لو كلنا بنغير مكنش حصلنا كده !! (لا يدخل الجنة ديوث)
كاتب الموضوع
رسالة
el magic المراقب العام
الدولة : عدد المشاركات : 8444 نقاط : 9786 تاريخ التسجيل : 01/11/2009 العمر : 34 الجنس :
موضوع: لو كلنا بنغير مكنش حصلنا كده !! (لا يدخل الجنة ديوث) الثلاثاء يونيو 01, 2010 5:27 pm
ندخل في الموضوع ..
طبعا الكل بيسأل ما المقصود من عنوان الموضوع .. لو كلنا بنغير مكنش حصلنا كده
أدخل في الموضوع و أقولك أني مش قصدى غيرة الراجل و المرأة أقصد المرتبطين لا انا أقصد غيره الدم يعني الغيرة على أهل البيت
أكيد واحد بيقرأ الموضوع و بيقولي خلص يا عم الفيلسوف و خش في الموضوع و أرغي خلصنا
- حاضر حاضر متزقش -
الحقيقة أنا مش فاكر هو حديث و هل ده نصه الصحيح و لا لا بس هكتبه
لا يدخل الجنة ديوث .. و الديوث هو اللي مبيغرش على أهل بيته يعني يبقي عادى مش فارقة معاه .
طب أنت عايز إية من الرغي ده يعني ما تخلصنا .......... حاضر
أقولك بقي عايز إية عشان تعرف ان سبب كل اللي أحنا فيه هو أن بقت 90 % من الرجال عبر مستوي العالم مبتغيرش على أهل بيتها
نبدأ بمثال يظهر أمام الجميع
نانسي عجرم و هيفاء و رزان مغربي و دانا و غيرهم هما كتير أوي و يمكن اّخرهم مادلين نطر باين اللى عامله فيلم جديد مع العيال الصغيرة و حسن حسني ...
المهم أكيد برضوه واحد بيسال و يقولي عايز منهم إية ... هقولك
بس مش تريقة و الله ولا سخرية هما دول كلهم أبوهم فين ؟ أمهم ؟ خالهم ؟ عمهم ؟
لما يبقي ليهم أب و أم أو لو فرضنا أن الأب و الأم ماتوا !! طيب فين الأخ و الخال و العم ؟؟
متهيالى لو في حد منهم عنده كرامة و أصول و مبادىء مكنش يقبل أن عرضه و دمه يتهان و يداس بالشكل دة
و يبقي مجرد عرض للسلع أمام الجميع ... طبعا المثال ده ماشي مع نماذج كتير من الممثلين بقي و القبلات و الأحضان على الملأ ... و الغريبة أن تلاقي واحد قابل أن مراته بتتحضن و الحياة إيزي جدا من واحد تاني و الناس كمان بتتفرج !!!!!
مليون علامة تعجب و إستفهام ؟؟؟ بس أكيد ناس هترد تقولي دول فنانين و ممثلين و مش فارقة معاهم
ده انا عارفه .. بس انا قولت أوضحلك الصورة في الاول بالمثال ده .
نيجي بقي للجزء اللي يهمنا أحنا كناس عايشة في المجتمع لينا أهل و مبادىء و أصول و دين و تقاليد و عادات ... الخ
لما نيجي لدور الراجل في الأسرة كأب و كأخ درجة القرابة من الدرجة الاولي
إزاى سمحت لنفسك تنزل بنتك من البيت اللي هي عرضك و شرفك بالهدوم دي .. طيب سمحتلها إزاي تروح لوحدها الساعة 11 و 12 و 1و 2 ... و بتحصل قدام عيني والله أبقي ماشي مع أصحابي و لاقي شلة بنات و كلنا نسأل هي الساعة كام ... و هنا يحصلك حالة تعجب لما تحط نفسك في نفس الموقف .
هل لو أنا أب هسمح بده ؟؟؟ هل لو أنا أخ هسمح بده ؟؟؟ طبعا لا و مليون لا ..
لو الأب و الام و الأخ بيغيروا فعلا على لحمهم و دمهم كانوا قالوا اللبس ده مينعفش و الخروج بليل لوحدك مينفعش و المسالة مش مسالة تحكم و ديكتاتورية و خلاص ... لا المسالة أكبر من كده بكتير المسألة فيها كرامة و شرف و أني اعرف أمتي و إزاي و فين أحافظ على أهل بيتي و ان مكنش بالذوق و الأدب يبقي بالعافية
لان كلكم راع و كلكم مسئول عن رعيته ...
