ريم تحذف مشاعل بالمخده وتضحك : ليش الف واحد يتمناني
مشاعل : الله واكبر عالغرور يالله قومي
ريم : يالله بس تعالي ماتلاحظين حاطه علي ومريم نايمه ولا هامها
مريم : ليش اهو الواحد يقدر ينام ومشاعل موجوده
مشاعل : انتو التوأم مشكله معقدين
وطلعت مشاعل ومريم وريم يطالعون بعض ويضحكون
امل دخلت على امها وتسلم وتقعد : هلا يمه خير يقولون عندج اجتماع
ام امل : هلا يمه اي بس وين خواتج
شوي وكل من مشاعل ومريم وريم ولجين ادخلو : ها يمه خير
ام امل : خير ابوجهكم انا جمعتكم اليوم علشان اقولكم شي انتو تدرون انه ابوكم الحين مسافر وهو خسران بتجارته وراح يشوف شغله وحبيت اقولكم لا تضايقون ابوكم بطلباتكم الزايده وهو ألحين مار بحاله نفسيه تعبانه وهو تدرون عمره ماقصر على وحده منكم وخايفه عليه وايد
امل : احنا ندري يمه واهم شي راحت الوالد
مشاعل : يمه انتي شلون تحبين ابوي
ام امل ضربت على راس مشاعل : يابنت هذا ابوج عين السيح
البنات كلهم اضحكوا على مشاعل
مشاعل : ماادري يمه ابوي طول عمره مأذيج على سالفة الصبي وانج يايبتله كله بنات وعصبي
ريم : اي مايدري انه عندنا صبي
مشاعل : شقصدج ها
ريم : انا ماقلت انتي شاكه بعمرج
والبنات كلهم في ضحك خاصه لجين لان تغار من مشاعل
مشاعل : يمه شوفي بناتج حاطين علي علشان احلى منهم
وريم : نعم نعم منو احلى هههههه
ام امل : يمه مريم اشفيج اليوم ماسمعنالج صوت
مريم : تعبانه يمه وشكلي بروح فوق ارتاح ( وقامت مريم )
بعدها قاعدين البنات مع امهم يضحكون ودقت رفيجت امل
امل : الو
منى : الو هلا والله بالقاطعه
امل : هلا فيج
منى : امول انتي تدرين انا ماعندي غيرج ولا تسألين
امل : والله دوام والبيت وألحين الوالد مسافر واحنا كلنا بنات ماعندنا رجال وامي ماتخلي وحده تطلع من الباب الا تعالي قولي مرت ابوج وينها ماخذه راحتج اليوم بالتلفون
منى : راحت روحه بلا رجعه والله ياامل انطر اي واحد يطق الباب علشان افتك من هالبيت
الدولة : عدد المشاركات : 73740 نقاط : 111480 تاريخ التسجيل : 30/01/2010 العمر : 36 الجنس :
موضوع: رد: أصعب اللحظات الأحد فبراير 27, 2011 4:11 am
(في بيت محمد ابوجاسم )
امل سكرت التلفون وتقول بقلبها الله يعينج يامنى وراحت غرفتها الي جنب غرفة ريم ومريم واسمعت صوت احد يبجي
فتحت الباب وشافت ..................
شافت مريم وهي ماسكه الورقه وقاعده تبجي وانصدمت وهي تسمعها تقول ( لهالدرجه هنت عليك ياحقير ) امل وهي بضيقه من الي شافته وسمعته : مريم منو هذا اللي هنتي عليه ها مريم بصدمه بعد ماشافت امل : ها لاهذه مكتوب فيها روايه (وهي مرتبكه) وقاعده اقراها وتأثرت فيها امل : ليش البطل اللي بالقصه يعرفج علشان تقولين هنت عليك مريم وهي حاسه انها بورطه : امل اشفيج مو مصدقتني شنو امل : علي انا هالكلام سمعي راح اعديها ألحين لاحظي الحين لانج تعبانه بس صدقيني راح اعرف شسالفه ( وطلعت امل وهي تدور بأفكارها وتستغرب هالتصرف من مريم وهي بنت هاديه وجميله وتشبه ريم بما انهم توأم لدرجه مافي اختلاف بينهم ) وفجأه ادخلت ريم وشافت مريم تبجي : شنو صار بعد يامريم مو قلنا ننساه خلاص مريم : لا ياريم بس امل شافتني وانا خايفه ريم : شنو مافهمت واذا شافتج مريم : اقولج شافتني وانا ماسكه الورقه واقول لهالدرجه هنت عليك ريم : شنو ولا يكون لاحظت ترى امل اخصائيه نفسيه بعدين شفكنا منها ومن فلسفتها مريم : ماادري ماادري انا بس تعبت من التفكير ريم : يامريم والله مايستاهل دموعج خليج منه مايستاهل مريم : اه ياريم انا احبه وهو خاني ويبي يتزوج ريم : اصلا العلاقه من اولها غلط ولازم تكون هذي نهايتها مريم : خلاص ريم فكيني من هالسالفه انا تعبت وخذيت درس والله لو ابوي يدري يذبحني وهو يضحك بعد جرحني ياريم وقعدت تبجي وريم تواسيها
......................
