طاجن باميه جامد
طاجن باميه جامد
المقادير والطريقه
نص كيلو باميه متنظفه ومتقمعه
نص كيلو لحمه ضاني اوبقري متقطعه صغير زي الشاورما
بصل مفروم
توم مفروم
فلفل اخضر مفروم
بصل جوانح
وتوم متقطع صغير
كوب عصير طماطم
ليمونه ملح وفلفل ومكعب مرق
الطريقه
اولا نجيب طاسه ع النار ونحط م ك سمنه ونشوح بيها اللحمه حتى يتغير لونها وبعدكده نضيف البصل المفروم ونقلب شويه ندبله وبعدين الفلفل الاخضر المفروم ونحط فلفل اسود ونقلب ونحط التوم المفروم ونقلب لحد ماتستوي اللحمه مش بتاخد وقت عشان متقطعه صغير
في طاسه تانيه نحط م ك سمنه ونحط عليها الباميه ندبلها يدو ب شويه وننزل عليها بالبصل الجوانح وندبله برده معاها وبعده نضيف التوم الشرايح وندبله وبس
بعدين نجيب طاجن الفرن اوبايركس نحط خليط اللحم وخليط الباميه ونقلبه مع بعضه ونضيف الملح ونضيف عصير الطماطم وعصير الليمونه وشوية فلفل اسود ومرقة الدجاج وتغطيه بورق فويل وعالفرن بعد نص ساعه تشيلي الفويل وتسيبيه كمان ربع ساعه في الفرن وبعدين تطفي وتدوقي احلى طاجن باميه
ملحوظه لوبتحبي الصلصه كتير ممكن تزودي الطماطم بس هوكده خفيف ولذيذ
الموضوع الأصلي :
طاجن باميه جامد الكاتب :
زهرة المصدر :
منتدى شباب كول
الرئيسية
الدولة