متهيالي الأب و الام كل واحد منهم هيتسأل أنت إزاي سبت بنتك كده و إزاي سبت إبنك كدة برضوه ؟؟؟؟
غير بقي أن الام فى بعض الاحيان بتسيب بنتها تحب في التليفون و تقضيها و تصاحب و زمايل بقي و الخ من الألقاب اللي بتربطها بأكثر من شاب و تقول أسيبها تعيش حياتها ... !!!
طب تعيش حياتها على حساب مين ؟؟؟ متهيالى على حساب كرمتها هي نفسها و على حساب سمعتها هي برضوه ؟؟؟
هو الولد هيخسر إية يعني ؟؟؟ متهيالى الخسران الوحيد هو البنت أهو شوية تليفونات و شوية رسايل و شوية خروجات
و بعدين ... Good Luck
و بعدين البنت تقعد تقول الجرح و القلب و أنجرحت و حصلي و حصلي .... الخ
لو في دور متهيالى من البداية من الام ان ده ينفع و ده مينفعش دة صح و ده غلط ... كان ممكن يكون في إنقاذ للموقف بدري .
أنما الفساد بيكتر و قلة الأدب بتزيد و الرجولة بتختفي و الشماعة اللي بيتعلق عليها كل الغلط الجمل القادمة ..
أنا أهلي واثقين فيا ... متهيالى لو قد الثقة متعمليش كدة
أنا مبعملش حاجة غلط .. متهيالى أنت مش واخده بالك كويس
أنا أهلي عارفين كل حاجة .. لو يعرفوا اللي بتعمليه و متصرفوش يبقي سورى اللي فى البيت مش راجل
أحنا زمايل بس فى حدود الزمالة .. كل الجرائم بتبدأ من الجملة دي و مش هقول جواز عرفي لا كفاية هزار الأيد و الكلام الخارج اللي ممكن يتقال و نأخد على بعض أوي بقي و يبدأ الهزار يتقل و نعك شوية فى الكلام و غير كل ده لو ده محصلش يعني متهيالى ربنا مقلش للبنت تعرف صبيان وتصاحب و تقعد فى جروب و نقغد نحكي و نهزر و نقضيها متهيالى متقدريش تقعدى القعدة دى قدام والدك أو اخوكي اللي بتقولي عارفين كل حاجة و واثقين فيكي كويس .
غير بقي قصة النت و الشات و الإيميلات ... قصة متقدرش تشبع فيها من الكلام مش هتشعب أكتر من كده في الموضوع
متهيالي كفاية الحبة دول اللي يمكن ميعجبوش ناس كتير ...
بس زمان كل واحد بيسال أنت عايز إية يعني بعد الرغي اللي صدعتنا بيه ده .. أنجز عايز إية ؟؟؟؟
أقولك أنا لية قولت الكلام ده ..
يمكن يأثر في حد يتغير يمكن فى حد هيكون عنده إقبال على الحياه دى فيتغير يمكن واحد شاف حياته في كلامي فيحاول يتغير و خصوصا أننا في شهر كريم يشجع على التغيير ...
و يمكن برضوه كلامي كله ميعجش أي حد أساسا ...
في النهاية دي وجه نظري الشخصية اللي شايف أنها هي دي أصل مشكلة الفساد اللي أحنا فيه و أقصد طبعا فساد الاخلاق
لأن البنات بنسبة كبيرة بقت جريئة جدا و بقينا نشوف حاجات مكناش نتوقع نشوفها من البنات و المواقف كتيرة الكل عارفها مش محتاجين نقول فيها مثال ..
طبعا زي ما في كل ده أكيد في ناس محترمة و كويسة و إلا يبقي أحنا في غابة !!!
أسف طبعا لو كان موضوعي أو كلامي زعل حد أنما دي الحقيقة
و حبيت أكتبها ...
و أوعوا تفتكروا أني بقول الرجالة ملايكة بالعكس دلوقتي الرجالة أدوات بيحركها الشيطان لزيادة الفساد لتفتكروني بدافع عن الرجال ... و لينا لقاء قريبا إن شاء الله في الموضوع ده لوحده .
الرئيسية
الدولة