( بيت ابو خالد )
سميره بخوف من عصبية عبد الله : ماادري استغفر الله بس جارتنا شافتها وهي تعطي حق واحد جيس عاد الله العالم شنو فيه عبد الله بكل عصبيه وحس ان الدنيا اسودت بعينه وقام يقول بأعلى صـــــــــــــــوته : مــــــــــــــــــــــــــــــــــنى ابو خالد : منـــــــــــــــــــــــــــــــــــى وويعه انتي وينج منى : وقلبها نغزها وريولها موشايلتها وهي تقول : يالله ابوي شنو يبي الله يستر ابو خالد دخل المطبخ والشرار يطلع من عينه : منو هذا الي عطيتيه الجيس منى بخوف : يبه اي جيس تتكلم عنه ابو خالد : اي جيس ها والله لأذبحج واشرب من دمج منى : يبه انت شقاعد تقول اي جيس شسالفه ابو خالد بعصبيه وهو يشيل عصا المخمه ( المكنسه ) : انا اقولج الحين شسالفه وراح يطقها ( يضربها ) طق وهي تقول الله على الظالم الله على الظالم ابوخالد بعصبيه : يعني انا الظالم انا الظاهر ماعرفت اربيج اي اكيد طالعه على امج الله ياخذج مثل ماأخذ امج وارتاح وخرج من المطبخ بكل عصبيه شافته سميره خافت من شكله سميره بخوف : وين رايح ابو خالد : انتي مالج شغل وخري عن ويهي سميره بداخلها المهم ريحت قلبي
...............
(بيت ابو عادل )
كانت العايله كلها مجمعه على الغدا سحر مرت فيصل : خالتي ماتروحين اليوم معاي بيت اهلي تستانسين اشوي ام عادل : والله ياأمج انا اليوم بليل معزومه عند جارتنا ام احمد
ابو عادل : شنو ياام عادل يعني ماقلتيلي ام عادل : كنت ابي اقولك ورى الغدا علي ولدهم الجعده : يمه خليج من جيرانا اخذج اليوم ونروح انقز هههه ابو عادل : هههه انت ماتيوز من سوالفك لا اخاف بعدين تتعود على الطلعه ( ابو عادل صج كبير بس متفتح ويحب القشمره وتاجر كبير بالسوق وله سمعته) ام عادل : انت وولدك شفيكم شنو هذا القز مطعم الكل ضحك وفيصل قال : خليج من خرابيط علي ام عادل : عادل يمه اشفيك يايمه كله ساكت عادل : لا يمه تعبان اشوي من الدوام ابو عادل : خلينا نييبلك مره تشيل تعبك يابوك عادل بعصبيه : يبه انت شنو ماعندك غير هالسالفه زوج علي اذا تبي على : الله يسمع منك والكل ضحك على تعليق علي الا عادل اللي عايش بأفكاره ابو عادل لما شاف عادل جذي قال : الحمد الله انا شبعت وقام من الغدا ام عادل : عادل يمه كدرت ابوك وهو يبي يفرح فيك عادل : والحين يعني مايرتاح الا لما ازوج ام عادل : الله يهديك يايمه عادل : يمه ابوي راح انتي مكانه شنو متفقين علي فيصل : عادل خليك من الزواج ماييب الا عوار القلب سحر : شنو ليش شقصدك فيصل : هههه بس احلى عوار قلب علي : اي خليك جذي لا تصير قوي مره وحده ههههه فيصل : ههههه شسوي هذي ام حسن يالله سفره دايمه انا بروح اصلي العصر وانام وراحت وراه سحر عادل : انا بعد شكلي بروح اريح علي : يمه مدام احنا الاثنين موجودين بس, ليش مادورين لي مره ام عادل : يمه منك انت, اصلا ابوك ملزم يزوج اول عادل علي : شمعنه فيصل عادي زوجتوه ام عادل : انت شفت اخوك فيصل كان يحبها ومرض علشانها بعدها ابوك خاف عليه وزوجه علي : عيل انا من اليوم مريـــــــــــــــــــــــــــــض ههههه
...........................
( بيت محمد ابو جاسم )
ام امل : ميري جهزي الغدا البنات على وصول ميري : ان شاء الله ماما امل : السلام يمه اشلونج ام امل : هلا يمه, مشاعل و لجين وين يابهم السايق مشاعل : هلا يمه يالله جهزي الغدا انا حدي يوعانه ام امل : روحي صلي وبدلي وبعدين فكري ببطنج مشاعل : ان شاء الله تعالي يمه ماكلمتي ابوي اني بروح حق صديقاتي امل : اي تتحجين جنج ماتعرفين ابوي مشاعل : لا انا قلت اهو ألحين بعيد اكيد مايرفض لنا طلب ام امل : فعلا علشان جذي قال اذا اطلعت قصيت ريولها لجين : ههههههه تستاهلين مشاعل بعصبيه : ماابي غدا بروح انام احسن لي ام امل : والله هالبنت مو صاحيه امل : يمه مريم وريم مايو من الجامعه وهي تفكر بمريم ام امل : لا محاضرتهم تخلص الساعه 3 ونص
.........................
