الدولة : عدد المشاركات : 2890 نقاط : 3195 تاريخ التسجيل : 06/01/2010 العمر : 35 الجنس :
موضوع: سمعتها تتشهد وتذكر الله الخميس مارس 18, 2010 8:24 pm
كل ما دخلت البيت تضيع حروفي بين دمعي يمكن لأني فقدتهم وصحيح إني إنسان مؤمن بالله وبالقضاء والقدر ولكن الفراق صعب
أحس أني فقدت الإحساس بطعم الحياة أحس روحي صارت ميته حتى الضحكة أتمنى تخرج من القلب وأحس بطعمها مثل أول
لأحد يضحك لما أقول إني بعض الأيام اذكر مقالبها واضحك لوحدي وفي الأخر ارجع ابكي
أول مره شفتها كنت في الأردن طالب في الجامعة السنه الرابعة وهي كانت أول سنه جامعه بس في جامعه قريبه منا وكان أخوها يدرس معي بنفس التخصص وكنت كل يوم أشوفها تقريبا لما تخلص محاضراتها بدري تجي عندنا الجامعة وفي يوم كنت خارج بسيارتي من حرم الجامعة بسرعة كبيره وصدمت أخوها ودخل المستشفى لمدة شهر فا أخذت على نفسي عهد أكون أخوهم الثالث وأرعاهم إلى إن تتحسن صحته ويقدر يرجع الجامعة استأجرت لها سيارة وسعيت لجل اطلع لها رخصه قياده لجل يسهل عليها التنقل بين سكن الجامعة والمستشفى
شدني التزامها بدينها أخلاقها العالية أدبها
كلمت أخوها وقلت له : إني ناوي أكمل نص ديني ولي الشرف أتقدم ل أختك قال : أعطيني كم يوم وراح أرد عليك بعد ما اكلم أهلي واخذ رأي البنت بعد أسبوع تقريبا رد علي وقال : أهلي موافقين وكمان البنت بس بشرط تخلص دراستها أول قلت : موافق
ومرت فينا الأيام بسرعة كملت دراستي ورجعت على السعودية وبعد سنه هي خلصت دراستها ورحت بيت أهلها أخطبها رسمي
أتذكرها في أول أيام الخطوبة وكيف الخجل في عيونها أتذكر يوم زواجنا
كانت ما تعرف تطبخ وكل يوم تحرق الأكل وتجي لعندي وهي تبكي تقول : أنحرق الأكل مره ثانيه اراضيها وأحب رأسها وأقولها : مع الوقت راح تتعلمي الطبخ باقي العمر قدامنا ليه مستعجله
أشوف ابتسامتها العذبه الصافيه وهي تجفف دموعها أحس إني ملكت الكون وما فيه في روحها شقاوه كبيره تحب الضحك وتحب تسوي فيني كل يوم مقلب غير
محبوبه في طبعها تواضع كبير وصدق في القول تكره الكذب حتى لو عرفت إني راح ازعل ما تجامل في قولها اكثر من مره أقولها : لازم تجاملي الناس لجل تكسبي محبتهم تقولي : أنا مااعرف اكذب هذا أنا شخصيتي كذا مقدر أغيرها عشان الناس تحبني
بعد ست شهور مرضت وأخذتها للدكتورة وجئتني البشارة الحلوه المدام حامل مقدر أوصف إحساسي ذاك اليوم راح أصير أب
قلت لها : من اليوم ورايح مافي روحه على الوظيفة أنتي ما تحتاجي لها الحين تزاعلنا وتجادلنا لمدة يومين جاتني وهي تبكي وتقولي : أنا اسفه ماقصدت ازعلك بس أنت تعرف إني أحب الوظيفة عشان تشغل وقتي خاصه لما تكون مسافر أنا قدمت استقالتي بس انتى تكون راضي علي
ومرت علينا الأيام بحلوها ومرها نضحك نتزاعل نضارب نعمل مقالب في بعض حياه ولا أروع منها كل يوم يزيد حبها في قلبي اكثر واكثر
