عندما كنت شابا حرا طليقا ، فاتح صدري للدنيا وشايف نفسي حبتين وبقول يا ارض اتهدي ما عليكي قدي، كان خيالي واسع زياده عن اللزوم.. وكنت بحلم اني هغير العالم
(شوف الخيال). وكلما ازددت سنا وحكمه كنت اكتشف ان العالم بتعنا كبير قوي وصعب انه يتغير " وهو انا اللي هاصلح الكون لوحدي"لذلك قللت من طموحي الى حد ما قررت اغير بلدي بس ..(يا حبيبتي يامصر يامصر)، وفضلت اسمع الاغاني الوطنيه واتفرج على القناه الاولى والتانيه الارضيه ووصلت لدرجه اني لما كنت بشوف علم مصر الدمعه بتفر من عيني !! الا ان بلدي هي الاخرى بدت وكانها باقيه على ما هي عليه وعلى رأي الشاعر اللي معرفش اسمه " النهارده زي امبارح.. وبكره مش باين له ملامح" قلت مش مهم اغير البلد .ليها ناس كبار يغيروها.
وحينما دخلت مرحله الشيخوخه ، حاولت في محاوله يائسه اخيره ان اغير عائلتي ومن كانوا اقرب الناس لي ولكن باءت محاولتي بالفشل ، الكل مشغول بلقمه العيش والدروس الخصوصيه ووصله الدش اللي بتجيب قنوات showtime.
واليوم .. وانا على فراش الموت ، ادركت فجأه حقيقه الامر.. افتكرت (خير اللهم اجعله خير) اني نسيت اغير من نفسي قبل ما احاول اغير الناس، ياريت كنت غيرت نفسي من الاول .. ثم بعد كده اغير عائلتي بعد كده نبقى كتير ونشجع بعض على تغيير بلدنا للاحسن ، علشان تكون اجمل واقوى بلد في الدنيا ومن يدري ، ربما كنت استطعت اخيرا تغيير العالم كله.

:idea:

تسلم الايادى

تسلم الايادى

تسلمي ايدك ياسوما