( بيت ابو خالد )
منى بعد ماطلع ابوها سحبت نفسها بالغصب تبي تروح غرفتها وطلعت لها سميره : ها تستاهلين ياجليلة الحيا بعد ماشفتي شي منى ماقدرت تنطق ولا كلمه من الطق وراحت غرفتها وهي كلها دم وتصرخ من قلب يارب ساعدني دخلت غرفتها وراحت قعدت على الفراش وهي تبجي وجسمها كله ازرق ومدمم طق الباب اخوها خالد ( خالد يحب منى ودايما يلعب معاها ) منى : منووو خالد : انا منى : خالد حبيبي رووووح انا الحين تعبانه خالد : بس انا سمعت انج تبجين ليش علشان ألعب معاج منى : ايه كافي ألعبت فيني الدنيا لعبتها خالد : شنو تقولين منى : خالد روح مافيني حيل اتحجى منى بعد ماراح خالد ودها تقوم اتسبح من الدم بس مو قادره تحرك نفسها وهي تبجي وتقول : ليش يايدتي رحتي وخليتيني ليش مااخذتيني معاج ليش, انا من غيرج ولا شي ولاشي وهي تبجي يارب تاخذ عمري مثل مااخذت عمر يدتي وامي اللي يحاسبوني الناس عليها وانا ولامره شفتها ...................
.....................
( بيت ابو عادل )
بعد مادخل عادل غرفته وصلى العصر انسدح على الفراش ويقول : اه ياعادل يبونك تتزوج وهم مايدرون انك تموت باليوم الف مره مايدرون انه قلبي اندفن مستحيل مستحيل في وحده تسكن قلبي بعد (.............) وهو قاعد وتفكيره كله مع اول لقاء جمعهم مع بعض اه خذاج القبر مني بس القبر ماقدر ينسيني حبج
ماتت ومات بالحديقة أغلى وردتها 00وبكى الشجر والزهرقاموايرثونه وقفت مذهول وزاد بجسمي رعدتها 0وقفت صامتن وعقلي جنت جنونه رحت المقابر علي الحق جنازتها 00 لقيتها مكفنه وقبرالبنت يحفرونه وصلت المقابر ومحدن فيه حرتها 00 غير امها وأبوها وأخوها يعزونه شالوها يبغون يحطونها بحفرتها 00 وغطوها بالتراب وقلبها يدفنونه لولا خوفي من الله ثم فضيحتها 00 لأقول هالبنت جسمها لا تدفنونه إلتفتلي شخص أظنه من جماعتها 00 يقول هالولد علامه تبكي عيونه غمضت عيني ماأبي تزل دمعتها 00 بس بان الحزن والناس يشوفونه وإنزلت دمعة من قوة حرارتها 00 احرقت خدي وخلته احمرن لونه قلت انا اللي روح روحي فدتها 00 قلت انا من روحي وقلبي يفدونه قلت انا من تركتني وحيد بدنيتها 00 وانامن عشقها وحبها دايم يصونه أحبها واسالو عيني ياكثر ما بكتها 00 و اسألوكل هالبشروهالعالم وكونه ( شكثر احبها )
في جانب اخر من بيت ابو خالد غرفة فيصل وسحر
فيصل : سحر قعديني الساعه 5 عندي شغل سحر : انا مالي شغل فيك فيصل : لا هذا كلام يديد شسالفه سحر : تقول حق عادل انه الزواج عوار قلب ها فيصل وهو يضحك : من صجج انتي الحين زعلانه ,الحين هذا الويه الحلو عوار قلب اهو فعلا عوار قلب واحلى عوار قلب سحر : اي اي قص علي بجم كلمه فيصل : تدرين سحر احس ساعات تعرفين غلاج عندي بس تتغلين وانتي تدرين انا شكثر احبج سحر : وانابعد احبك بس ماابيك تجرحني فيصل : افا منو يقدر يجرح ام حسون ديري بالج عليه ابيه يطلع متين سحر : ههههه تدري انا صج استانست بس كان ودي اييب بنيه علشان البيت كله صبيان فيصل : اه ياسحر لو تدرين اشكثر ودي اييب ياهل علشان ابوي يفرح فيه سحر : ان شاء الله راح ايي ونفرح فيه يارب
..............................
( بيت ابو جاسم )
بعد ما البنات كل وحده راحت غرفتها قعدت ام امل تشرب جاي وتتذكر ابو جاسم : والله ياابو جاسم طولت وانا موقد حمل البنات وماعندنا ريال وانت كنت شايل عني هم كبير الله يردك بالسلامه وهي سارحه بأفكارها دق تلفون البيت ام امل : الو ام خليفه ( ضيفه جديده وهي جارة ام عادل ) : الو هلا ام عادل اشلونج وانا اختج ام امل : بخير الله يسلمج من الشر ام خليفه : هلا ياام امل حبيت اخطب بنتج وانتي تدرين انا شكثر اعزج وبناتج ماشاء الله عليهم ماعليهم قاصر ام امل : هذي الساعه المباركه ياام خليفه وانتو من عايله زينه والكل وده يناسبكم ام خليفه : .................................................. .. ام امل بصدمه : شنو
الدولة : عدد المشاركات : 73740 نقاط : 111480 تاريخ التسجيل : 30/01/2010 العمر : 36 الجنس :
موضوع: رد: أصعب اللحظات الأحد فبراير 27, 2011 4:12 am
. , . .