وجاء يوم الولادة وجاتني مولودة بنت سبحان من خلقها سميتها روان أول مولود لنا عاد تعرفوا في بيتنا طفل يعني بكى وإزعاج ولا نعرف كيف نصرف من الأخر وناااسه كبرت روان وصار عمرها تقريبا 8 شهور وطلعت لها أسنان وصارت تعض نقرتين لعرض الصورة في صفحة مستقلة ومرت سنه وسبع شهور صارت تحبي وتسوي ازعاج في البيت
وفي يوم كان في بيت أهلي مناسبه ورحت بدري لجل استقبل الضيوف مع ابوي اتصلت عليها لجل تجهز حالها لأني راح امر عليها اوصلها قالت : لا تجي أنا كلمت اخوي وراح يمر علي أنت خليك مع الضيوف انشغلت مع الضيوف وبعد ساعتين تفاجأت انها ما وصلت اتصلت عليها ما ترد ؟؟ اتصلت على جوال أخوها ما يرد ؟؟
أخذت سيارتي ورحت البيت مالقيتهم هناك طول الطريق وأنا اتصل عليهم من جوالي من تلفون السيارة مافي رد ؟؟؟؟
حسيت صدري راح ينفجر من الضيق
خرجت من البيت وبعد 10 دقايق جاني اتصال من رقم غريب و لأول مره أحس برهبه من رقم تلفون كأن قلبي يقولي هذا الرقم عنده الجواب وين الغاليه واخوها
الوو .. هلا ... نعم أنا ... قسم شرطه ؟؟؟؟؟؟؟؟؟؟؟
مستشفى ....... يا خوي لو في شي قولي من الحين لا توترني ؟؟؟؟؟؟؟؟؟؟
قال لي : تعال وتعرف لما توصل ( وقفل التلفون ) وصلت المستشفى والله إن رجولي ما حملتني دخلت رحت الاستقبال أنا فلان الفلاني بمجرد إني قلت اسمي قالوا : تفضل كنا منتظرينك جاني دكتور وعرف عن نفسه وقال لي : الخبر الأكيد وصل إلى قسم الطوارئ شاب وفي مقتبل العمر وفتاه وطفله صغيره ولقينا رقمك مسجل كأخر مكالمه في الجوالين فا عرفنا انك قريب لهم
طمني يادكتوووور ؟؟؟؟؟؟؟؟؟؟؟؟؟؟؟؟؟؟؟
قال : تعرف إن الأعمار بيد الله والله قد اخذ أمانته الشاب توفي في الحادث وتوفيت الطفله معه والسيدة موجودة في قسم العناية المركزة وحالتها خطيره جدا تفضل معنا لو سمحت !!!!!!!!!!
حسيت الدنيا صارت سودا بعيوني رحت في طرقات المستشفى وصلت العناية المركزة ذكرت الله ودعيته وجلست ما قدرت ادخل عرفت إنها تنتظرني لجل أشوفها لأخر مره تصبرت وغسلت وجهي وحاولت أكون هادي دخلت عليها أول ما شافتني ابتسمت قالت : أنا بخير لا تخاف شوف جالسه اتدلع بس نزل الدمع من عيني ما قدرت اخبيه سألتني : شفت روانوخالد ؟؟؟ كذبت عليها قلت لها : شفتهم وهم بخير قبل اجيكي بس ما تقدري تشوفيهم لأنه ممنوع عليهم الدخول للعناية وابتسامتها على وجهها وعيونها تدمع قالت : أنا بخير لأني شفتك وبعرف انك تكذب علي يادووب
سكت بس دمع عيني فاضحني
مرت لحظة صمت وعيني ما فارقت عينها
وجاني صوتها ينادي
أنا بروح لوجه رب كريم لا تزعل الله أراد ولا اعتراض لمخلوق على مشيئة الخالق
تكلمت معها وحاولت أغير الموضوع حاولت اظهر بمظهر الرجل القوي ما قدرت
ذبحتني ابتسامتها ذبحني ألمها ووجعها ذبحتني كلمة احبك منها تمنيت لو افديها بروحي لجل تعيش
سمعتها تتشهد وتذكر الله بصوت اقرب للهمس وسكتت
راحت وأخذت معها قلبي راحت وأخذت معها بسمتي راحت وأخذت معها حياتي
لأنها هي حياتي اغلقت صفحاتها وطويت نهايتها في عصر يوم الاربعاء بتاريخ 21/03/2007م رحم الله الغاليه واخوها وروح القلب روان
الرئيسية
الدولة
