الدولة : عدد المشاركات : 2806 نقاط : 2908 تاريخ التسجيل : 13/01/2011 العمر : 29 الجنس :
موضوع: عفواا..لقد نفذ رصيدكم...... الثلاثاء مارس 08, 2011 9:29 am
عفوا ..... لقد نفذ رصيدكم
جمله عارفينها وحافظينها ، وبتتقالنا كتييييير ، وبيني وبينكم كدا احنا من اكتر الشعوب اللي بنسمع الجمله دي . ولكن عمرك سمعت الجمله دي من جواك ؟؟؟ طبعا مش قصدي انك تسمع الست اللي بتقولها من جواك قصدي انك تسمعها من جوا عقلك.
مابين اي اتنين ..مجموعه من الذكريات والمواقف الجميله اللي لا يمكن تتنسي ، والذكريات دي مع مرور الزمن بتتحول لرصيد من الحب للشخص اللي اشترك معانا فيها. الرصيد دا بنلجأ له لما يحصل بينا اي حاجه -مشكله ،زعل ،سوء فهم-ونحاول نتغاضي عن اللي حصل مقابل جزء من الرصيد دا. ويوم بعد يوم ، ومع تكرار الغلط من نفس الشخص ، ومع داوم السحب من الرصيد ، ممكن نوصل لمرحله ان غلطته اكبر من الرصيد اللي موجود. ممكن ساعتها بكرم اخلاق نسامح ولكن قصاد كل الرصيد اللي فاضل . ومع اي غلطه تانيه حتي ولو كانت صغيره جدا ، بنيجي ندورله علي حاجه عشان نسامحه بيها ، للاسف ما نلاقيش وندور مهما ندور ..برده ما نلاقيش انت بتحبه ونفسك تسامحه ..بس خلاص ما باليد حيله...هو استنفذ كل اللي كان موجود ، وساعتها هتلاقي عقلك بينطق ويقوله ... عفوا لقد نفذ رصيدكم ليه وعشان ايه تيجي تشوف اللي عمله تلاقيه حاجه صغيره اوي بالمقارنه باللي كان بيعمله زمان وانت بتسامحه عليه ، ويتهمك انك ما عودتش تحبه وم الاخر بتتلككله . هو مش فاهم انه كان طول الفتره دي بيسحب م الرصيد واخر غلطه حتي لو كانت صغيره فهي كانت القشه التي قصمت ظهر البعير. الحياه مليانه ضغوطات وكتير بتصدر مننا افعال او اقوال ..غصب عننا ... ولكن ممكن تزعل اللي بنحبهم مننا. هما مش مستنين اعتذار ، بيسامحوا ....ولكن رصيدنا عندهم بيقل يوم عن يوم. طب ليه فكرناش نزود رصيدنا تاني؟؟؟؟؟؟ آســــف هتمسح اللي حصل من غير الرصيد مايقل بيحبونا وهيسامحونا ..وهيحبونا اكتر لو اعتذرنالهم وطلبنا عفوهم ... وفوق كل دا ..الحب بينا هيزيد.
طب عارف مين بيحبك اكتر من اي حد فيهم؟؟؟؟ عارف انك بتغلط ف حقه ومع ذلك ما بتروحش غير ليه؟؟؟ عارف انه مش مستني منك اي حاجه غير طلب العفو ؟؟؟ لو قولت سامحني ...هيسامحك بدون النظر لمدي ضخامه اللي عملته؟؟؟ مهما عملت ومهما قولت...بمجرد انك تقوله ...عفوك وغفرانك هيسامحك وهيحبك اكتر واكتر هو سبحانه وتعالي بيحبك اوي ومهما تغلط وتعصاه دايما بابه مفتوح عشان يسامحك بس بشرط انك تعترف بغلطك وتطلب عفوه وغفرانه. كلنا عارفين الحديث الشريف اللي بيتكلم عن الثلاثه اصحاب الغار اللي اتقفل عليهم الباب بصخره ضخمه واشار واحد فيهمبان مفيش حاجه هتنجيهم غير ربنا والتوسل اليه بفضائل الاعمال وكل واحد افتكر موقف عمله كان مخلص فيه ويقصد بيه وجه ربنا سبحانه وتعالي ومع كل موقف تنفرج الصخره لحد ما انفتح الباب مع اخر كلمه قالها اخر واحد. ياتري اعمالك كفايه ان ربنا يغفرلك من غير ما تطلب عفوه؟؟؟؟ اعتقد ان مفيش حد يقدر يقول انه فاضل له اي رصيد بسبب النعم الكتير اللي احنا فيها والذنوب الاكتر اللي بنعملها. يبئي مفيش ادامنا غير اننا نطلب العفو والسماح ونحاول نعمل حاجه ..مكن تساعدنا لو غلطتنا كانت كبير كالعاده. بس لو مش هتقدر تقوله او تطلبه منه انه يسامحك ياريت تحاول تزود رصيدك اوي من الحسنات عشان ما تجيش ف يوم تغلط وتعمل معصيه ولما تطلب العفو تلاقي رصيدك لا يسمح. وساعتها هتلاقيك انت اللي بتقول لنفسك عفوا....لقد نفذ رصيدكم.
الرئيسية
الدولة
