بسم الله الرحمن الرحيم






اولا كده عارفين ظاهرة الشباب الفافى المدلع ده و خصوصا انهم كتروا اوى اليومين دول
دول يعنى تلاقى منهم اللى بيقلدوا البنات فى كل حاجة حتى فى تسريحة الشعر ما علينا
المهم ان ده حوار بين ام ربنا رزقها بواد فافى و مايع و مدلع اخر حاجة
و المصيبة انه طالب جامعى و ده جزء من حوار دار بينه و بين مامته الله يكون فى عونها
و الشاب ده اسمه


yay





yay :
حر.... حر.... حر ..... حر ..... اف خلاص ياربى مش طايقة نفسى .. قصدى مش طايق
نفسى تعبان خالص خالص


الام :
ايه يا بيضه مالك ايه اللى مخليك تعبان ؟؟؟؟؟؟ يا واد ماتشد حيلك شوية و خليك راجل كده
ربنا ياخدك مش عارفة طالع لمين يا منيل


yay :
يا ربى انا ايه اللى خلانى رجعت البيت ده ما انا كنت قاعد فى
الجامعة كويس


الام :
يا واد ده انا لما كنت بسنك كنت بربى غنم و كنت بربى قطيع زيك كده على اخر الزمن
مش عارفة اربيك انت يا حشرة


yay :
ياااااااااااااااى يعنى ايه غنم يا مامى ؟؟ ايه تقصدى خروف يعنى


الام :
ايه يا خويا مش عارف غنم يعنى ايه
ده ابوك لما كان فى سنك كان بيصطاد اسود و كان قلبه جامد مش زيك لو طب فى حجرك
عنكبوت تموت فيها


yay :
يييييييييييييي مش تجيبيلى سيرة العناكيب بليز جسمى بيقشعر يا مامى


الام :
ده اللى يقعد معاك و يسمع كلامك يقول عليك عندك تلات سنين مش عشرين
سنة قوم يا واد انت من قدامى قوم ما تخلينيش افقد انوثتى و ارتكب فيك جريمة


yay :
ههههههههه انوثتك ؟؟؟؟ فين دى ؟؟؟؟؟ قصدى اه عارف يا مامى كلك انوثة طبعا


الام :
روح نام نامت عليك حيطه يا بعيد


yay :
ليه
يا مامى انتى عدوتى كده دايما ليه بتحاولى تحطمى مشاعرى و احاسيسى ليه
مش انا دلوعتك .... قصدى دلوعك مش انا ضناكى اللى بتخافى عليه ؟؟؟؟ اهئ اهئ
اهئ


الام :
خلاص يا روبى متزعلش و الله
احرجتنى بكلامك ده
ده انا يا ياى
عايزاك تبقى راجل كده
شوف اخوك حسنين راجل
ازاى و الكل بيخاف منه
ده شعر شنبه اكتر من شعر جسمك يا منيل مش زيك بيقعد
يتمكيج على المرايه بالساعات


yay :
ده حسنين ده قلبه قاسى و جامد اما انا فقلبى قلب خفيف مش بيستحمل اقل حاجة


الام :
طيب هسألك سؤال


yay :
اوف كورس مام اتفضلى


الام :
احنا لو دخل علينا حرامى دلوقتى هاتعمل ايه ؟


yay :
هاشده من شعره و اقوله عيب عليك كده يا حرامى


الام :
لالالالالالا !!!! تصدق حرام عليك كده يا ابو قلب قاسى انت كده بتقسى عليه اوى اوى
هاتشده من شعره ؟؟؟؟؟؟؟؟؟؟؟؟؟؟؟؟؟؟؟؟؟؟


yay :
يس




الام :
ليه انت فاكر الحرامى مطول شعره زيك يا باربى ؟؟
ده الحرامى لو جيه هيديك
على دماغك و يسرقك و انت تبقى زى الاهبل مش هتعرف تعمل حاجة


yay :


يووووووووووووووه ...... ما تخوفينيش بقى يا مامى انا هقوله خد يا حوحو اللى انت عايزة
سيبلى هدومى و تشيرتاتى




((((( و فى هذه اللحظة دخل المحروس بسلامته حسنين اخو النونو ياى )))))




الام :



ابنى حبيبى راجلى و عزوتى و سندى


حسنين :
ازيك يا امى عامله ايه


الام :
مش كويسه يا حسنين اخوك هيجننى


حسنين :
تانى يا ياى ؟؟


yay :
انا مش عملت حاجة خالص خالص


الام :
بص يا حسنين لو دخل علينا حرامى دلوقتى هاتعمله ايه ؟؟؟؟؟؟؟؟؟


حسنين :
هاكسر له ظهره و اطحنه و اقطع له ايديه و اعلقها اول الشارع علشان يبقى عبره لغيره


yay :




يوووووووووووووووه ............... نونونونونو
بلاش الكلام ده مش هعرف انام
انا بخاف


نونونو
انا هدخل انام بدل ما انا قاعد معاكم يا اولاد دراكولا


الام:
يا حسنين عايزين ندخل اخوك العسكريه علشان يبقى راجل شويه


حسنين :
عسكرية ايه يا امى ؟؟؟ ده لو راح العسكريه هايفتكروه اليسا بتتمشى قصادهم بلبس
العسكريه بلاش فضايح يا امى


yay :
انا سامعكم انا لسه منمتش هاه و عموما يا مامى انا قدمت فى معهد الباليه علشان عاوز
اتعلم رقص الباليه اوك


حسنين :
لا اله الا الله


الام :
عوض عليا عوض الصابرين يااااااااااااااااااااااااااااااااااااااااااااااااا ارب



***********************************************




الحوار طبعا مش حقيقى بس اكيد في كده ربنا يستر من الايام الجايه بقى ههههه