ام خليفه : هلا ياام امل حبيت اخطب بنتج وانتي تدرين انا شكثر اعزج وبناتج ماشاء الله عليهم ماعليهم قاصر ام امل : هذي الساعه المباركه ياام خليفه وانتو من عايله زينه والكل وده يناسبكم ام خليفه : .................................................. .. ام امل بصدمه : شنو
.........
ام خليفه : ساعتج ابرك حبيبتي ماعليج زود تدرين انا بخاطري من زمان اخذ وحده من بناتج ماشاء الله ادب واخلاق وجمال بغيت اطلب بنتج ريم ام امل بصدمه : شنو ام خليفه : اشفيج يا ام امل ام امل : لا بس يام خليفه فاجأتيني انتي تدرين بنتي ريم اصغر من امل ام خليفه : اي بنتج امل ماعليها قصور واعترف اهي احلا بناتج بس انا ودي بريم من صغيره احس هالبنيه هاديه وحبيتها الصراحه ام امل : بس خليفه كبير عليها وبقلبها ( مطلق ) ام خليفه :لا ياام امل انا بخطب ريم حق اولدي احمد تدرين خليفه توه مطلق ومو حاط اباله زواج ام امل براحه بعد مااعرفت انه احمد : خلاص يا ام خليفه مايصير خاطرج الا طيب اقول حق ابو جاسم والبنت وعطيج خبر ام خليفه : لاطولين علينا وانا اختج ام امل : ان شاء الله يالله مع السلامه بعد ماسكرت من ام خليفه تفكر والله تمنيت امل مع انه الاثنين بناتي بس امل الكبيره ماودي تتزوج الصغيره قبل الكبيره بس اذا نصيبها حراام اوقفه وراحت تدق على ابو جاسم
..............
( بيت ابو عادل ) الساعه 5 المغرب ( غرفة فيصل وسحر )
فيصل : سحر انا باخذ شور واصلي وبروح عندي شغل مو دوخيني بالاتصالات سحر : لا والله اشايفني قاطه روحي عليك اصلا انا بروح بيت اهلي ماراح اكون فاضيه فيصل : ياحلوج وانتي تتنرفزين دربالج على روحج لاتنسين انتي على ولاده سحر: والله محد مخليني احاتي الولاده غيرك من كثر ماتحاتي فيصل : شسوي ياعمري ماعندي غيرج سحر تقولها وهي واثقه : ليش انت تقدر يصير عندك وحده غيري فيصل : ههههه مااقدر مافي غيرج بالقلب اصلا ,انتي تخلين واحد يتحرك سحر : لا والله واذا عطيتك مجال تتحرك شتبي اسوي فيصل : مافي راح اقول مافي احلى من سحر تقدر تاخذ قلبي سحر : واااي احس مااقدر عليك يافيصل
................
وفي بيت ابو عادل عند ام عادل وابوعادل
ابو عادل : ياام عادل انا بمر الشركه عندي شغل واخوي داق علي يقول يبيني ام عادل باستغراب : غريبه شنو يبي عمر مر وانتو ماتحاجون بعض ابو عادل : قولي الله يلعن الفلوس الي فرقتنا ام عادل : انت بعد مقصر ياابو عادل ما سألت عنه وانت تدري انه خسر كل فلوسه بالبورصه ابوعادل: اي بس الحين اهو حالته زينه والله تبين الصج انا من يوم وقفته ضدي بالمحكمه وانا مااشتهي اشوفه حتى امي ( الله يرحمها ) لما كانت عنده كنت امر اخذها ومااشوفها بعيد عنه ام عادل : بس الظفر مايطلع من اللحم وهذا اخوك , والله بنته من يوم كان عمرها 5 سنين ماشفناها والحين صارت مره ابو عادل : انا ماعندي غير هالاخو واحبه والله بس قلبي شايل عليه ام عادل بعد ماحست انه ابو عادل مضايق حبت تغير الموضوع : اقول ابو عادل انا بروح بيت ام احمد وبمر السوق باخذ لها هديه علشان بنتها والده ابوعادل : الله معاج واذا محتاجه فلوس البوك يمج ام عادل : مشكور ياابوعادل الخير وايد الله يخليك لنا دش عادل : السلام عليكم ام عادل وابو عادل : وعليكم السلام عادل : يمه انا رايح الشركه تامرين شي ( طبعا عادل يشتغل مع ابوه بالشركه وهو ذراعه اليمين ) ام عادل : سلامتك حبيبي ابوعادل : مدام رايح الشركه اخذني معاك عادل : تامر يبه انطرك بالسياره
.............
