى بسنينى

ماحلمتش عمرى انا باللى انا فيه واكتر من كدا هحتاج تانى ايه قدامى اللى انا كان نفسى الاقيه

دا حظى من السما ان انا لاقيتك ياحبيبى انا قولى كان فينك بقى كل دا غبت ليه عليا

حبيبى دا انا كام سنة ف عمرى مستنيك وحلمت انا ياما ياحبيبى بيك والحلم دا شايفـُه بعينيا

عينيك قالت
======

عينيك قالت خلاص ليا ولعينيا اللى بحلم بيه ده الامل اللى عشت عليه

خلاص بانت ولا تدارى ولاتخبى ياروح قلبى تكسف من ايه دا يوم طول عمرى مستنيه

مدارى حبيبى دا كله عليا عيونك قاللولى اصدق عينيا

تعالى يلا عايزك ويايا حبيبى والله حبك دا كفايه حياتى تبقى جنة لما اعيشها معاك

حبيبى ياللى دايما على بالى امانة كل كلمة قولتهالى تقولها ليا تانى طول مانا وياك

معاك شايف سنين جاية وحنية ماتتحكيش ف كلام دا قلبى الليلة مش هينام

بقينا واحد بكلمة قولتها بعينك بينى وبينك سألت انا ورديت ف سرك قولتلى حبيت

جيت على بالى
========
جيت على بالى كدا من كام يوم قلت اما اسأل فينك وكلام بينى وبينك ماقدرش انسى ايامى معاك وبتوحشنى عينيك

سلملى على عينيك الاتنين دا لحد مانتقابل مهما الواحد قابل عمره ماينسى اعز الناس لأ ماتقولش ناسيك

ياااه دا انا دايما اقول ياحبيبى ياريتنى معاك

وانا لو مشغول ماقدرش ف يوم انساك

بس الايام وخدانى زى ماوخداك

جيت على بالى ياحبيبى كتير مش مرة ولا التانية لو غمضت عينيا بلاقينى برجع بالايام ولحكايتنا زمان

قلت الله يمسيك بالخير ايامك وحشانى آه لو ترجع تانى ده انا دلوقتى بقول ياسلام لو يجمعنا مكان

عامل ايه ف حياتك
==========

عامل ايه ف حياتك ياحبيبى طمنى عليك

دا انا ذكرياتك حب عمرك اللى مش ناسيك

واما بتضايق دلوقتى بتكلم مين

مين حبك ف الدنيا دى ادى وارتاحت لمين

ده انا وانت كنا بنفهم بعض بنظرة عين

انا بسأل دايما ياحبيبى اخبارك ايه

وبقول للى يروح او ييجى يسلملى عليه

انا نفسى اعرف لو لسه فاكرنى فاكرنى بايه

كل اما بحن لأيامك او شوقى يزيد

بفتكرك واسرح ف كلامك والاقينى وحيد

وبلوم ع الدنيا اللى خدتنا وودتنا بعيد

اوصف ايه
======

اوصف ايه كل اللى بحلم بيه بقى بين ايديا وملك ليا وقلبى عايش ليه

مهما يفوت انا ليك هعيش وهموت وهقول بحبك طول حياتى هقولها بأعلى صوت

انا قلبى وروحى ملك ايديك وعمرى بعيشـُه ليك لو حتى عنى بعيد

ومنايا دايما اكون معاك دا يوم عن يوم هواك جوايا عمال بيزيد

اوصف ايه فين الكلام هلاقيه لو قلت هوصف فيك حبيبى ايه اللى هبدأ بيه

كل مافيك صوتك وسحر عينيك مابقتش عارف ايه شاددنى معلق قلبى بيك

فيك حاجة
=====
انا سيبت لك قلبى وكان صعب اسيبه الا لواحد حبيبه واحد بيخاف عليه

وحبيبى دى كلمة انا ماقدرش اقولها غير للى يستاهلها وانت اللى هقولها ليه

فيك حاجة لما بتبص ليا بتكمل حاجة فيا وبتوعد قلبى بيك

فيك حاجة ياحبيبى مأكدالى لو ايه ييجى ف خيالى هلاقيه وانا بين ايديك

عيشنى بيك يومينى وهات عينيك ف عينى وانسى احنا مين واحنا فين

قبلك مافيش حبيبى بعدك ماليش حبيبى وياريتنى اعيش مرتين

من الاول تانى انا هقولهالك تانى انا هعيدهالك حبيتك اد ايه

احلام عمرى اللى ياما حلمت بيها جنبك قربت ليها ماعرفش ازاى وليه




كلام
===

كلام كتير جوايا نفسى اقوله ليك

ماعرفش ايه بيجرالى قصاد عينيك

مابقولش ليه وانا معاك

حرام تضيع من بين ايديا عشان سكوت

ده انا من غيرك انت حبيبى اموت

لو يوم يفوت من غير لقاك

وقولى انا اعمل ايه بقالى ليالى بدارى هوايا

انا ماعرفش ليه بآسى ف بعادك ياريتك معايا

تشوف انا حالى ايه ياريتنى كنت قلت ليك ع اللى بحس بيه

كتير بلوم على نفسى ازاى ابقى معاك

ومابقولكش بحس بايه ف هواك

بيسكت كلامى جوايا ليك

واروح نفس المكان اللى اتقابلنا فيه

والاقى كل حاجة باقية فيه

الا الكلام ونظرة عينيك