الدولة : عدد المشاركات : 5994 نقاط : 6755 تاريخ التسجيل : 16/11/2009 العمر : 34 الجنس :
موضوع: الولاد والبنات وعلاقتهم ببعض ..... الثلاثاء ديسمبر 01, 2009 3:28 pm
دلوقتى بقينا نسمع كتير كلمة ده صاحبي الانتيم من البنات ونسمع من الاولاد دي صحبتى الانتيم ، و ناس تانية تقول ..لا أنا مابكلمش ولاد خالص ، و اللي تقول إن الصداقة مع الاولاد احسن بكتير من البنات لان البنات بتغير من بعض….و الجديد ان في ولاد بيفضلوا صداقة البنات لانهم اجدع!!!
سألنا بنات علشان نعرفهم رأيهم ….
-عادى ، على فكرة أنا بكلم ولاد و كنت بخرج مع مجموعات ولاد و بنات عادى جدا ، علشان إحنا أصحاب و أخوات كمان .
-لا أنا مش بحب اتكلم مع أي واحد إلا إذا كان من العائلة ، غير كده “صباح الخير عامل ايه” و بس
-انا رأيي إن الصداقة بين الولد و البنت تكون في حدود الزمالة سواء في الدراسة أو الشغل و تكون بحدود معينة ، غير كدة ماينفعش.
-الصداقة بين الولد و البنت حاجة عادية جدا و مافيهاش مشكلة.
- ده بالنسبه للبنات ، أما الولاد
-حاجه جامده جداااااااا ، أحسن حاجه إني بقضيها مع كل واحده شويه وعادى خالص .
-انت جيت على مربط الفرس ، فعلا دى حاجه مهمه جدا لازم تكون انت والبنات أصدقاء و إخوات و تدافع عنهم لو لزم الأمر و تحافظ عليهم و عادى .
- أنا لي أصدقاء بنات كتير بنخرج مع بعض و نتكلم و اسرارنا مع بعض وبيكونوا زي اخواتي. - أنا شايف أن العلاقة بيني و بين أي بنت لازم تكون في حدود المعقول بمعنى أننا منعملش حاجة تكسفنا لو حد عرفها و نفس الموضوع في الكلام برده.
وسألنا الدكتورة آمنه نصير الدكتورة في جامعة الأزهر فقالت لنا…..”إن الإسلام يريد المجتمع نقي ن و أنه لا يمنع أي أحد من أن يعمل و يتفاعل مع المجتمع و لكن في حدود الالتزام و الاحتشام . و لكن الذي يحدث إن البنات و الأولاد يتعرفوا على أنهم زملاء و يتطور الموضوع إلى ما هو ابعد من ذلك بكثير و الغريب أنهم ممكن يضعوا التصرفات دي تحت مسمى أصل ده اخويا و هذا غير صحيح فالتعامل يجب أن يكون له سبب و هو العمل أو الدراسة فقط لا غير”
زمان كان مافيش حاجه إسمها ولد يعرف بنت أو يتكلم معها ده كان عيب حتى إنه يبص على بنت أو يرفع عينه فيها و كمان أولياء الامور كانوا محافظين زياده شويتين أما دلوقتى بقى فيه نوعين ” ناس بتتعامل مع الموضوع بطلاقه و أنه عادى و ده مهم للبنت و الولد عشان يعيشوا فى المجتمع ”
و نوع تانى”الناس اللى تنظر الى الحاجة دى من منطلق أنها مش صح و أنه عيب و ماينفعش إنها تتعامل مع أولاد أو أنه يتعامل مع بنات .
طيب ما تيجوا نفكر شوية ايه رأيكم لو كانت العلاقة بين الولد والبنت تكون علاقة محترمة بمعنى أن من الطبيعي الأيام دي إننا بحكم الشغل والدراسة و المجتمع المفتوح إننا بنعرف ناس و نتكلم معاهم و في حاجات كتير مشتركة . بس أكيد يبيقي في حدود معينة و خطوط ماينفعش حد يعديها و كمان إحنا عندنا عقيدة و التزام وطالما فى ده طبعا لازم نكون فى سلام ومحبة مع بعض والعلاقه لو خرجت عن المسموح يبقى كده فقدت روح الأخلاق والقيم زى المجتمعات الغربيه.
عايزين نعرف رايكم ايه؟ هل فعلا في صداقة بين الولد والبنت ولا لا؟
الرئيسية
الدولة
