الامتحانات
كلها يومين وهأبدا الامتحانات
وهاودع النوم والنت كمان
وهابطل ادردش مع اصحابى
او نقعد مع بعض زى زمان
وهادور على الامتحانات السابقة
وادور على تلخيص المادة كمان
وادور على اى معلومة افهمها باتقان
ماهو انا مش باحب الحفظ
لانة دايما يعقبة نسيان
وكلة الا النسيان
ومش هاعرف اكل قبل الامتحان
وكمان مش هاعرف انام
ووقت المذاكرة هيعدى اوام
وانا حاسس بخوف من الامتحان
حاسس ان الوقت فات
وانا ماقدرتش على المادة ارجع
او حتى اكملها مذاكرة تمام
هيطير النوم من العين
حتى لو نمت هاكون قلقان
ما هو انا خايف من الامتحان
ومش قادر استوعب اى معلومه
واحتار فى الماده واى سؤال
خارج المنهج او ملوش عندى جواب
واتصل باحمد ومحمد وايهاب
علشان احاول اتدارك اى شئ فات
وبسرعة اجرى واروح لده
واخد معلومه من دة
ويارب ما يخرجشى منهم الامتحان
ويكون التصحيح فل وتمام
ويارب الدكتور بالتقديرات يتوصى
ويزيد فى الدرجات
ويارب افرح فى اخر العام
بتقدير كويس
يكون لقلبى اجمل من الاحلام
ويهون على مرار السنين والايام
اللى قضيتها مذاكرة وتعب اعصاب
وخوف من الامتحان
يارب سترك وهونها علينا
دى ليلية صعبة جدا
ما هى دى ليلة الامتحان
ويوم الامتحان يكرم المرء او ؟؟
:
يوم الامتحان الكاتب :
mohamed zaglol المصدر :
منتدى شباب كول
الرئيسية
الدولة