اليوم العايله اليديده وهي عايلة ام خليفه اللي اخطبت ريم وابو خليفه متوفي وعنده خليفه عمره: 34 سنه احمد عمره : 28 سنه جميله : 18 سنه
ام خليفه قاعده تجهز علشان تطلع تروح بيت ام احمد دخلت عليها جميله جميله : اوه ياام خليفه شنو هالكشخه ام خليفه : ههه اي كشخه رايحه حق ام احمد بنتها والده وبروح اوجبها جميله : طول عمرج صاحبة واجب يمه لا طولين عفيه ( جميله متعلقه بأمها وايد لان ماعندها خوات ) ام خليفه : ان شاء الله دخل عليهم احمد : السلام عليكم ام خليفه : هلا بالمعرس احمد بفرحه : ليش وافقوا ام خليفه : ههههه توني اليوم كلمت ام امل تقول اخذ راي ابو جاسم وريم الصراحه فشلتني ماعرفت شقول حق ام امل احمد : ليش يمه عسى ماشر ام خليفه : انحرجت وانا اخطب ريم قبل امل احمد براحه بعد حجي امه : انتي تدرين انا ابي ريم بالذات كل يوم اطل عليها من الدريشه وهي يايه من الجامعه معذبتني يايمه وماابي غيرها جميله : انا بعرف انت شلون تعرف ريم من مريم وهم توأم محد يقدر يفرق بينهم احمد وهو يضحك : الصراحه انا بعد ساعات اخربط بينهم بس صج حلوين ام خليفه : انت ماتستحي تتحجى على بنات الناس عيب عليك احمد : يمه شسوي بعد الحلو ينقال عنه حلو وانا خاطبها بالحلال ياام خليفه جميله : عفيه احمد ماقلت شلون تفرق بينهم احمد ضحك: اسرار مو لازم تعرفين, بعدين تعالي انتي شكو جميله : يمه شوفي احمد ام خليفه : بعدين معاك شفيك عالبنت وطلعت جميله من الغرفه واحمد يطالع جميله وهي طالعه ويضحك : يمه شسوي احب انرفزها ام خليفه : خلك من هالسوالف يالله وصلني بيت ام احمد احمد : حاضر يايمه يالله انطرج بره قبل لا اروح القهوه
.............
( بيت ابو خالد )
منى بعد اللي صار لها ساعات وهي تبجي نامت وهي موحاسه بعمرها من التعب شوي سمعت صوت تلفونها وكانت امل منى من كثر التعب موقادره تقوم افتحت عينها وشفت صوب الدريشه وهي تقول : اوه الدنيا ليل وانا لحد الحين ماصليت حتى صلاة العصر وحاولت تقوم تاخذ لها شور وقامت قصب ادخلت وفتحت الدش وكان الماي بارد بس ماحست بشي تحس النار الي قلبها ماتنطفي ابد وهي تقول : ليش يايبه ليش تسمع كلام زوجتك قبل لاتتزوج انا كنت كل شي بحياتك تغيرت يايبه وايد ؛ شوي اسمعت صوت الباب ينطق بصوت عالي اخذت الروب وطلعت : منو سميره : يالله طلعي اكوي ملابسي بروح بيت ام احمد منى بقلبها الله ياخذج ان شاء الله بس كانت تخاف من سميره اطقها : حاضر حاضر خالتي البست ملابسها بسرعه وهي تشوف جسمها شلون مدمم وازرق وهي مو قادره حتى تلبس ملابسها اطلعت من الغرفه شافت بويها خالد : خالد حبيبي اشلونك خالد : انتي وينج يالله تعالي لعبي معاي وابي الون سميره : يالله خلصيني واخذت الملابس وحذفتهم بويه منى يالله اكويهم منى وهي تتنهد وتقول بقلبها الله يطولج ياروح : ان شاء الله خالتي دخل عليهم ابوخالد وهو معصب : السلام سميره : هلا حبيبي اشلونك ابوخالد مارد على سميره ووجه كلامه حق منى : منى اليوم ابو صالح خطبج مني وانا وافقت منى بصدمه : شنو ابوصالح الاعور بس هذا يبه متزوج ثلاث وعنده درزن يهال سميره بفرحه : اي بس لاتنسين عنده فلوس ابوخالد وهو يشوف جروح منى وقلبه عوره عليها وهو يقول بقلبه عمري ماتمنيت لج هالزواجه بس انا خايف من العار والفضيحه اذا طلعتي على امج واهلها اييه يامنى هذا السبب الي محد يخطبج علشانه : خلاص منى جهزي نفسج الملجه بعد يومين منى وحست الدنيا تلف فيها انزلت على ريل ابوها : يبه الله يخليك لاتزوجني ابو صالح انا مستعده اصير خدامه عندك وعند زوجتك بس لاتقطني هالقطه الله يخليك يبه الله يخليك حرام عليك يبه والله حرام ابو خالد تضايق من منظرها وقلبه عوره وهو يقول ياعبد الله راح تيب لك العار طالعه على اهل امها : شوفي منى انا عطيت الريال كلمه , وطلع من البيت وهو معصب ومتضايق سميره : ابو صالح ريال غني وراح تعيشين ياويه النحس منى ولاول مره : مافي ويه نحس غيرج الله ياخذج ان شاء الله يالظالمه كله منج سميره بغضب : انتي تكلمين منو جذي والله ابوج اللي يحب الفلوس والله لحرقج علشان توبين تحاجيني جذيه وخذت الاوتي وحررته ومنى : انت يالمينونه شتبين اسوين سميره وهي تركض ورى منى انا اقولج شنو بسوي وراحت تبي تحرقها امسكت ويها بس منى دزتها جان تحرق جتف منى منى بحرقه بقلبها اكثر من جسمها باعلى صوتها : اااااااااااااااااه
...........
