كيكة محشية بالفراولة

جبت لكم طريقة سهلة كتير للكيك البيتي مع التزيين وحشوة الفراولة
طبعا اكيد كلكم بتعرفوا طريقة عمل الكيك بس هنا بنضيف له بيض اكتر وبنقلل من الطحين علشان تكون هشة واسفنجية
المكونات
7 / بيض
2 / كاسة سكر كبيرة
1 / كاسة حليب محلول كبيرة
1 / كاسة زيت صغيرة
5 /ملاعق فانيلا
6 / ملاعق بكنج باودر
كمية الطحين مش محدده لكن المهم تضل العجينة رخوة وتميل الى السيولة

الطريقة ..
يخفق البيض مع السكر لوحدهم لمدة عشر دقايق تقريبا
نضيف الفانيلا
نضيف الحليب المحلول للخليط ونستمر بالخفق
نضيف الزيت
وبالنهاية نبدا باضافة الطحين والبكنج باودر بالتوالي مع بعض يعني كل ما نضيف كمية طحين بنضيف عليها ملعقة بكنج باودر
بندهن صينية الخبز بقليل من الزيت ونسكب فيها الخليط
بهذه الفترة بنشعل الفرن حتى يحمى على ما نخلص التحضير
بنتركها تقريبا نص ساعة بالفرن بنار هادية بعد ما نخفف درجة الشعلة ونرفع الكيكة شوية يعني مو تكون على النار مباشرة
بنحضر بهالوقت كمية من الكريما للتزين
وبنخلط مغلف جلو بنكهة الفراولة لتشريب الكيكة
لما بتستوي بنقلبها على طول بصينية التحضير للزينة
بنقسم الكيكة بسكينة كبيرة من الوسط طبقتين
بنبلل الطبقة الأولى من الكيكة بالجلو بطريقة البخاخ
بنزين النص الأول بالكريما وبعدها بنصف عليها قطع فراولة
بتكون بهالشكل ..