حنسى ازااااااااااااى دور الشباب دول اكتر 10 اسباب؟ادخل وشوف

السبب الاول

الرجوله

وهى اول حاجه بتشوفها البنت فى الراجل ويمكن دى الحاجه الوحيده اللى حتكون عكس اول سبب كتبته فى الموضوع اللى فات
لان ببساطه ادم لما حايحب يشوف حيشوف انثى
وحوا لما تيجى تشوف وتحب حتشوف راجل
راجل فى شكله وكلامه ولبسه واسلوبه
لكن فى حاجه مهمه .... مستوى الانوثه والرجوله وشكلها وصفاتها هما اللى بيحددو مدى رؤيه الاتنين لبعض
ورجوله ادم بلخصها فى حاجه واحده بس ..... الاعتماديه
والاعتماديه معناها ان ادم يسد فى كل احتياجات حوا ان كنت عاطفيه او احتواء او امان او غيره ... وده اول حاجه بتشوفها حوا فيك بقلبها
وبتلفت نظرها ليك ....

السبب التانى

الغيره

وهى تانى الاسباب اللى بتلفت نظر حوا ليك
لما تلاقيك غيرت عليها ... بس موش غيره تحكميه
يعنى انها تلاقيك مثل لحد بيخاف عليها بس بغيره الراجل الشقى
ومعنى الشقى ... انها غيره كده موش واضحه اوى 100% وموش مستخبيه لدرجه انها ما تحسهاش ..... ده بيخلى حوا تفكر يا ترى هو بيعمل كده ليه
واكيد... انت بقى اللى لازم يكون عندك اجابه السؤال ده
موش انا بقى اللى حقولك اكيد
:)

السبب التالت

القوه

مهما قالت حوا ومهما عملت نفسها قويه ... هى اهم من قوتها انها تشوف حبيبها او شريكها اقوى منها
اقوى منها فى التفكير والفعل ورد الفعل
لانها ( وموش زى مالكل فاكر ) ان ادم اللى بيحب يتباهى بجمال حبيبته وكده
لا ( حوا ) اللى كل طموحها واملها انها تلاقى الحبيب اللى تتباهى بيه
قدام نفسها اولاً لما تقعد كده لوحدها وتفكر فيه
وقدام اى حد لما تتكلم عنه ... لانها لو حبته بجد ... حتشوفه مثلها الاعلى
وحيبقى كلامها عليه طول الوقت
والدليل على ده ان حوا معظمهم بيشوفو الاب هو المثل الاعلى
اذا وصل لدرجه الاحتواء اللىى هى بتشعر بيها

السبب الرابع

خفه الدم

تقريبا دى من اكتر الحاجات اللى بتلفت نظر 90% من حوا
لانها بتعتبر ان الشخص اللى دمه خفيف ( بشكل مبدئى ) عنده القدره انه
يخرجها من مجموع همومها اللى هى دايما شايفاها بتدق على قلبها وحياتها
والاحساس ده الى حد ما.. فطرى لانها ما بتدورش على حد دمه خفيف ... اقدر اقول
هى ( بتلتفت ) لحد دمه خفيف ... خصوصا لو خفه الدم دى برجوله كمان
:)

السبب الخامس

تفكيرك

اكتر حاجه تضايق حوا انها تلاقى تفكيرك سطحى
او موش بتفهم .. وبالتالى موش بتفهمها
حوا .. كمان عمرها ما بتغير ابدا من ان تفكيرك اعمق منها واذكى
بالعكس
دى بتستغل اى فرصه فى انها تنعم بالتفكير ده
خصوصا لو كان فى بينكم حب
ودى يمكن حاجه انت ما تقدرش تعدلها عندك
بس تقدر تكبرها وتعمق تفكيرك شويه
كمان خلى قوه ملاحظتك لحوا بتاعتك قويه
لانها بتفرح جدا لما تلاقيك بتلاحظ وتشوف مالا يراه الاخرون

السبب السادس

الاحساس

تاكد ان لما احساسك بالاشياء اللى حواليك بيكون عالى
وانك تكون عندك القدره انك تخرج الاحساس ده.... وبالتالى ....هى تحسه
تاكد انك اخدت اسهل الطرق اللى قلبها
لانها
دايما عندها ازمه احساس من الحياه المحيطه بيها وعمرها ما بتتشبع منه
وموش لعيب فيها .... بس ببساطه شديده
(هى كده .... )
وداايما تطلب المزيد حتى لو كان عندها ... اكتر من المزيد ده ... بمزيد كمان

السبب السابع

الرومانسيه

بتموووووت حوا فى الحد الرومانسى
وبتعشق الكلام معاه
وتقدر تقول هى بتميز رائحه الرومانسيه من بعد
بس فى حاجه مهمه ... هى بتكره جدا رومانسيه الضعف
وبتحب جدا رومانسيه الاحتواء والتعبير عن الحب
بمعنى
تاكد انك لو رومانسى بس رومانسيتك دى سر ضعفك ... موش حتفضل صاحب البريق فى عيونها طول الوقت
انما لو رومانسيتك رومانسيه ... قويه... بتضيف ليكم وليها بالذات قبل اضافتها ليك
يبقى هنيالك يا عم :)

السبب الثامن

كلماتك وصوتك

اختيارك لكلماتك بعنايه ... تاثيره ( سحرى 100% ) عليها
وكمان وضع الكلمات دى فى مكانها الصحيح
بيخليها بمجرد ما تسيبها وتمشى من قصادها ... تفضل هى تسمع طول الوقت رنين كلماتك
وتخيل بقى الكلمات دى لو كانت خارجه منك بصوت واضح ومميز وفيه ( تمييز ) ليها هى شخصيا
دا من اقصر الطرق لقلبها
واحذر.... الصوت العالى بدون مبرر منطقى
لانه بيحسسها بضعفك... موش زى مانت ممكن تكون فاكر

السبب التاسع

كرمك

حوا زيها زيك بالظبط ... بتحب الفلوس وكل ما هو مادى
لكن .... جرب مره تدى لحوا فلوس بشكل
خدى دول.... كده... او تجيبلها هديه وانت وشك مكشر
حتلاقى الهديه دى كانها نار جوا ايدها
مهما كانت الهديه دى قيمه
لكن ... جرب تجيب بس حاجه بسيطه جدا ... لكن باحساس
متهيألى ممكن فى اللحظه دى تطير بيك من فوق الارض
الا بقى لو هى مسأله كل ما هو مادى دى ... حاجه اساسا فى صفاتها
يبقى هنا ... ربنا يكون فى عونك *~*

السبب العاشر

اجتماعياتك

لو دخلت عقل اى حوا دلوقتى حتلاقيه بيحلم بواحد يكلمها ويهتم بكلامها ويقدره
حتلاقيه بيحلم بانه يكون من نصيب حد مشهور او معروف
موش شرط يكون عمرو دياب
بس يكون موش انسان وحدوى مستقل بحياته
لا بالعكس هيا اصلا بطبيعتها الاجتماعيه ( جدا ) بتشوف ان احلى ما فى الوجود
انها تلاقى شريك يكمل حلمها الاجتماعى ده .. لانك زى مانتا عرف انها حلمها تكوين اسره
واللى حلمه يكون اسره برضه حيكون حلمه يكون مجتمع كبير
خلى بالك من النقطه دى جدا ... وخصوصا اجتماعياتك بينك وبينها

الموضوع الأصلي : حنسى ازااااااااااااى دور الشباب دول اكتر 10 اسباب؟ادخل وشوف الكاتب : ملكه زمانى المصدر : منتدى شباب كول

التوقيع