اول مره اسمع الاغنيه دى انهارده
اغنيه غريبه . مش عارف مين الفرقه دى بس فرقه حلوه.
الاغنيه عن الشياطين
كلماتها...
يابنى ادمين خدوا بالكم من الشياطين دول فى ودان ولادنا طالعين واكلين نازلين واكلين.
نحن نريدها هلس هلس نريد خرابا دائما
خمره وبانجو ورقص رقص هدفنا شبابا ضائعا
نحن نريدها هلس هلس نريد خرابا دائما
خمره وبانجو ورقص رقص هدفنا شبابا ضائعا
دول شياطين فى صورة انسان عامل غلبان يخش ع الاموره الحلوه يقولها ماتقصرى الفستان خلى الرجل تبان والكتف عريان اصله مش ع الموضه يالا خشى الاوضه و اضربى شعرك واسبغى اسبغى اسبغى
هو انتى لسه شفتى حاجه بكره الشيطان يخليكى تشيلى شفافيك فى التلاجه وتقولى بكل سذاجه انا كده مش محتاجه حاجه
منخيرى وصغرتها وحواجبى ورسمتها وشفايفى ونفختها وعنيا ولنسزتها لون شعرى وغيرته الوسط وظبطه والتاتوه ورسمته والـ .......... وكبرته
نحن نريدها هلس هلس نريد خرابا دائما
خمره وبانجو ورقص رقص هدفنا شبابا ضائعا
نحن نريدها هلس هلس نريد خرابا دائما
خمره وبانجو ورقص رقص هدفنا شبابا ضائعا
وتلاقى البنت عشان واد طايش فقدان كل حياته خمره وبانجو ونسوان
تستغفل اهلها طول النهار ماسكه موبايلها
بتكلمى مين يابنتى بشحن كارت ياوالدى
وتفضل تشحن تحت البطانيه لحد ماتخلص البطاريه
وتصحى الصبحيه رايحه فين يابنتى رايحه الجامعه ياوالدى طب ياحبيبتى
وتنزل ع الكوفى شوب معهاش غير قصة حب
ماسكه فى ايدها الشيشه وبيقولها واد طيشه بقولك ايه وراكى ايه تقوله اشمعنه بتسأل ليه؟
اصلى حزين اهلى مسافرين عايش فى بيتى فى غربه ماتيجى تعمليلى شوربه والشقه مكركبه وكل حاجه مش مترتبه والبيت حالته حاله ومش طالبة شغاله مت يالا ياحبيبى تعالى
مادام حبيبى غرضه شريف مفيش مانع م التنضيف
نحن نريدها هلس هلس نريد خرابا دائما
خمره وبانجو ورقص رقص هدفنا شبابا ضائعا
نحن نريدها هلس هلس نريد خرابا دائما
خمره وبانجو ورقص رقص هدفنا شبابا ضائعا
اقولكو حاجه سكريت Secret) ) الواد شربها وسكرت
ونزلت ياعينى م الشقه شاقه طريقها بمشقة
شافها ابوها وهو مروح
راجعه منكوشه بتطوح
لطشها قلمين فبتسأله انت مين
انت مين يابت .............
مش عارفه ابوكى
راجعه سكرانه يا ..........
اصلى سكرانه بذاكر للصبح
بيتفرج عليهم اللى جاى واللى رايح
وامها تحوش وتقول كفايه فضايح
لا نافع معاها كلام ولاحتى نصايح
البنت عيارها فلت وبقت واحده تانيه
بيتهم حاله اتقلب وكله راح فى ثانيه
الشباب كله صاع وحلمهم برضو ضاع
الاب خلاص راح فيها وامها دعت عليها
والشيطان خلاص فاز بيها
نحن نريدها هلس هلس نريد خرابا دائما
خمره وبانجو ورقص رقص هدفنا شبابا ضائعا
نحن نريدها هلس هلس نريد خرابا دائما
خمره وبانجو ورقص رقص هدفنا شبابا ضائعا
بعد الكلام ده عاوز اعرف راى كل واحد انا حاسس انه صح جدا وبقى يحصل
كله يقولى رايه
الموضوع الأصلي :
نحن نريدها هلس نريد شبابا ضائعا الكاتب :
ẪђMξĐ ŶǾปŇįŜ المصدر :
منتدى شباب كول
الرئيسية
الدولة
