الدولة : عدد المشاركات : 1397 نقاط : 1857 تاريخ التسجيل : 29/10/2009 العمر : 29 الجنس :
موضوع: الحرمان .. Stop ! .. فضفضة .. الجمعة نوفمبر 06, 2009 11:31 am
~ الحرمان ~
إحساس من أصعب الأحساسيس اللي بمر فيها ممكن أتحمل أي حاجة بس إستحالة أتحمل الإحساس بالحرمان الإحساس بالحرمان أكتر حاجة بتوجعني بجد ألم الحرمان بيخليني نار قايدة بيخلي قلبي متدمر بيخليني دايما مخنوقة وبدور .. دايما ضايعة ومش لاقية نفسي فأي حتة مش عارفة أنا بعمل إيه ولا الوقت بيعدي إزاي كل اللي انا حاساه اني ماشية في طريق مش عارفة أولها من نهايتها ماشية عشان إستحالة أقف ماشية عشان ملزمة اني أمشي بتحرك بالعافية عشان من غير الحاجة دي حاسة ان حياتي مالهاش طعم .. حياتي ما لهاش معنى وبردو ما قدرش أقول stop ! انا هقف عندي هنا وما عدتش هكمل ما قدرش أقول ما عدتش قادرة أتحمل مع إني من جوا وقفت من زمان من جويا إشارة ال stop ضوّت من زمان بس من برا لازم أبين للناس إن أنا دايما ready مخنوقة ومتدمرة وحاسة ان دمي جوايا بيغلي تصوّر إن الحاجة اللي هي أغلى من روحك ليك مش موجودة تخيّل إنّك مش عارف تطول حاجة المفروض إنّها ليك وإنّك كتبتها بإسمك من أول يوم لقيتها .. من أول ما جات عنيك عليها .. من أوّل ما حسيتها وقولت دي بتاعتي وفجأة كدا تلاقيها طارت من بين إديك تبص فوق تلاقيها بتبعد كمان وكمان وبيبقى بينكو بحااااااار بجد مش عارفة أنا بكتب إيه بس مش ممكن أدوق أصعب من الإحساس دا أصعب من إنّك تحسّ إنّك عايش من غير حلم عشان حلمك الوحيد مش قادر تطولو .. وكل ما تقرب منو يزداد شوقك ليه أكتر وتبعد من تاني .. تحس روحك بتسيبك وبتجري وراه ما حدش حاسس بيك ولا حد هيحس بيك عارف يعني ايه تفقد نفسك اللي بتتنفسو ؟؟ هو دا الحرمان من اغلى ما ليك عارف يعني ايه تعيش من غير قلب ؟؟ هو دا الحرمان من حلم كل عمرك بتحلم بيه
الرئيسية
الدولة