( بيت ابو جاسم )
ام امل بعد ماسكرت من ام خليفه دقت على ابوجاسم وابوجاسم وافق لان اعيال ام خليفه رياييل وهو كان يعرف ابوهم الله يرحمه وطول عمرهم معتمدين على نفسهم ووعد ام امل انه بعد يومين راح يخلص شغله وراح يرد الكويت
راحت ام امل اشوف امل ادخلت لقت امل تنظف غرفتها ام امل : يمه امل ليش ماقلتي حق ميري تنظف غرفتج امل : لايمه انا احب انظفها علشان اعرف وين احط اغراضي من غير ماادورهم ام امل : يمه امل انا يايه اقولج انه في ناس يايين يخطبون اختج ريم امل : صج يمه وناسه ام امل : يعني انتي مو مضايقه يايمه امل : ليش اضايق انا نصيبي لحد الحين مايه وريم تستاهل كل خير ام امل : الله يكملج بعقلج يايمه عيل خليني اروح اشوف ريم ام امل بعد ماطلعت تنادي ريم : ريم ريم شسالفه وين البنات طلعت بالحديقه وتلاقي كل البنات مجمعين بالحديقه ويضحكون ها انتوا هنيه وانا ادور عليكم مشاعل : حياج يمه تعالي معانا الجو وايد حلو ( لان بداية شهر 11 ) ام امل : اي والله الجو اليوم وايد حلو انا ييت علشان اقولكم انه في ناس يايين يخطبون اختكم ريم كل البنات بدهشه وريم : منو انا ام امل : اي انتي خطبتج ام خليفه اليوم حق ولدها احمد وكلمت ابوج ووافق ريم وبداخلها مستانسه لان كانت تحس بنظرات احمد ولد جيرانهم من زمان , ام امل : هايمه اشقلتي ريم بفرحه : ماادري يمه اللي تشوفونه بهاللحظه كل خواتها نطوا عليها يبوسونها ويباركون لها مشاعل : الله وناسه راح يصير عندنا عرس اخيييييييييرااا وقاعدين يسولفون شنو يسوون بالعرس وشنو راح يخيطون وقاعدين يخططون ومريم مستانسه على وناسة اختها ريم وام امل تضحك على بناتها وعلى سوالفهم فجأه دشت عليهم امل : يمه يمه انا رايحه حق منى ام امل والبنات ويشوفون امل اشلون خايفه وترجف : ليش يمه شنو صاير خرعتيني امل وهي تبجي : سميره حرقت منى البنات كلهم ابييييييييه شلون ووين احرقتها امل : ماادري ماادري ام امل : يمه اخذيني معاج وطلعوا والبنات قاعدين متضايقين من الي سمعوه من امل مريم : مسكينه هالمنى من ماتت يدتها وهي متعذبه مشاعل : قعدت تبجي والله مسكينه هالبنيه
........................
(في الجمعه اللي في بيت ام احمد )
كانوا كل الحريم متجمعين بمناسبة ولادة بنتها ومن بين الحضور
ام عادل وام خليفه وام خالد بعد ماهدت منى تبجي وطلعت ام عادل كانت قاعده تسولف مع ام خليفه اهي تعرفها عن طريق ام احمد وحبتها ام عادل لانها طيبه : اقول ام خليفه منو هذي الي قاعده يم ام احمد اول مره اشوفها ام خليفه : هذي سميره مرت عبد الله مشعل الضاوي ام عادل والدهشه بينت عليها : شنو هذي مرت عبد الله معقوله عاد اليوم بطاريه سبحان الله بعدها شفت زوجته ام خليفه : ليش تعرفينها ام عادل : اي زوجها عم عيالي ,تعالي ام خليفه تعرفين منى بنت عبد الله (ام عادل تحب منى من كانت صغيره تحس هالبنت مسكينه فقدت امها ) ام خليفه : اي ياام عادل منى اعرفها هالبنت مظلومه عند سميره موريتها الويل حسبي الله عليها حتى طق اطقها ام عادل باستغراب : شنو معقوله , حست ام عادل انها تضايقت وايد وستأذنت وطلعت
........................
