يا من على دنياك طاير و ملـــــهـــوف
خذ كلمتي بحــــــروف ود و صـراحــه
دنياك كلها ظرف يوميـــــن و تطــــوف
خلها من الطيبــــــه و الايثــار واحــــه
فاللي رمى من حقـــده رماح و سيوف
ترجع على قلبه ..سيوفـــه.. رمــاحـه
لو من إلــه الكــون ينتابـك الخـــــــوف
الحقد ما ياخــذ بقـــــلبـــــــك مساحه
لبسك حرير و ملبس الغـــير من صوف
و تموت في صوف الفقير و جراحـــــه!
أهدي لك ابياتي وهـي عــــدة حروف
خلها وسط صدرك يزيـــــد انشراحـــه
صفق لغيرك فــي نـجاحــــه وبتشوف
ياتي نـجاحـــك و يـتــعـــــدى نـجـاحه
صفق بقلبك قبل تصفيـــــــق الكفوف
الحب يزرع قــلب الانـــســـان راحـــة
نصيبك من اللــه مقـــــــدّر و معــروف
كل ٍ نصيبه فيه يلقـــــــى صلاحــــه
لا هو بمسروق ٍ و لا هو بمخطـــــوف
سُجل لعمــــرك منذ يوم افتـــــتاحه
به من يكافــــح ما تساعده الظــروف
به من قدر يـجــــني ثـمار لكفــــاحـه
مهــــما حصل لا تصبح بيوم مكتـــوف
الايدين ..الانسان العزيمه سلاحــــه
خل بوتر قــلبك لـحن طيب معـــزوف
ينهي لك ازعاج الطمع في صياحـه
خل الوفا شمس ٍ بلا موعد كســــوف
تضوي جبينك بالهدى و السماحــــه
خل العطا ورد ٍ من الناس مقطـــــوف
و الحقد لا تقلع ورودك رياحــــــــــه
المال يفـنـى لكن بـحلو الوصــــــوف
لو مـت ذكــــرك باقــي ٍ بامتـــداحه
دنياك كلها ظرف يوميـــن و تطــــوف
خلها من الطيبه و الايثــار واحـــــــه
حب البشر صف النوايا و بتــــــشوف
كيف الـمحبة تــزرع القلب راحــــــة
الموضوع الأصلي :
الحب يزرع قلب الانسان راحه الكاتب :
ẪђMξĐ ŶǾปŇįŜ المصدر :
منتدى شباب كول
الرئيسية
الدولة
