فيس بوك وتويتر: على جمعة: خرائط طابا كانت فى المجمع العلمى والشباب: توجد نسخة فى دار الكتب ودم الشباب أغلى

٢١/ ١٢/ ٢٠١١

أثارت تصريحات الدكتور على جمعة، مفتى الديار المصرية، فى برنامج «٩٠ دقيقة» تعليقات مواقع التواصل الاجتماعى حيث قال: المجمع العلمى كانت به مجموعة الخرائط التى قدمناها كمستندات لاسترداد طابا مرة أخرى».

ومن تعليقات موقع «فيس بوك» قال تامر عبدالرحمن: «آسفين يا طابا، دم الشباب أغلى، الخرائط ممكن ترجع لكن مين يرجع الشهيد تانى»، وتساءل عصام الطحاوى: «طيب كده هنرجع طابا تانى يعنى ولا إيه»، وقالت عبير محمد: «توجد نسخة أخرى فى دار الكتب والوثائق، المهم الناس إلى ماتت يا شيخ ومنهم صديقك الشيخ الأزهرى». وقال أحمد زياد: «هو المفتى كان مشارك فى المفاوضات بتاعة طابا ولا طالع يردد كلام»، وتساءلت داليا عيد: «وتفتكر ورق بهذه الأهمية والخطورة يوضع فى مكان دون حماية أو خزائن ضد الحريق، ده أمر طبيعى؟»

وقال علاء الدين: «مش مشكلة، طابا رجعت خلاص.. طلعوا هليكوبتر تصورها تانى.. المهم كرامة المصرى هترجع إزاى؟». فى المقابل، قال محمد خميس «منهم لله اللى حرقوه وكل اللى عاوز يحرق البلد دى ويخربها بأى شكل»، وقال أسامة صلاح: «الله يبشرك بالخير.. خليهم يفرحوا بقى»، وقال محمد عمر: «حسبنا الله ونعم الوكيل فى كل اللى ساعد ولو بكلمه فى إحراق تاريخنا»، وقال أمجد أهلاوى: «حسبى الله ونعم الوكيل»، وقالت إيمان زهران: «دلوقتى بقى ياخدوها تانى مفيش مشكلة ولو عايزين مصر كلها يتفضلوا ولا خليهم يستنوا شوية لما نخلص على بعض».

مرسي الك زهره

شكرا لمرورك

شكرا لك على الموضوع الجميل و المفيذ ♥

جزاك الله الف خير على كل ما تقدمه لهذا المنتدى ♥

ننتظر ابداعاتك الجميلة بفارغ الصبر

شكرا للمرور الجميييييييييييييل