( في شركة ابوعادل )
ابو عادل دش الشركه وقال حق عادل : عادل تعال وراي المكتب عادل دخل مع ابوه المكتب وسكر الباب وقعد : هلا يبه ابوعادل : عادل اليوم دق علي عبد الله وراح يمرني اليوم عادل باستغراب : يبه من صجك عمي عبد الله ماغيره شعنده بعد هالعمر توه يذكر عنده اخو كبير ابوعادل : اي عمك عبد الله يايي وابيك تكون معاي عادل استغرب ومافهم ليش ابوه يبيه يقعد معاه : حاضر يبه ابوعادل يبي عادل علشان يخاف من مواجهة عبد الله بعد هالعمر انه يصير فيه شي لان ابوعادل يحب عبد الله وااايد ويعتبره نفس اولده مع انه مافي فرق وايد بينهم بالعمر دق تلفون ابوعادل : هلا عبد الله اي انا بالشركه يالله حياك عبد الله دخل الشركه وشاف السكرتير : غانم موجود السكرتير : منو العم ابو عادل عبد الله : اي ابو عادل عطه خبر قوله اخوك بره السكرتير مستغرب انه اخو ابو عادل لان عمره ماشافه : حاضر اشوي دخل عبد الله المكتب من غير ماينطر رد السكرتير واول ماشاف غانم راح يحضن اخوه ابو عادل حضنه وبدت عيونه تدمع وقعدوا يحضنون بعض وايد عادل يقول بقلبه اه يا يبه اول مره اشوف دمعتك تنزل وان شاء الله مااشوفها مره ثانيه دمعك غالي علي ياابوعادل عبد الله بعد ماترك ابو عادل , قعد على الكرسي بعدها يه عادل وسلم عليه , عبد الله : منو , عادل : انا عادل عمي وقام عبد الله وحضنه ماشاء الله صرت ريال وحلو تغيرت وايد
وقعد عبد الله وهو يشوف ابو عادل : اشلونك ابو عادل شخبارك ( عبد الله طول عمره يهاب ابو عادل ويحترمه لان ابو عادل فارض هيبته ودايما يتكلم كلام حق ) ابو عادل : بخير دامك بخير وينك بعد هالعمر ياعبد الله ماتقول عندي اخو كبير اسأل عنه عبد الله : والله مالي ويهه اشوفك بعد المحكمه ابو عادل تضايق من يوم ياب طاري المحكمه وتذكرشنو صار : لا ياعبد الله احنا اخوان ولما في شي يفرقنا دايما اخذ اخبارك من بعيد , تعال انا ادري انك تزوجت وعندك يهال ماشاء الله واشلون منى بنتك عبد الله تضايق من ذكر منى وتذكر موقفها وهي طايحه بين اريوله : بخير الحمد الله وصار عندي خالد ووليد ابو عادل : اي ماشاء الله الله يخليهم لك عبد الله : الله يسلمك ,الصراحه ماادري شقولك بس انا محتاج فلوس ابي افتح مشروع واذا ربحت اردهم لك ابو عادل تضايق لان عرف سبب اللي خله عبد الله ايي علشانه وهو الفلوس لان عبد الله يموت بالفلوس ,يعني مو علشان تشوفني ياعبد الله : ان شاء الله عبد الله تامر امر المبلغ الي تبيه ياخوك (ماحب يرده وهو عمره مارد احد يرد اخوه عبد الله مستحيل ) بعدها ارتاح عبد الله واخذ الشيك وقام يالله انا امرك وقت ثاني ياابوعادل ابوعادل وعينه على اخوه يخاف مايشوفه بعد ماكتبله الشيك : عبد الله تعال زورني انت والعيال ولاتقطع ياخوك عبد الله باس راس ابو عادل : ان شاء الله يالله مع السلامه ابو عادل وعادل : مع السلامه وعين ابو عادل عليه وهو يتحسر على السنين الي راحت وهو بعيد عن اخوه تنهد تنهيده قويه عادل بعد ماشاف ابوه شكله تعبان وتضايق وهو من زمان ماشاف الضعف بعيون ابوه لان ابو عادل مايبين حزنه : يبه خلينا نروح البيت لاحق على الشغل ابوعادل وهو يتنهد ومسح دمعته قبل لايشوفها عادل : يالله عادل خلينا نطلع عادل بداخله حسبالك ماشفت دمعتك يايبه ماتدري انك تذبحني بدموعك والله لو الدموع ريال جان قتلته ورتحت ولا شفت الضعف بعينك
الدولة : عدد المشاركات : 73740 نقاط : 111480 تاريخ التسجيل : 30/01/2010 العمر : 36 الجنس :
موضوع: رد: أصعب اللحظات الأحد فبراير 27, 2011 4:12 am
..........................
(بيت ابو خالد )
راحت امل وام امل بيت ابو خالد واهم يطقون الباب ومحد يفتح شوي منى سمعت الباب عرفت انها امل بعد مادقت عليها وقالت لها دقايق انا عندج وراحت افتحت الباب اول ماشافت ام امل احضنتها حيل : اه يا خالتي احرقتني احرقتني ام امل وهي تبجي : الله عليها بنت ابليس اللي ماتخاف من الله امل راحت حق منى احضنتها وهي تبجي : منى حبيبتي لاتبجين خليني اشوف حرقج يبتلج دوا معاي منى اول ماطلعت ايدها توريهم الحرق ,ام امل بدهشه : الله واكبر عليها صدقيني الله راح ياخذ بحقج يايمه وقعدت تبجي ماتحملت وهي تشوف حرقها وهي تقريبا تشوهت امل انصدمت من الحرق :تعالي حبيبتي اعالجج واحط لج دوى , ودخلت سميره وشافت ام امل وهي تكره ام امل لان ادافع عن منى دايما واي واحد من طرف منى تكرهه سميره : انتي شقاعده تسوين هنيه يالله قومي طلعي بره بره انتي وبنتج ام امل : تطرديني ياللي ماتخافين من الله ليش سويتي جذي بالبنت ماتخافين من حوبتها الله عليج سميره : جب انتي مالج شغل يالله طلعي بره امل : لاتقولين حق امي جب فهمتي احنا طالعين بس ماراح اخلي منى تحت رحمتج صدقيني سميره : انتي هي بلا فلسفه طلعي يالله بره وطلعت امل وامها وهم ميتين من القهر على منى سميره : انتي هي ليش مناديتهم حسبالج في احد يفكج مني ,منى عطتها طاف وراحت غرفتها دخل ابو خالد : السلام ام خالد : هلا بو خالد تبي العشا ابو خالد : اي روحي حطيلي العشا وين منى , سميره : راحت تنام
..................
( بيت ابو عادل )
بعد ماطلع ابوعادل وعادل من الشركه راحوا البيت وعادل يشوف ابوه وهو قاعد بالسياره ومخه مو معاه دخلوا الفيلا ( فيلا ابو عادل وايد حلوه وكبيره وفيها حديقه وجميع انواع الورد لان ابوعادل يحب الورد ) صفط عادل بسيارته الرنج الابيض داخل المظله دشوا داخل الصاله شافوا ام عادل قاعده عادل وابو عادل سلمو وقعدو ابو عادل حس بام عادل فهم عشره ويعرفها عدل : اشفيج ياام عادل شكلج مو عاجبني فيج شي ام عادل بضيقه : اليوم شفت سميره مرت اخوك عبد الله في بيت ام احمد ابو عادل : صج شسالفه اليوم عبد الله معانا ام عادل : بس ياابو عادل سمعت اخبار موزينه ابوعادل : ليش شنو صاير ,وبداخله شنو ناوي علي عبد الله بعد ام عادل : سألت عن منى ويقولون انه مرت ابوها موريتها الويل وحتى طق اطقها ابو عادل وحس انه الدنيا اسودت بعينه : شنو معقوله عبد الله ساكت على زوجته وهي تعذب بنته وين رجولته اول ام منى ماتقدر تتحجى عنده شسالفه صار يسمع كلام حريم عادل لما شاف ابوه عصب خاف عليه لان عادل وايد يحب ابوه ومايتحمل يشوف القهر بعينه : يبه هدي وخلينا نعرف شسالفه ابو عادل : لا انا مو مخليه اليوم عبد الله يبي يذبحني , واخذ التلفون ودق على ابو خالد
ابو خالد : هلا ابو عادل عساك بخير ابو عادل : لا هلا انت اللي يشوفك يعرف الخير ابو خالد : ليش شنو صاير ياابو عادل ابو عادل : شنو صاير سواد ويهك انت شلون تخلي زوجتك اطق منى وين رجولتك يا عبد الله عبد الله بعد ماحس انه ابو عادل طعن برجولته : هذي بنتي وبعدين منو قالك ابو عادل : هذا اللي همك منو قالي مو هامك وانت تعذب هالبنت المسكينه عبد الله بضيقه : اصلا انا يالي ريال وراح ازوجها بعد يومين ابو عادل : احسن تفتك منك ( وتذكر انه عبد الله مايسوي شي الا وراه فلوس ) ومنو هذا ياعبد الله عبد الله : ابو صالح الاعور ( الاعور مو لانه عور لا هذي عايلته ) ابو عادل بصدمه: شنو ابو صالح ماغيره المقاول , هذا عنده ثلاث حريم وعنده عيال عبد الله : اي ادري وهو طلبها مني ومحد خطب منى غيره ابو عادل بحزم : لا ياعبد الله منى راح ازوجها ولدي عادل عادل بعد ماسمع ابوه قام وقف من الصدمه عبد الله : بس انا عطيت الريال كلمه ابو عادل بعصبيه : انت ترد عادل يا عبد الله , والريال الي تقول عنه مهو بريال ولا انت ياعبد الله عبدالله خاف من عصبية غانم وفكر انه عادل عنده حلال اكثر وايد من ابو صالح : انا ماارد عادل وتعال اخذها من باجر اذا تبي ابو عادل حس بالراحه : خلاص ياعبد الله باجر بعد المغرب راح اييب الملاج ونملج لهم وسكر التلفون
عادل بصدمه من كل كلمه قالها ابوه وحس كل كلمه جنها سجين تطعن قلبه : يبه انت من صجك اللي قتله حق عمي ابو عادل : اي اللي سمعته , انا مااخلي بنت اخوي تتعذب حتى لو من ابوها
عادل راح غرفته وهو ميت من القهر من اللي قاله ابوه وحس انه لقى شخصيته وجنه ماله وجود ويتخذ قرار مهم بداله
ام عادل افرحت لان تحب منى من كانت صغيره تحس انها مسكينه بعد ماهدتها امها : هدي عمرك ياابو عادل وعادل ماراح يرفض لك طلب هذا ولدك وتعرفه مايحب يشوفك متضايق
بعدها دخل عليهم فيصل : يمه يمه يمه ألحــــــــــــــــــــــــــــــــقيني .........
.....................................
في البارت الياي راح نشهد ملجة عادل واحداث وايد فانتظرونا واذا شفت تفاعلكم .. انزلكم بارت الياي ..
الرئيسية
الدولة
